7 வருடத்திற்கு முன் வெறும் 1 டாலர்.. இன்று 1.4 மில்லியன் டாலர்..!

வல்லரசு நாடுகளில் அதிகளவில் வர்த்தகம் செய்யப்படும் டிஜிட்டல் பணமான பிட்காயின் மதிப்பு இன்று புதிய உச்சத்தை அடைந்துள்ளது. இதன் மூலம் பிட்காயின் சந்தையின் மதிப்பு 15 பில்லியன் டாலராக உயர்ந்துள்ளது.

திங்கட்கிழமை வர்த்தகத்தில் பிட்காயின் மதிப்பு வரலாறு காணாத வகையில் சுமார் 4,251 டாலராக உயர்ந்துள்ளது.

அதிரடி வளர்ச்சி

சர்வதேச பங்குச்சந்தை பல விதிமானப் பாதிப்புகளை எதிர்கொண்டு இருக்கும்போது பிட்காயின் மதிப்பு 2017ஆம் ஆண்டில் மட்டும் சுமார் 320 சதவீதம் வரை வளர்ச்சி அடைந்து அசத்தியுள்ளது. இது உலகின் எந்தக் கிரிப்டோகரன்சியும் அடைந்திடாத வளர்ச்சி என்பது குறிப்பிடத்தக்கது.

ஜப்பான்

பிட்காயின் ஜப்பான் நாட்டில் பணமாகப் பயன்படுத்தலாம் எனக் கூறியுள்ள நிலையில், பிட்காயின்-இல் முதலீடு செய்யப்பட்ட 42 சதவீத தொகை ஜப்பான் யென்.

ஜப்பானில் பல முன்னணி கடைகள் பிட்காயினை எவ்விதமான தடையுமில்லாமல் பெறுகிறது.

முக்கியக் காரணம்

பிட்காயின் வளர்ச்சிக்குப் பல காரணங்கள் இருந்தாலும், அடிப்படை காரணம் , இந்நிறுவனம் வர்த்தகம் செய்யும் அளவீட்டை அதிகரித்துள்ள காரணத்தாலும், உலக நாடுகள் முழுவதிலும் இதன் தொழில்நுட்பங்கள் விரிவடைந்துள்ள காரணத்தால் கடந்த 7 மாதத்தில் மட்டும் சுமார் 320 சதவீதம் வரை வளர்ச்சி அடைந்துள்ளது.