இன்னும் கச்சா எண்ணெய் உற்பத்தியை குறைக்க வேண்டும்.. சவுதி எதிர்பார்ப்பு.. !

நுகர்வு குறையலாம்

தற்போது பல நாடுகளிலும் இரண்டாம் கட்ட கொரோனா பரவலின் தாக்கம் அதிகரித்து வரும் நிலையில், கச்சா எண்ணெய் நுகர்வானது மீண்டும் குறையலாம் என எதிர்பார்க்கப்படுகிறது. இதனால் கச்சா எண்ணெய் விலையானது குறையலாம் என எதிர்பார்க்கப்படுகிறது. இதனால் எண்ணெய் உற்பத்தி நாடுகள் முன்னெச்சரிக்கை நடவடிக்கைகளில் ஈடுபட்டு வருகின்றன.

உற்பத்தி குறைப்பு

நடப்பு ஆண்டு தொடக்கத்திலேயே கச்சா எண்ணெய் விலையானது சற்று வலுவாக காணப்பட்டது. இந்த நிலையில் ஒபெக் மற்றும் நட்பு நாடுகளின் உற்பத்தி குறைப்பானது மேலும், கச்சா எண்ணெய் விலையை கட்டுக்குள் கொண்டு வரும் என எதிர்பார்க்கப்படுகிறது. குறிப்பாக இரண்டாம் கட்ட பரவல் அதிகரித்து வரும் நிலையில், இந்த மே மாத கூட்டத்தில் மீண்டும் ஒரு உற்பத்தி குறைப்பு இருக்கலாம் எனவும் கூறப்படுகிறது.

தேவை மீண்டு வரவில்லை

ஏனெனில் தேவை மீண்டு வரவில்லை. ஆக விலையை மீண்டும் சரியும் முன்பு, அதற்காக நடவடிக்கைகள் எடுக்கப்பட வேண்டும் என்றும் எண்ணெய் உற்பத்தி நாடுகள் கருதுகின்றன. எனினும் இது குறித்த எந்த அதிகாரப்பூர்வ தகவலும் வெளியாகவில்லை. கடந்த ஆண்டே ஒபெக் நாடுகள் ஒரு நாளைக்கு 9.7 மில்லியன் பேரல் எண்ணெய் உற்பத்தியை குறைத்தன. இது சர்வதேச உற்பத்தியில் 10% ஆகும்.

கச்சா எண்ணெய் விலை

எனினும் ரஷ்யா இந்த சமயத்தில் உற்பத்தியினை அதிகரிக்கலாம் எனவும் எதிர்பார்க்கப்படுகிறது. இதற்கிடையில் தற்போது இன்று WTI கச்சா எண்ணெய் விலையானது 0.23% குறைந்து, 61.42 டாலர்களாக வர்த்தகமாகி வருகின்றது. இதே பிரெண்ட் கச்சா எண்ணெய் விலையானது 0.23% குறைந்து, 64.78 டாலர்களாக வர்த்தகமாகி வருகின்றது.

பெட்ரோல், டீசல் விலை

இதற்கிடையில் இந்தியாவில் பெட்ரோல் டீசல் விலையானது, கடந்த சில நாட்களாகவே பெரியளவில் மாற்றமின்றி காணப்படுகிறது.

டெல்லியில் பெட்ரோல் விலை - ரூ.90.56
மும்பையில் பெட்ரோல் விலை - ரூ.96.98
சென்னையில் பெட்ரோல் விலை - ரூ.92.58
பெங்களூரில் பெட்ரோல் விலை - ரூ.93.59
ஹைத்ராபாத்தில் பெட்ரோல் விலை - ரூ.94.16

டெல்லியில் டீசல் விலை - ரூ.80.87
மும்பையில் டீசல் விலை - ரூ.87.96
சென்னையில் டீசல் விலை - ரூ.85.88
பெங்களூரில் டீசல் விலை - ரூ.85.75
ஹைத்ராபாத்தில் டீசல் விலை - ரூ.88.20