கடந்த சில மாதங்களாக இந்தியாவில் உள்நாட்டுப் பயணிகளின் எண்ணிக்கை நாட்டின் அனைத்துப் பகுதிகளிலும் உயர்ந்துள்ள நிலையில், 2016ஆம் ஆண்டு முடிவில் உலகளவில் அதிகளவிலான உள்நாட்டுப் பயணிகளைக் கொண்ட நாடுகளின் பட்டியலில் இந்தியா 3வது இடத்தைப் பிடித்துள்ளது.
இப்பட்டியலில் அமெரிக்கா 719 மில்லியன் உள்நாட்டு விமானப் பயணிகளுடன் முதல் இடத்திலும், சீனா 436 மில்லியன் பயணிகளுடன் இரண்டாவது இடத்தில் உள்ளது.
கடந்த வரும் இப்பட்டியலில் 3வது இடத்தில் இருந்த ஜப்பான் இந்த வருடம் 4வது இடத்திற்குச் சரிந்த காரணத்தால் 3வது இடத்தை இந்தியா 100 மில்லியன் பயணிகளுடன் பிடித்துள்ளது என் சிட்டி நகரத்தைச் சேர்ந்த ஆசிய பசிபிக் ஏவியேஷன் அமைப்பு அறிவித்துள்ளது.
2016ஆம் ஆண்டில் ஜப்பான் 97 மில்லியந் பயணிகளை மட்டுமே உள்நாட்டு விமானப் பயணிகளாகப் பெற்றுள்ளது.
2015 மற்றும் 2016ஆம் ஆண்டுகளில் ஒவ்வொரு மாதமும் உலகளவில் விமானப் பயணிகளின் எண்ணிக்கையின் அளவு 20-25 சதவீதம் வரையில் உயர்ந்துள்ள நிலையில், 2017 ஜனவரி மாதம் இதன் வளர்ச்சி அளவுகள் 25.13 சதவீதமாக உயர்ந்துள்ளது.