186 நாடுகளின் ஜிடிபியை விட அதிகம்.. ஆப்பிளின் புதிய உச்சம்..!

மூன்று மடங்கு வளர்ச்சி

குறிப்பாக கடந்த 4 ஆண்டுகளில் மட்டும் இந்த நிறுவனத்தின் வளர்ச்சி விகிதமானது மூன்று மடங்கு வளர்ச்சி கண்டுள்ளது. இது பெருந்தொற்று காலக்கட்டத்தில் கூட இந்த நிறுவனம் மிகப்பெரிய வளர்ச்சியினை எட்டியது. இது இந்த நிறுவனத்தின் வளர்ச்சிக்கு மிகப்பெரிய உந்துதலாகவும் இருந்தது. இந்த நிலையில் தான் இந்த நிறுவனம் இந்த மாபெரும் உச்சத்தினை எட்டியுள்ளது.

16 மாதங்களில் பெரும் வளர்ச்சி

ஆப்பிள் நிறுவனம் கடந்த ஆகஸ்ட் 2018ல் 1 டிரில்லியன் டாலர் மதிப்பிலான டெக் நிறுவனமாக இருந்தது. இது ஆகஸ்ட் 2020ல் 2 டிரில்லியன் டாலர் மதிப்பினை எட்டியது.

முதல் ஒரு டிரில்லியன் டாலரை எட்ட ஆப்பிள் நிறுவனம் 38 ஆண்டுகளை எடுத்துக் கொண்டது. ஆனால் 2 டிரில்லியன் டாலரினை எட்ட 24 மாதங்களே ஆனது. அதனை விட மூன்றாவது டிரில்லியனை எட்ட வெறும் 16 மாதங்களே ஆகியுள்ளது.

பணக்கார நிறுவனம்

இதற்கிடையில் தான், தற்போதைய நிலவரப்படி உலகிலேயே பணக்கார நிறுவனமாக ஆப்பிள் நிறுவனம் உள்ளது. இது இந்தியாவின் அனைத்து ஐடி நிறுவனங்களின் ரொக்க கையிருப்புகளை விட அதிகமாகவே கொண்டுள்ளது. அந்தளவு ரொக்க இருப்பினை ஆப்பிள் நிறுவனம் வைத்துள்ளது.

186 நாடுகளின் ஜிடிபிக்கு மேல்

மேலும் ஆப்பிளின் சந்தை மதிப்பு 186 நாடுகளின் ஜிடிபியினை விட அதிகமாக உள்ளது. இதில் அமெரிக்கா , சீனா, ஜப்பான், ஜெர்மனி உள்ளிட்ட நாடுகள் மட்டுமே முன்னிலையில் உள்ளன. இந்தியாவின் மொத்த ஜிடிபி விகிதம் 2.62 டிரில்லியன் டாலராகும்.