சீனாவில் குழந்தை பிறப்பு விகிதம் 40 வருட சரிவு..!

உலகிலேயே மிகப்பெரிய பணக்கார நாடாகச் சீனா முன்னேறியுள்ளது, பல துறையில் டெக்னாலஜி மற்றும் உற்பத்தியிலும் முன்னோடியாக இருக்கும் இந்த வேளையில், சீனா முக்கியமான பிரச்சனையை எதிர்கொண்டு உள்ளது.

ஆம் சீனாவில் கடந்த 40 வருடத்தில் இல்லாத அளவிற்குக் குழந்தை பிறப்பு விகிதம் 2020ல் குறைந்துள்ளதாகச் சீனாவின் தேசிய புள்ளியியல் அமைப்பு தெரிவித்துள்ளது. கொரோனா-வையும் நாட்டின் பொருளாதாரச் சரிவையும் எதிர்த்துப் போராடி வந்த சீனா தற்போது வளர்ச்சிப் பாதையில் இருந்தாலும் குழந்தை பிறப்பு விகிதத்தில் 40 வருடச் சரிவு என்ற பெரும் பிரச்சனையை எதிர்கொண்டு உள்ளது.

குழந்தை பிறப்பு விகிதம்

2019ல் சீனாவில் குழந்தை பிறப்பு விகிதம் 1000 பேருக்கு 10.41 சதவீதமாக இருந்தது. இது 2020ல் 8.52 சதவீதமாகக் குறைந்துள்ளது. சீனாவின் புள்ளியியல் 2021 வருடப் புத்தகத்தில் 1978க்குப் பின் சீனாவில் குழந்தை பிறப்பு விகிதம் 10 சதவீதத்திற்குக் குறைவாகியுள்ளது என Caixin தெரிவித்துள்ளது.

சீனா புள்ளியியல் தரவு

மேலும் சீனாவில் குழந்தை பெற்றெடுக்கும் பெண்கள் விகிதம் 1.3 ஆக இருக்கும் வேளையில் 2020ல் வெறும் 1.2 கோடி குழந்தைகள் மட்டுமே பிறந்துள்ளது எனச் சீனாவின் புள்ளியியல் தரவுகள் கூறுகிறது. இது தற்போது பெரிய பிரச்சனையாக இல்லை என்றாலும் நீண்ட கால அடிப்படையில் பெரும் பிரச்சனையாக மாறும்.

சீனா விலைவாசி

சீனாவில் விலைவாசி அதிகரித்துள்ள காரணத்தால் குழந்தை வளர்ப்பது என்பது பெற்றோர்களுக்குப் பெரும் சுமையாக மாறியுள்ளது. இதுமட்டும் அல்லாமல் நிதிநிலையில் சிறப்பாக இருக்கும் மக்களும், சீனா அரசு ஒற்றைக் குழந்தை கொள்கையை நீக்கிய பின்பும் ஒரு குழந்தை போதும் என மனப்பான்மையில் உள்ளனர்.

குழந்தை வேண்டாம்

இதேவேளையில் சீனா இளைஞர்கள் மத்தியில் தற்போது குழந்தை பெற்றுக்கொள்ள வேண்டாம் என மனப்பான்மையும் அதிகரித்துள்ளது. இதனால் சீனாவில் குழந்தை பிறப்பு விகிதம் கடந்த சில ஆண்டுகளாகவே குறைந்து வருகிறது. இது சீனாவில் மட்டும் அல்லாமல் உலகில் பல இடங்களில் இதுபோன்ற மனப்பான்மை மக்கள் மத்தியில் உருவெடுத்துள்ளது.

மத்தியில்

மக்கள் மத்தியில் இந்த ஒரு குழந்தை போதும் என்ற மனப்பான்மையும், குழந்தை பெற்றுக்கொள்ள வேண்டாம் என மனப்பான்மை குறித்தும் சீனாவின் முன்னணி சமூகவலைத்தளமான Weibo-வில் ஆய்வு செய்யப்பட்ட போது 57,000 பேர் கலந்து கொண்டனர். இதில் அதிகமானோர் குறிப்பிட்ட காரணம் "high living costs" அதாவது அதிகப்படியான விலைவாசி.