பாகிஸ்தான் ராணுவ வீரர்களுக்கு சம்பளம் எவ்வளவு?

பாகிஸ்தான் அரசு தன்னுடைய குடிமக்களுக்கு மூன்று வேளை உணவு வழங்குவதற்கு கூட முடியாமல் தவித்து வருகிறது. அப்படி இருந்தாலும் இந்தியாவுக்கு எதிராக எல்லை தாண்டிய பயங்கரவாதத்தை ஊக்குவித்து வருகிறது. இதனால் இந்தியா பாகிஸ்தான் எல்லையில் பதற்றம் அதிகரித்திருக்கிறது.

பாகிஸ்தானை பொருத்தவரை ராணுவம் மிகவும் அதிகாரம் மிகுந்த ஒரு அமைப்பாக பார்க்கப்படுகிறது. பாகிஸ்தான் ராணுவத்தில் பணியாற்றும் ஊழியர்களுக்கு எவ்வளவு ஊதியம் வழங்கப்படுகிறது என்பன உள்ளிட்ட விவரங்களை தற்போது தெரிந்து கொள்ளலாம். மற்ற அரசு துறைகளைப் போலவே பாகிஸ்தானிலும் ராணுவ ஊழியர்களுக்கு அடிப்படை பேஸிக் பே ஸ்கேல் என்ற அமைப்பு முறையில் தான் ஊதியம் வழங்கப்படுகிறது.

ஒவ்வொரு பொறுப்புக்கும் ஒவ்வொரு பதவிக்கும் ஏற்ற வகையில் ராணுவ வீரர்களுக்கான சம்பளம் நிர்ணயம் செய்யப்படுகிறது. India.com என்ற தளம் வெளியிட்டுள்ள தகவலின் படி பாகிஸ்தான் ராணுவத்தில் நுழைவு நிலையில் இருக்கக்கூடிய ராணுவ வீரர்களுக்கு உதாரணமாக ஜூனியர் கமிஷன் ஆபீஸர் பதவியில் இருப்பவர்களுக்கு பாகிஸ்தான் நாட்டு ரூபாய் மதிப்பில் 20 ஆயிரத்திலிருந்து 40 ஆயிரம் ரூபாய் வரை சம்பளம் வழங்கப்படுகிறது. பணி அனுபவம் ஆகியவற்றின் அடிப்படையில் இந்த சம்பளத்தில் ஏற்ற இறக்கங்கள் இருக்கும்.

அடுத்ததாக நான் கமிஷன் ஆபீஸர்ஸ் என்ற பிரிவில் பணியாற்றும் ராணுவ வீரர்களுக்கு பே ஸ்கேல் 5 மற்றும் 6இன் அடிப்படையில் சம்பளம் வழங்கப்படுகிறது. பாகிஸ்தான் நாட்டு ரூபாய் மதிப்பில் 18 ஆயிரத்திலிருந்து 30 ஆயிரம் ரூபாய் வரை சம்பளம் கிடைக்கும். ஒரு இந்திய ரூபாய் என்பது பாகிஸ்தானின் 3.30 ரூபாய்க்கு சமம். அதன்படி பார்த்தால் 5 ஆயிரத்தில் இருந்து 9 ஆயிரம் ரூபாய் வரை சம்பளம் கிடைக்கும்.

கணிசமான அனுபவத்துடன் பணியில் இருக்கும் மத்திய நிலை ராணுவ அதிகாரிகளுக்கு அதாவது கேப்டன்களாக இருப்பவர்களுக்கு இந்திய ரூபாயின் மதிப்பில் பார்க்கும் போது 15 ஆயிரத்திலிருந்து 27 ஆயிரம் ரூபாய் வரை சம்பளம் கிடைக்கும். அதே போல ஆர்மி மேஜர் பொறுப்புகளில் இருக்கும் வீரர்களுக்கு 18 ஆயிரம் ரூபாயிலிருந்து 30 ஆயிரம் ரூபாய் வரை இந்திய ரூபாயின் மதிப்பில் சம்பளமாக வழங்கப்படுகிறது.

இது தவிர மத்திய அளவில் இருக்கும் இராணுவ அதிகாரிகளுக்கு வீட்டு வாடகை , போக்குவரத்து செலவு மற்றும் பிற அலோவென்ஸுகள் வழங்கப்படுகின்றன. மூத்த நிலை அதிகாரிகளாக அதாவது கலோனியல் மற்றும் பிரைகிரேடர்களாக இருப்பவர்களுக்கு ஒரு மாதத்திற்கு இந்திய ரூபாயின் மதிப்பில் 24 ஆயிரம் ரூபாயிலிருந்து 45 ஆயிரம் ரூபாய் வரை சம்பளம் வழங்கப்படுகிறது. இவர்களுக்கும் இவர்களுடைய குடும்பத்தினருக்குமான தங்குமிட செலவுகள் ,போக்குவரத்து செலவுகள் , மருத்துவ செலவுகள் உள்ளிட்டவற்றை ராணுவமே கவனித்துக் கொள்கிறது.

ராணுவ தளபதியாக பொறுப்பில் இருப்பவர்களுக்கு 60 ஆயிரம் ரூபாய் முதல் சம்பளம் வழங்கப்படுகிறது. இது தவிர அவர்களுக்கு ஆடம்பர குடியிருப்பு வசதிகள், மருத்துவ வசதிகள் உள்ளிட்ட பல சிறப்பு வசதிகள் வழங்கப்படுகின்றன. மற்ற நாடுகளைப் போலவே பாகிஸ்தானிலும் ராணுவத்தில் இருப்பவர்கள் பாதுகாப்பு பணி மட்டுமில்லாமல் மருத்துவ அதிகாரிகள். பொறியாளர்கள் ஆகிய பணிகளிலும் ஈடுபடுத்தப்படுகின்றனர். அவர்களுக்கு சுமார் 18 ஆயிரத்திலிருந்து 40 ஆயிரம் வரை சம்பளம் வழங்கப்படுகிறது.