ஜப்பான் நிறுவனத்தை வாங்கியது 'காக்னிசென்ட்'..!

சர்வதேச சந்தையில் மென்பொருள் சேவை அளிப்பதில் முன்னோடியாக இருக்கும் அமெரிக்க நிறுவனமான காக்னிசென்ட் டெக்னாலஜி சர்வீசஸ், ஜப்பான் நாட்டின் பிர்லியன்ட் சர்வீசஸ் கோ நிறுவனத்தை வெளியிடப்படாத தொகைக்குக் கைப்பற்றியுள்ளது.

இந்தக் கைப்பற்றுதல் மூலம் சிடிஎஸ் நிறுவனம் தனது ஐடி மற்றும் பிற சேவைகளை ஜப்பான் நாட்டில் மிகப்பெரிய அளவிலான விரிவாக்கம் செய்யத் திட்டமிட்டுள்ளது.

பிர்லியன்ட் சர்வீசஸ் கோ

ஜப்பான் நாட்டைத் தலைமையிடமாகக் கொண்டு செயல்படும் பிர்லியன்ட் சர்வீசஸ் கோ 2004ஆம் ஆண்டுத் துவங்கப்பட்டுச் சுமார் 70 ஊழியர்களும் ஸ்மார்ட் கருவிகள் மூலம் வர்த்தகங்களை இணைக்கும் சேவையை அளித்து வருகிறது.

ஜெயஜோதி சென்குப்தா

இந்நிறுவனத்தைக் கைப்பற்றுவது குறித்துக் காக்னிசென்ட் நிறுவனத்தின் ஆசிய பசிபிக் தலைவர் ஜெயஜோதி சென்குப்தா கூறுகையில், பிர்லியன்ட் நிறுவனத்திற்கு ஸ்மார்ட் மற்றும் கனெக்ட் டிவைஸ் வர்த்தகம் குறித்த திட்டமிடல், நிறுவுதல் மற்றும் மேலாண்மை ஆகியவற்றில் சிறப்பான அனுபவம் உள்ளது,

இதுமட்டும் அல்லாமல் ஜப்பான் சந்தையின் வர்த்தக முறை குறித்து முழுமையாகத் தெரியும், இது சிடிஎஸ் நிறுவன வர்த்தகத்தை ஜப்பான் வாடிக்கையாளர்களுக்கு, சந்தைக்கும் கொண்டு செல்ல ஏதுவாக அமையும் என்று கூறினார்.

 

ஓசாக்கா

பிர்லியன்ட் நிறுவனத்தின் கைப்பற்றுதல் ஒப்பந்தங்கள் மூலம் ஜப்பான் நாட்டில் காக்னிசென்ட் டெக்னாலஜி சரிவீசஸ் நிறுவனத்தின் கிளையை ஓசாக்கா மற்றும் டோக்கியோ பகுதிகளில் விரிவாக்கம் செய்ய உள்ளது.

டிஜிட்டல் துறை

உலக நாடுகளில் இருக்கும் முன்னணி ஐடி நிறுவனங்கள் டிஜிட்டல் துறையில் தங்களது வர்த்தகக் கவனத்தைச் செலுத்தி வரும் நிலையில் காக்னிசென்ட் நிறுவனம் ஒரு படிக்கு மேலாகப் புதிய சந்தையில் பிர்லியன்ட் நிறுவனத்தின் கைப்பற்றுதல் மூலம் தனது டிஜிட்டல் சார்ந்த வர்த்தகத்தை விரிவாக்கம் செய்ய உள்ளது.