2021ஆம் ஆண்டில் ஆப்பிள் டிம்குக் சம்பளம் இதுதான்.. சுந்தர் பிச்சை முந்துவாரா..?!

வளர்ச்சிக்கு ஏற்ப சம்பளம்

இது உண்மையிலேயே அனைவரையும் வாவ் சொல்ல வைத்துள்ளது எனலாம். ஆப்பிள் நிறுவனத்தின தலைமை செயல் அதிகாரியாக 2011ம் ஆண்டு பதவியேற்ற டிம் குக், 10 ஆண்டுகளுக்கு இந்த பணியில் இருப்பார் என ஒப்பந்தம் போடப்பட்டது.எனினும் 2025 வரை இவரே இந்த பதவியில் நீட்டிப்பார் என்று எதிர்பார்க்கப்படுகிறது. இவரின் சம்பளம் ஒவ்வொரு ஆண்டும் நிறுவனத்தின் பங்கு மதிப்பிற்கு ஏற்ப நிர்ணயிக்கப்பட்டு வருகின்றது.

சம்பளம் எவ்வளவு?

இதற்கிடையில் 2021ம் ஆண்டிக்கு சம்பளம் குறித்த செய்திகள் வெளியாகி வருகின்றன. அதில் டிம் குக்கின் சம்பளம் 3 மில்லியன் டாலராகும். 82 மில்லியன் டாலர் மதிப்பிலான பங்குகளும் அவார்டாக கிடைத்துள்ளது. அது போல ஈக்விட்டி அல்லாத ஊக்கத் தொகையாக 12 மில்லியன் டாலரும், அதுபோக மற்ற ஊக்கத் தொகையாக 1.39 மில்லியன் டாலரும் வழங்கப்பட்டுள்ளது.

சம்பளம் + அலவன்ஸ்

இந்த 1.39 மில்லியன் டாலரில் 7,12,488 டாலர் விமான அலவன்ஸ் ஆகவும், 6,30,630 டாலர் பாதுகாப்பிற்காகவும், 23,077 டாலர்கள் விடுமுறைக்காவும், இன்சூரன்ஸ் பிரீமியமாக 2964 மற்றும் 17400 டாலர்களும் அடங்கும். இவை அனைத்தும் ஒட்டுமொத்தமாக சேர்க்கும்போது 98 மில்லியனுக்கும் அதிகமான தொகையினை டிக் குக் பெறுகிறார். இதன் இந்திய மதிப்பு சுமார் 730 கோடிக்கும் மேல். ஆப்பிள் நிறுவனம் டிம் குக்கிற்காக, அவரின் பாதுகாப்பு காரணம் கருதி தனிப்பட்ட விமானத்தினை வழங்கியுள்ளது குறிப்பிடத்தக்கது.

ஆப்பிளின் வளர்ச்சி

2021ம் நிதியாண்டில் ஆப்பிள் நிறுவனம் முந்தைய ஆண்டினை காட்டிலும் 33% வளர்ச்சியை கண்டுள்ளது. இந்த நிறுவனத்தின் நிகர விற்பனையானது 2021ல் 365.8 பில்லியன் டாலராக அதிகரித்துள்ளது. இதே 2020ல் 274.5 பில்லியன் டாலராகவும், 2019ல் 260.2 பில்லியன் டாலராகவும் இருந்துள்ளது.

எங்கு எவ்வளவு விற்பனை?

இந்த விற்பனை விகிதத்தில் அமெரிக்காவில் 153.3 பில்லியன் டாலர்களும், ஐரோப்பாவில் 89.3 பில்லியன் டாலராகவும், சீனாவில் 68.4 பில்லியன் டாலராகவும், இதே ஜப்பானில் 28.5 பில்லியன் டாலராகவும், ஆசிய பசிபிக் நாடுகளில் 26.4 பில்லியன் டாலர் விற்பனையும் செய்துள்ளது.

என்ன பொருட்கள்?

ஆப்பிளின் மிகப்பெரிய நம்பகமான அஸ்திரமான ஆப்பிள் ஐபோன் விற்பனையானது 192 பில்லியன் டாலர் மதிப்பிலும் , மேக் 35.2 பில்லியன் டாலர் மதிப்பிலும், ஐபேடு 31.9 பில்லியன் டாலர் மதிப்பு, மற்ற பொருட்கள் 38.4 பில்லியன் டாலர் மதிப்பிலும் விற்பனை செய்யபபட்டுள்ளன. இது தவிர சேவை மூலமாக 68.4 பில்லியன் டாலரும் வருமானத்தில் பங்கு வகித்துள்ளன.