டாலரை ஓரங்கட்டும் ரஷ்யா – சீனா! வர்த்தகத்தில் டாலரின் பயன்பாடு 50%-க்கு மேல் சரிவு!

யூரோ பயன்பாடு அதிகரிப்பு

இதில் கவனிக்கதக்க விஷயம் என்னவெனில், இதுவரை இல்லாத அளவுக்கு யூரோக்களில் வர்த்தகம் 30 சதவீதத்தினை எட்டியுள்ளது தான். இதே ரஷ்யாவின் ரூபிள் மற்றும் சீனாவின் யுவான் 24 சதவீதம் வர்த்தகத்திற்கு பயன்படுத்தப்பட்டன. இந்த மாற்றங்கள் டாலரிலிருந்து வியத்தகு மாற்றத்தினை கண்டுள்ளன. ஏனெனில் இது 2015 வாக்கில் ரஷ்யா சீன வர்த்தகத்தில் 90 சதவீதத்திற்கும் அதிகமாக பயன்படுத்தப்பட்டது.

டாலரின் ஆதிக்கம்

கடந்த பல தசாப்தங்களாகவே டாலரின் வர்த்தகம் மேலோங்கிய நிலையில், கடந்த நிதியாண்டின் மூன்றாவது காலாண்டிலேயே டாலரின் ஆதிக்கம் சரிய தொடங்கியுள்ளது. ஆனால் இதே கடந்த நிதியாண்டின் முதல் காலாண்டில் இருந்தே, யூரோவின் ஆதிக்கம் வலுப்பெற தொடங்கியுள்ளது.

 

பெட்ரோ டாலர்

டாலரின் ஆதிக்கம் இரண்டாவது உலகப்போர் தொடங்கியதில் இருந்தே, டாலரின் ஆதிக்கம், சர்வதேச சந்தையில் இருந்து வருகிறது. இதே 1973ம் ஆண்டில் இருந்தே ஒபெக் நாடுகள் ஆயில் விற்பனைக்கு டாலரின் விலையினையே நிர்ணயிக்கின்றன. இதற்கு பெட்ரோ டாலர் என்று பெயரையும் வைத்துள்ளன. இது அமெரிக்கா பொருளாதாரத்திம் ஒரு பெரும் தூணாக இருந்து வருகிறது.

டாலர் பரிமாற்றம்

இது அமெரிக்காவின் மிகப்பெரிய பற்றாக்குறை செலவினங்களுக்கு நிதியளிப்பதில் டாலர் பரிமாற்றம் முக்கிய பங்கு வகிக்கிறது. பல தசாப்தங்களாக ரஷ்யா, சீனா, ஈரான் வெனிசுலா மற்றும் பிற நாணயங்கள் டாலரை கடந்து செல்ல முயன்றன. ஆனால் அதெல்லாவற்றையும் டாலர் கடந்து சென்றுள்ளது. அமெரிக்கா பொருளாதாரத்தின் அளவு, அமெரிக்கா சந்தைகளின் ஆதிக்கம், நீண்டகால உலகளாவிய நிதி நடைமுறைகளின் வேகம் மற்றும் மாற்று நாணயத்தின் தோல்வி நம்பகமானதாக கருதப்படுதல் ஆகியவை வெளிவருவதே இதற்குக் காரணம் என்றும் கூறப்படுகிறது.