மைக்ரோசாப்ட்-க்கு யோகம்.. அமெரிக்க ராணுவத்தின் 22 பில்லியன் டாலர் டீல்-ஐ கைப்பற்றியது..!

10 வருட ஒப்பந்தம்

முதற்கட்டமாக ஆக்மென்டெட் ரியாலிட்டி ஹெட்கியர் தயாரிக்க 5 வருட ஒப்பந்தம் மட்டுமே மைக்ரோசாப்ட் பெற்றுள்ளது. மைரோசாப்ட் உடனான கூட்டணி சிறப்பான பணியாற்றும் பட்சத்தில் அடுத்த 5 வருடம் இந்த ஒப்பந்தம் நீட்டிக்கப்படும்.

21.88 பில்லியன் டாலர் மதிப்பு

இந்த 10 வருட ஒப்பந்தத்தில் மொத்த மதிப்பு 21.88 பில்லியன் டாலர் என்னும், பென்டகனிடம் இருந்து இந்த ஒப்பந்தம் கைப்பற்றக் கடுமையான போட்டி இருந்ததாகக் கூறப்படுகிறது. மேலும் இத்திட்டத்தின் படி மைக்ரோசாப்ட் உடனடியாகத் தனது தயாரிப்பு பணிகளைத் துவங்க உள்ளதாகத் தெரிவித்துள்ளது.

ஆக்மென்டெட் ரியாலிட்டி

இந்த ஆக்மென்டெட் ரியாலிட்டி ஹெட்கியர் மூலம் ராணுவ வீரர்களுக்கு இரவு நேர பாதுகாப்பில் அடுத்தத் தலைமுறை சேவைகளையும், Close Combat Force முறையில் விரைவாகத் தற்காத்துக்கொள்ள இது உதவும் எனப் பென்டகன் தெரிவித்துள்ளது.

அமெரிக்க ராணுவம்

அமெரிக்க ராணுவத்திடம் இருந்து மைக்ரோசாப்ட் சுமார் 22 பில்லியன் டாலர் மதிப்பிலான ஒப்பந்தத்தைப் பெற்றுள்ள இந்தச் சூழ்நிலையில் ஆக்மென்டெட் ரியாலிட்டி துறையில் மைக்ரோசாப்ட் நிறுவனத்திற்கு மிகப்பெரிய வர்த்தகம் உருவாக்கியுள்ளது மட்டும் அல்லாமல் எதிர்காலத்தில் அதிகப்படியான வாய்ப்புகளையும் இத்துறையில் பெறும் எனக் கூறப்படுகிறது.

கிளவுட் கம்பியூட்டிங் ஒப்பந்தம்

இதேபோல் பென்டகன் கடந்த ஆண்டு இறுதியில் தனது 10 பில்லியன் டாலர் மதிப்புள்ள கிளவுட் கம்பியூட்டிங் ஒப்பந்தத்தை மைக்ரோசாப்ட் நிறுவனத்துடன் தொடர்வதாக அறிவித்துள்ளது. இந்த ஒப்பந்தத்தைப் பெற அமேசான் மிகவும் தீவிரமாக இருந்தது, சொல்லப்போனால் அமேசான் டொனால்டு டிரம்ப் மைக்ரோசாப்ட் நிறுவனத்திற்குச் சாதகமாகச் செயல்பட்டு உள்ளார் எனக் குற்றச்சாட்டையும் முன்வைத்தது.

Hololens ஹெட்கியர்

தற்போது மைக்ரோசாப்ட் தயாரிக்கும் ஹோலோலென்ஸ் ஹெட்கியர் சுமார் 3,500 டாலருக்கு விற்பனை செய்யப்படுகிறது. மேலும் இது இந்நிறுவனத்தின் கிளவுட் கம்பியூட்டிங் சேவையான AZURE உடன் இணைக்கப்பட்டு டிஜிட்டல் மாய அனுபவத்தை வழங்குகிறது.