2017.. சீனாவிற்கு மோசமான வருடமாக அமையும்..!

உலகில் மிகவும் வேகமாக வளர்ந்து வரும் பொருளாதார நாடுகளில் சீனா முக்கிய இடத்தில் இருக்கும் நிலையில், உள்கட்டமைப்பு குறைபாடு மற்றும் ஏற்றுமதி பாதிப்புகள் காரணமாகக் கடந்த 2 வருடங்களாகப் பொருளாதாரத்தில் மிகப்பெரிய சரிவை சந்தித்து வருகிறது.

2017ஆம் ஆண்டில் இதன் அளவு மேலும் மோசமடையும் எனச் சீன அரசு நடத்து Think Tank அமைப்பு தெரிவித்துள்ளது. அதுமட்டும் அல்லாமல் பொருளாதார வளர்ச்சி மற்றும் நாணய மதிப்பின் சரிவுகளைக் கட்டுப்படுத்த இந்தியாவைப் போல் பணமதிப்பிழப்பு நடவடிக்கையை மேற்கொள்ளலாம் எனவும் யோசனையை அளித்துள்ளது.

மேலும் சீனாவின் ஸ்டேட் இன்பர்மேஷன் சென்டர் கூறுகையில், புதிய டெக்னாலஜிகள் மூலம் சரிவை கட்டுப்படுத்தினாலும் அடிப்படையிலான சரிவுகளைத் தவிர்க முடியாது எனக் கூறியுள்ளது.

பொருளாதார வளர்ச்சி

2016ஆம் ஆண்டில் 6.7 சதவீதமாக இருந்த சீன நாட்டின் பொருளாதார வளர்ச்சி 2017ஆம் 6.5 சதவீதம் வரை குறையும் என்று ஆய்வுகள் கூறுகிறது.

தொழிற்துறை உற்பத்தி

சீன நாட்டின் தொழிற்துறை உற்பத்தி அளவு 2016ஆம் 6.1 சதவீதமாக இருந்த நிலையில் 2017ஆம் ஆண்டு 5.9 சதவீதமாகக் குறையும் எனக் கணிக்கப்பட்டுள்ளது.