பெய்ஜிங்: சீனாவின் மந்தமான பொருளாதார நிலை, உற்பத்தி அளவில் சரிவு, புதிய முதலீடுகளை ஈர்க்க முடியாத நிலை ஆகிய காரணங்களுக்காக 2014ஆம் ஆண்டுக்கான ஜிடிபி அளவுகளை 7.3 சதவீதமாகக் குறைத்ததுள்ளது சீனா.
உற்பத்தி பாதியாகக் குறைந்தது...
சீனாவின் உள்நாட்டு உற்பத்தி குறித்து தேசிய புள்ளிவிபரம் மையம் தனது இணையத் தளத்தில் தெரிவித்துள்ளது. இதில் கடந்த வருடம் சீனாவின் மொத்த உள்நாட்டு உற்பத்தி அளவு 10 டிரில்லியனாக இருந்தது. ஆனால் 2015ஆம் ஆண்டின் ஜனவரி மாதத்தில் முந்தைய கணிப்புகளை விடவும் குறைவாக 5 டிரில்லியன் டாலராகப் பதிவாகியுள்ளது.
இதனால் சீனா தற்போது 2014ஆம் ஆண்டுக்கான ஜிடிபி கணிப்புகளை 7.4 சதவீதத்தில் இருந்து 7.3 சதவீதமாகக் குறைத்துள்ளது.
சேவை துறை..
சீனாவில் தற்போது தொழிற்துறை மற்றும் விவசாய உற்பத்திகள் அதிகளவில் பாதிக்கப்படவில்லை என்றாலும், சேவைத்துறையின் உற்பத்தி அளவீடுகள் அதிகளவில் பாதித்துள்ளது.
இதன் காரணமாகச் சீனா, சேவைத்துறையை மையமாக வைத்து ஜிடிபி கணிப்புகளை 7.3 சதவீதமாகக் குறைத்துள்ளது.
சீன பங்குச்சந்தை
சந்தையின் முந்தைய கணிப்புகளான 7.4 சதவீதம் ஏற்கனவே 25 வருடத்தில் குறைவான அளவீடாக உள்ள நிலையில், இப்புதிய கணிப்புகள் சந்தை முதலீட்டாளர்களை அதிகளவில் பாதிக்கவில்லை. இதனால் ஷங்காய் காம்போசிட் குறியீடு 0.83% வரையில் சரிவை சந்தித்துள்ளது.
இந்திய பங்குச்சந்தை
கடந்த ஒரு வார காலமாகச் சீன சந்தையின் தாக்கத்தில் பாதிக்கப்பட்டு வந்த இந்திய சந்தை இன்று நிலையான வர்த்தகத்தில் உள்ளது. வாரத்தின் முதல் நாள் வர்த்தகத்தில் சென்செக்ஸ் குறியீடு 34.72 புள்ளிகள் சரிவில் 25,167 புள்ளிகளை அடைந்தது.
அதேபோல் என்எஸ்சி குறியீடு 15.80 புள்ளிகள் சரிவில் 7,639.25 புள்ளிகளை எட்டியுள்ளது.
சமுக வலைத்தள இணைப்புகள்
இனி உங்கள் தமிழ் குட்ரிட்டன்ஸ் தளத்தைப் பேஸ்புக், கூகிள் பிளஸ் மற்றும் டிவிட்டர் பக்கங்களின் மூலமும் இணைந்திடலாம்.
கிளிக் பண்ணுங்க.. ஷேர் பண்ணுங்க..