எச்-1பி விசாவிற்கு விண்ணப்பிப்பது தொடர்ந்து 2-ம் ஆண்டாக சரிந்தது..!

Written By:
Subscribe to GoodReturns Tamil

உலகின் மிகவும் பிரபலமான அமெரிக்க வேலை வாய்ப்பு விசாவான எச்-1பி விசாவிற்கு விண்ணப்பிப்பது 2017-ம் ஆண்டு முதன் முறையாகச் சரிந்த நிலையில் 2018-ம் ஆண்டும் சரிந்துள்ளது.

அமெரிக்கக் குடிவரவு துறை சேவைகளானது 2018-ம் ஆண்டு 1,90,098 எச்-1பி விசா விண்ணப்பங்களைத் தற்போது பெற்றுள்ளது, இதுவே 2017-ம் ஆண்டு 1,99,000 விண்ணப்பங்களைப் பெற்று இருந்தது. 2014-ம் ஆண்டுக்குப் பிறகு சென்ற ஆண்டுத் தான் 2,00,000 குறைவான விசா விண்ணப்பங்கள் பெறப்பட்டது.

எச்-1பி விசா வரம்பு

எச்-1பி விசாவிற்கு உலகம் முழுவதிலும் இருந்து எவ்வளவு நபர்கள் விண்ணப்பித்தாலும் 85,000 விசக்கள் மட்டுமே ஒவ்வொரு ஆண்டும் அளிக்கப்படும். அதில் 20,000 விசாக்கள் முதுகலை பட்டாதாரிகளுக்கு ஒதுக்கப்படும்.

எச்-1பி விசா என்றால் என்ன?

எச்-1பி விசா பயன்படுத்தி அமெரிக்க நிறுவனங்களால் வெளிநாட்டில் இருந்து திறன் படைத்த ஊழியர்களைப் பணிக்கு எடுக்க முடியும். இது ஒரு தற்காலிக வேலை விசாவாகும். இதன் மூலம் வெளிநாட்டவர்கள் அமெரிக்காவில் சென்று வேலை செய்ய முடியும்.

லாட்டரி முறை

எப்போதும் போன்று இந்த ஆண்டும் தேவைக்கு அதிகமாக எச்-1பி விசா விண்ணப்பங்கள் வந்துள்ளதால் லாட்டரி முறையில் தான் அளிக்கப்படும்.

கடுமையாகும் விதிகள்

அமெரிக்க அரசு ஒரு பக்கம் எச்-1பி விசா விதிமுறைகளைக் கடுமை படுத்தி வரும் நிலையில் விசாவிற்கான விண்ணப்பங்களும் குறைந்து வருகிறது.

புதிய முடிவு

2018-ம் ஆண்டுக்கான எச்-1பி விசா விண்ணப்பங்கள் ஏப்ரல் 2-ம் தேதி முதல் பெறப்பட்ட நிலையில் சிறு பிழை இருந்தாலும் விண்ணப்பம் நிராகரிக்கப்படும் என்றும் தெரிவித்துள்ளனர்.

நிறுவனங்கள் மீது நடவடிக்கை

அதுமட்டும் இல்லாமல் எச்-1பி விசா பயன்படுத்தி வெளிநாட்டு ஊழியர்களை அதிகளவில் எடுக்க முயலும் நிறுவனத்தின் மீது குடியேற்ற எதிர்ப்புக் கொள்கையினை அமல் படுத்தவும் டிரம்ப் தலைமையிலான அரசு முடிவு செய்துள்ளது.

இந்தியா - சீனா

உலகளவில் எச்-1பி விசாவிற்கு இந்தியர்கள் தான் அதிகளவில் விண்ணப்பிப்பதாகவும், அதற்கு அடுத்த இடத்தில் சீனா உள்ளதாகவும் சென்ற வருடம் அமெரிக்க அரசு அறிவித்தது குறிப்பிடத்தக்கது.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

H1B visa applications down second straight year

H1B visa applications down second straight year
Story first published: Friday, April 13, 2018, 16:43 [IST]
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

Get Latest News alerts from Tamil Goodreturns