டெல்லி: உலகப் பொருளாதார நாடுகளின் மத்தியில் கடந்த சில வருடங்களாக இந்திய சந்தையின் வளர்ச்சி மற்றும் சிறப்பான நீண்ட கால வளர்ச்சி திட்டங்கள் முதலீட்டாளர்கள் மத்தியில் மிகப்பெரிய நம்பிக்கையை வளர்த்துள்ளது.
இதன் எதிரொலியாக உலகின் முக்கியப் பொருளாதார சக்தியாக விளங்கும் சீன சந்தையை விடவும் அமெரிக்க முதலீட்டாளர்கள் இந்திய சந்தையில் அதிகளவில் முதலீடு செய்துள்ளனர்.
அமெரிக்கக் கருவூல அறிக்கை
2015ஆம் ஆண்டின் டிசம்பர் மாத முடிவின் அடிப்படையில் அமெரிக்கச் சந்தையின் வெளிநாட்டு முதலீட்டு அளவுகள் பற்றிய அமெரிக்கக் கருவூல அறிக்கை புதன்கிழமை வெளியிடப்பட்டது.
இதில் சீன சந்தையில் அமெரிக்க முதலீட்டாளர்களின் முதலீட்டு அளவு 1.6 சதவீதமாக இருக்கும் பட்சத்தில் இந்திய சந்தையில் இதன் அளவு 1.8 சதவீதமாக உயர்ந்துள்ளது.
12 பில்லியன் டாலர்
இதனால் செப்டம்பர் 2013ஆம் ஆண்டு 7 பில்லியன் டாலராக இருந்த அமெரிக்கச் சந்தையின் முதலீட்டு அளவு 2015ஆம் ஆண்டு டிசம்பர் மாதத்தில் 12 பில்லியன் டாலராக உயர்ந்துள்ளது.
சீன சந்தை
செப்டம்பர் 2013- டிசம்பர் 2015 இடைப்பட்ட காலகட்டத்தில் சீன சந்தையில் அமெரிக்க முதலீட்டாளர்களின் முதலீட்டு அளவுகள் 12.8 பில்லியன் டாலரில் இருந்து 11.1 பில்லியன் டாலராகக் குறைந்துள்ளது.
டாப் சந்தை
அமெரிக்க முதலீட்டாளர்களுத்கு சிறப்பான் முதலீட்டுச் சந்தைகளாகத் திகழ்வது கேமேன் தீவுகள், பிரிட்டன், ஜப்பான், ஐயர்லாந்து, சுவிஸ், பிரான்ஸ், கனடா ஆகியவை ஆகும்.
கேமேன் தீவுகள்
இந்நிலையில் மேமேன் தீவுகளில் அமெரிக்கச் சந்தையில் முதலீட்டு அளழு 65.1 பில்லியன் டாலரில் இருந்து 90.4 பில்லியன் டாலராக உயர்ந்துள்ளது. இதனால் இத்தீவில் அமெரிக்கச் சந்தையின் முதலீட்டு அளவு 13.4 சதவீதமாக உயர்ந்துள்ளது.