Just In
-
-
-
-
Don't Miss
-
‛‛திமுக கண்ணில் வந்த தோல்வி பயம்’’.. வாக்காளர்கள் பெயர்களை நீக்கியது ஏன்? எல் முருகன் விமர்சனம் -
75 நாளுக்கு ஒரே ரீசார்ஜ்.. தினசரி டேட்டா.. அன்லிமிடெட் வாய்ஸ் கால் நன்மை.. ரூ.500 விலைக்குள் எந்த திட்டம்? -
கில்லி படத்தில் வரும் விஜய்யின் வீடு எங்க இருக்கு தெரியுமா? செய்யாறு பாலு சொன்ன சுவாரசியத் தகவல்! -
வன்மத்தை கக்கிட்டாரு.. தோனியை வம்புக்கு இழுத்த கவுதம் கம்பீர்.. கொந்தளிக்கும் சிஎஸ்கே ரசிகர்கள்! -
10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி! -
இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...! -
நம்ம தர்மபுரியில் சுற்றிப் பார்க்க இவ்வளவு இடங்கள்? -
தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
எங்குத் திரும்பினாலும் கொரோனா தான், சாமானியர்கள் முதல் பெரும் பணக்காரர்கள் வரையில் அனைவரையும் பயமுறுத்தி வருகிறது என்றால் மிகையில்லை.
தற்போது வல்லரசு நாடுகளையும் கொரோனா பாதித்துள்ளது என்பது தான் மிகவும் வருத்தமான விஷயம்.
வெள்ளிக்கிழமை காலை நிலவரத்தின் படி, உலகிலேயே அமெரிக்காவில் தான் அதிகமாகக் கொரோனா பாதிக்கப்பட்ட (Positive cases) மக்கள் இருப்பதாக ஆய்வுகள் கூறுகிறது. அதேபோல் ஜெர்மனி தான் அதிகளவிலான பொருளாதாரச் சரிவைச் சந்திக்கும் எனவும் கூறப்படுகிறது.
ஜெர்மனி
உலகின் மிகப்பெரிய பொருளாதார நாடுகளில் முக்கியமான ஒரு நாடு ஜெர்மனி, உலகில் பிற நாடுகளைப் போலவே ஜெர்மனியிலும் கொரோனாவின் பாதிப்பு மிகவும் அதிகமாக இருக்கிறது. இதன் எதிரொலியாக ஜெர்மனியின் மொத்த தொழிற்துறையும் தற்போது முடங்கியுள்ளது மட்டும் அல்லாமல் பங்குச்சந்தையும் கடுமையான பாதிப்புகளைச் சந்தித்து வருகிறது.
பொருளாதாரம்
இதன் எதிரொலியாக நடப்பு நிதியாண்டில் ஜூன் மாதம் வரையில் ஜெர்மனி நாட்டில் லாக்டவுன் தொடர்ந்தால் கண்டிப்பாக அந்நாட்டின் பொருளாதாரம் 10 சதவீதம் வரையில் பாதிக்கும் என ஜெர்மன் பொருளாதார அமைப்பு கணித்துள்ளது.
தொழிற்துறை
தற்போதைய நிலையில் ஜெர்மன் நாட்டின் தொழிற்துறை சுமார் 18 சதவீதம் வரையில் சரிந்துள்ளது. இந்தத் தருணத்தில் தொழிற்துறையின் பாதிப்பு கண்டிப்பாக இந்த வருடத்தின் இறுதி வரையில் தொடரும் என எதிர்பார்ப்பதாகவும் ஜெர்மன் பொருளாதார அமைப்புக் கூறுகிறது.
1.1 டிரில்லியன் யூரோ
ஜெர்மன் நாட்டின் பொருளாதாரத்தைக் கடுமையான பாதித்துள்ள கொரோனாவை எதிர்கொள்ளவும், மக்கள் மத்தியில் பரவுவதைச் சமாளிக்கவும் அந்நாட்டு நாடாளுமன்றத்தில் சுமார் 1.1 டிரில்லியன் யூரோ தொகையைச் செலவு செய்ய உள்ளதாகத் திட்டமிட்டு அதற்கான ஒப்புதலையும் பெற்றுள்ளது.
இதேபோல் அமெரிக்காவும் சுமார் 2 டிரில்லியன் டாலர் அளவிலான தொகையைச் செலவு செய்ய முடிவு செய்து ஒப்புதல் அளித்துள்ளது.
இந்தியா
தொழிற்துறையிலும், வர்த்தகத்தில் சிறந்து விளங்கும் வல்லரசு நாடுகளுக்கு இணையான ஒரு வளத்தைக் கொண்டுள்ள ஜெர்மனியிலேயே 10 சதவீத பொருளாதார வளர்ச்சி சரிவு என்றால், ஏற்கனவே பொருளாதார வளர்ச்சியில் 8 வருடப் பின்தங்கியிருக்கும் இந்தியாவில் எப்படியிருக்கும்.
இந்தியாவில் கொரோனா பாதிப்பு 3வது கட்டத்தைத் தாண்டிவிட்டால் அதில் இருந்து மீண்டு வருவது நம்நாட்டிற்கு மிகவும் கடினம். இதனால் நாட்டின் பொருளாதார வளர்ச்சி 1 அல்லது 2 சதவீதத்திற்கும் குறைந்தாலும் ஆச்சரியப்படுவதற்கு இல்லை.
