சவுதியின் எண்ணெய் ஜாம்பவானுக்கே இந்த நிலையா.. செலவு குறைப்புக்கு திட்டமிடும் சவுதி அராம்கோ?

சவுதியில் எண்ணெய் ஜாம்பவான் ஆன சவுதி அராம்கோ நிறுவனம், தனது மிகப்பெரிய அளவிலான செலவினை பெரிதும் குறைக்க திட்டமிட்டுள்ளதாக செய்திகள் வெளியாகியுள்ளது.

இது குறித்து வெளியான செய்தியில், சவுதி அரேபியாவின் எண்ணெய் ஜாம்பவான் ஆன சவுதி அராம்கோ, அதன் அடுத்த ஆண்டு மூலதன செலவினத்தினை 25 பில்லியன் டாலர் அல்லது அதற்கும் குறைவாக குறைக்க திட்டமிட்டுள்ளதாக இதனையறிந்தவர்கள் தெரிவித்துள்ளனர்.

சவுதி அராம்கோவின் செலவினங்கள் பெரும்பாலனவை ஆய்வு மற்றும் உற்பத்திக்காக செலவிடப்படுகின்றன. ஆக இந்த செலவினங்களில் பெரும்பாலானவைகளை குறைக்க சவுதி அராம்கோ திட்டமிட்டுள்ளதாக கூறப்படுகிறது.

செலவினைக் குறைக்க வேண்டிய கட்டாயம்

மேலும் இந்த செலவு குறைப்புகள் குறைந்தது 2023 வரையில் இதே மட்டத்தில் இருக்கலாம் என்றும் கூறப்படுகிறது. எனினும் இந்த விஷயத்தினை இன்னும் அதிகாரப்பூர்வமாக இந்த நிறுவனம் இன்னும் அறிவிக்கவில்லை. கொரோனா வைரஸ் லாக்டவுனினால் எண்ணெய் விலையானது வீழ்ச்சி கண்டாலும், தெஹ்ரானை தளமாகக் கொண்ட நிறுவனம், 75 பில்லியன் டாலர் ஈவுத் தொகையை வழங்குவதற்கான உறுதிமொழியை கடைபிடிப்பதால், செலவினங்களைக் குறைக்க வேண்டிய கட்டாயத்திற்கு தள்ளப்பட்டுள்ளது.

செலவு குறையும்

எனினும் இந்த ஆண்டுக்காக நிர்ணயிக்கப்பட்ட capex 25 பில்லியன் டாலர் முதல் 30 பில்லியன் டாலர் வரம்பிலேயே இருக்கும் என்று அதன் தலைமை நிர்வாக அதிகாரி அமின் நாசர் கடந்த ஞாயிற்றுகிழமையன்று தெரிவித்தார். இதற்கு பின் சில திங்களுக்கு பின்னர் 2021ம் ஆண்டு நிர்ணயிக்கப்பட்ட இலக்கான 40 பில்லியன் டாலர் முதல் 45 பில்லியன் டாலர் வரையிலான வழிகாட்டுதல்களில் கணிசமான அளவு குறைவாக இருக்கும் என்றும் கூறியுள்ளதாக செய்திகள் வெளியாகியுள்ளது.

எதிர்கால திட்டங்கள்

இந்த நிலையில் தான் 2021ம் ஆண்டிற்கான மூலதன செலவினங்களை மதிப்பாய்வு செய்துள்ளோம் என்றும் கூறப்படுகிறது. மேலும் வணிக மற்றும் நிதி இலக்குகளின் அடிப்படையில் எதிர்கால திட்டங்களை நாங்கள் பகுப்பாய்வு செய்கிறோம் என்றும் கூறியுள்ளது.

இயல்பு நிலை திரும்ப கணிசமான காலம் ஆகும்

உண்மையில் நிலவி வரும் நெருக்கடியான நிலைக்கு மத்தியில், இனி வரும் மாதங்களிலும் எரிபொருள் தேவையான இயல்பு நிலைக்கு திரும்ப கணிசமான காலம் ஆகும். இதனால் கச்சா எண்ணெய் தேவையானது குறையவே வாய்ப்புகள் நிறைய உள்ளது. இதன் காரணமாக உற்பத்தியினை அதிகரித்தாலும் பயனில்லை என்பதால், நிறுவனங்கள் இப்படி செலவு குறைப்பில் ஈடுபட்டுள்ளன.