இந்தியாவால் 900 பில்லியன் டாலர் சந்தை மூலதனம் பெற்ற நிறுவனமாக உருவெடுத்த அமேசான்!

அமெரிக்காவில் மிகப் பெரிய மூலதனத்தினைப் பெற்ற நிறுவனம் என்ற பெயரை ஆப்பிள் பெற்று இருந்த நிலையில் அதனை அமேசான்.காம் விரைவில் அதனை முறியடிக்கும் என்று எதிர்பார்க்கப்படுகிறது.

அமேசான்.காம் நிறுவனம் புதன்கிழமை பிரைம் டே விற்பனையில் 100 மில்லியன் டாலர் மதிப்பிலான பொருட்களை விற்பனை செய்துள்ளது மட்டும் இல்லாமல் 902 பில்லியன் டாலர் சந்தை மூலதனத்தினையும் பெற்று அனைவரையும் ஆச்சரியப்படுத்தியுள்ளது.

அமேசான்

1994-ம் ஆண்டுப் புத்தகம் விற்கும் ஒரு இணையதளமாக உருவாக்கப்பட்டுப் பின்னர் இ-காமர்ஸ் நிறுவனமாக உருவெடுத்து 1997-ம் ஆண்டு நாஸ்டாக்கில் 18 டாலர் ஒரு பங்கு என ஐபிஓ மூலம் வெளியிட்ட அமேசான் 2018-ம் ஆண்டு 900 பில்லியன் டாலர் சந்தை மூலதனம் பெற்ற நிறுவனமாக வளர்ந்துள்ளது.

2018

2018-ம் ஆண்டு அமேசான் நிறுவனப் பங்குகள் 57 சதவீதம் வரை உயர்ந்துள்ளது. அமேசான், நெட்பிளிக்ஸ் என ஆன்லைன் நிறுவனங்கள் தான் 2018-ம் ஆண்டு அமெரிக்கப் பங்கு சந்தையில் அதிகளவில் முதலீட்டுக்களைத் திரட்டியுள்ளன.

ஆப்பிள்

ஆப்பிள் நிறுவனத்தின் சந்தை மூலதனம் 2018-ம் ஆண்டு 12 சதவீதம் உயர்ந்து 935 பில்லியன் டாலராக உள்ளது.

மூலதனம்

அமேசான் நிறுவனம் ஒரு காலாண்டுக்கு 1 மில்லியன் டாலர் என்ற அளவில் கடந்த சில ஆண்டுகளாக வளர்ந்து வருகிறது. அமேசான் சேவை இந்தியாவில் துவங்கப்பட்ட பிறகு தான் இந்த மாற்றங்கள் என்றும் அதுவே இந்த 900 பில்லியன் டாலர் சந்தை மூலதனம் பெற காரணம் என்றும் கூறப்படுகிறது.

இந்தியா

அமேசானின் இ-காமர்ஸ் வணிகம் மட்டும் இல்லாமல் அமேசானின் பிரைம் வீடியோ சேவைக்கும் இந்தியாவில் பலத்த வரவேற்பு கிடைத்துள்ளதும் இதற்கு முக்கியக் காரணம் ஆகும்.