பேஸ்புக்-ஐ ஓரம்கட்டிய பிட்காயின்.. வியப்பில் ஆழ்த்திய கிரிப்டோ சந்தை..!

பிட்காயின் விலை

சர்வதேச சந்தையில் பிட்காயின் உட்பட அனைத்து கிரிப்டோகரன்சி மீது கலவையான மனநிலை இருக்கும் வேளையிலும் பிட்காயின் மீது அதிகளவிலான முதலீடுகள் குவிந்து வருகிறது. இதன் வாயிலாக இன்று ஒரு பிட்காயின் விலை அதிகப்படியாக 56,078 டாலர் வரையில் உயர்ந்துள்ளது.

1 டிரில்லியன் டாலர்

இதன் மூலம் பிட்காயின் மொத்த சந்தை மதிப்பு 1 டிரில்லியன் டாலரை அளவீட்டை தாண்டி முதலீட்டாளர்களுக்கு இன்ப அதிர்ச்சி கொடுத்துள்ளது. இதன் மூலம் அடுத்தச் சில நாட்களுக்குப் பிட்காயின் விலை தொடர்ந்து உயர்வது மட்டும் அல்லாமல் சந்தை மதிப்பில் புதிய உச்சத்தையும் அடையும் என எதிர்பார்க்கப்படுகிறது.

பேஸ்புக் நிறுவனம்

இதற்குப் பேஸ்புக் நிறுவனத்திற்கும் என்ன சம்பந்தம் என்று தானே கேட்கிறீர்கள். உலகிலேயே மிகப்பெரிய சமுக வலைதளம் மற்றும் டெக் நிறுவனமாக இருக்கும் பேஸ்புக்-ன் மொத்த சந்தை மதிப்பு 930 பில்லியன் டாலராக இருக்கும் நிலையில் பிட்காயின் 1 டிரில்லியன் டாலர் அளவிலான உயர்வை தொட்டு உள்ளது.

பேஸ்புக்-ஐ ஓரம்கட்டியுள்ளது பிட்காயின்

இதன் மூலம் பிட்காயின் சந்தை மதிப்பீட்டில் பேஸ்புக்-ஐ ஓரம்கட்டியுள்ளது. இதைத் தாண்டி பிட்காயின் முதலீட்டாளர்கள் தற்போது பேஸ்புக் முதலீட்டாளர்களுக்கு இணையாக உயர்ந்துள்ளனர் என்றால் மிகையில்லை. நீங்களும் பிட்காயின் முதலீட்டாளர் என்றால் கமெண்ட் பண்ணுங்க.

கிரிப்டோகரன்சி விலை

முன்னணி கிரிப்டோகரன்சியின் இன்றைய விலை நிலவரம்

பிட்காயின் - 54,609 டாலர் (1.41 சதவீத உயர்வு), எதிரியம் - 3,642 டாலர் (2.21 சதவீத உயர்வு), ரிப்பிள் - 1.08 டாலர் (1.44 சதவீத உயர்வு), கார்டானோ - 2.28 டாலர் (0.32 சதவீத உயர்வு), பினான்ஸ் காயின் - 424.26 டாலர் (3.50 சதவீத சரிவு), டெதர் - 1.00 டாலர் (0.03 சதவீத சரிவு), போல்காடாட் - 33.83 டாலர் (1.47 சதவீத உயர்வு), டோஜ்காயின் - 0.246 டாலர் (2.45 சதவீத உயர்வு).