உலகின் முன்னணி தொழில்நுட்ப நிறுவனங்களில் ஒன்றான ஆப்பிள் நிறுவனத்தின் முக்கியத் தயாரிப்பான ஐபோன், 2016ஆம் ஆண்டில் வாடிக்கையாளர்கள் மத்தியில் பெரிய அளவிலான வரவேற்பு கிடைக்காத காரணத்தினால் ஆப்பிள் ஐபோன் விற்பனை மட்டும் அல்லாமல் ஒட்டுமொத்த விற்பனை அளவுகளில் சரிவை சந்தித்தது.
இதன் காரணமாக ஆப்பிள் நிறுவனத்தின் நிர்வாகம், இந்நிறுவனத்தின் சிஇஓவான டிம் குக் சம்பளத்தில் 15 சதவீத்தை குறைத்துள்ளது.
இந்நிலையில் செப்டம்பர் 24ஆம் தேதி வரையிலான காலத்திற்குக் கடந்த வருடம் 10.3 மில்லியன் டாலராக இருந்த டிம் குக் சம்பளம் தற்போது 8.7 மில்லியன் டாலராகக் குறைந்துள்ளது.
ஆப்பிள் நிறுவனத்தின் வருவாய் அளவு இக்காலகட்டத்தில் 8 சதவீதம் சரிந்து 216 பில்லியந் டாலராகக் குறைந்துள்ளது, இயக்க லாப அளவுரள் 16 சதவீதம் குறைந்து 60 பில்லியன் டாலராகக் குறைந்துள்ளது. இந்தப் பாதிப்புகள் அதிகளவு ஐபோன் விற்பனை சரிவால் நிகழ்ந்தது என்று ஆப்பிள் நிறுவனம் அறிவித்துள்ளது.
மேலும் வருவாய் அளவின் சரிவே டிம் குக் சம்பளத்தில் செய்யப்பட்டுள்ள குறைப்பிற்கு முக்கியக் காரணம் என்றும் தெரிவித்துள்ளது ஆப்பிள் நிறுவனம்
2001ஆம் ஆண்டுக்குப் பின் முதல் முறையாக ஆப்பிள் நிறுவனத்தின் வருவாய் குறைந்துள்ளது.