உலகமே எதிர்பார்த்த அந்த முடிவு இந்த வாரத்தில்.. இது தான் உண்மையான புத்தாண்டு..!

அமெரிக்கா சீனா இடையேயான வர்த்தக ஒப்பந்தம் உலகத்தை ஆட்டிப்படைத்து விட்டது என்று தான் கூற வேண்டும். அந்தளவுக்கு அமெரிக்கா சீனா மட்டும் அல்ல, மற்ற உலக நாடுகளையும் பொருளாதாரத்தில் பெரும் வீழ்ச்சி காண வழி வகுத்தது.

ஏன் உலக வங்கியே இதனால் உலக பொருளாதாரமே வீழ்ச்சி கண்டு வருகிறது. ஆக உங்களது குடுமிப்பிடி சந்தையை நிறுத்துங்கள் என்று கதறியது. ஆனால் அப்போதெல்லாம் முடிவுக்கு வராத இந்த வர்த்தக போர், தற்போது முடிவுக்கு வர உள்ளது என்றால் நம்ப முடிகிறதா? ஆனால் அது தான் உண்மை. திங்கட்கிழமையன்றே இதற்கான இறுதி ஒப்பந்தம் போடப்பட்டுள்ளது என்று சீனாவின் வர்த்தக ஆலோசகர் பீட்டார் நவரோ கூறியுள்ளார்.

ஃபாக்ஸ் நியூஸில் வெளியான அறிக்கையின் படி, அமெரிக்கா ஜனாதிபதி டிரம்ப்புக்கும், சீனாவுக்கும் இடையே பேச்சு வார்த்தை சுமூகமாக போய்க் கொண்டிருப்பதாகவும், எந்த அழுத்தத்தையும் எதிர்க்கொள்ளவில்லை என்றும் கூறப்படுகிறது.

இதற்கு உதாரணம் டிசம்பர் 15 அன்று அமலுக்கு வரவிருந்த வரி விகித உயர்வானது கொண்டு வரப்படவில்லை. இதுவே இந்த இரு நாடுகளுக்கும் சுமூகமான தீர்ப்பை கொண்டு வந்து விட்டது என்றும் கூறப்படுகிறது. மேலும் வரி அதிகரிப்பை நிறுத்தி வைத்ததோடு, தற்போது அமலில் உள்ள சில வரிகளையும் குறைத்ததாகவும் கூறப்படுகிறது.

மேலும் அமெரிக்காவின் விவசாய பொருட்களின் கொள்முதலை சீனா ஏற்றுக் கொண்டது. மேலும் அறிவுசார் சொத்து பாதுகாப்பு, அமெரிக்க நிறுவனங்களின் கட்டாய தொழில்நுட்ப பரிமாற்றங்கள், மேலும் புதிய நாணய நடைமுறைகள் என பல சீர்திருத்தங்கள் செய்துள்ளன.

எனினும் இந்த ஒப்பந்தத்தின் இறுதியான துல்லியமான விதிமுறைகள் எதுவும் வெளியாகவில்லை. அமெரிக்கா வர்த்தக பிரதிநிதி ராபர்ட் லைதைசர், 86 பக்க ஒப்பந்தத்தை அவரும், லியுவும் ஜனவரி தொடக்கத்தில் கையெழுத்திடுவார்கள் என்றும் எதிர்பார்க்கப்படுவதாகவும் கூறப்படுகிறது. மேலும் அந்த சமயத்தில் இந்த ஆவணங்கள் பகிரங்கமாக வெளியிடப்படலாம் என்றும் கூறப்படுகிறது.

எது எப்படியோ உலகையே ஆட்டிப்படைத்த இந்த வர்த்தக ஒப்பந்தம் முடிவுக்கு வர விருப்பது உலக நாடுகளுக்கு ஒரு நல்ல செய்தி தான். அதிலும் இந்தியா போன்ற வளர்ந்து வரும் நாடுகளுக்கு இது ஒரு வரப்பிரசாதமே. ஏனெனில் எதற்கு எடுத்தாலும் வர்த்தக போர் குற்றம் சாட்டப்பட்டு வரும் நிலையில், இனி அது முடிவுக்கு வந்துள்ளது.