சாதாரணமாக ஒரு கவுன்சிலர் பதவியில் இருந்தால் கூட நம் ஊர் பகுதிகளில் சிலரின் அலப்பறைகள் தாங்க முடியாது. எது எடுத்தாலும் அதனை செல்ஃபி எடுத்து அதனை சமூக வலைதளங்களில் பரப்பி விடுவது. விளம்பரப்படுத்துவது என இருக்கும்.
ஆனால் ஒரு நாட்டின் இளவரசராக இருந்து கொண்டு பொதுப் போக்குவரத்தில், மக்களோடு மக்களாய் பயணித்திருப்பது பலரையும் வியக்க வைத்துள்ளது.
யார் அந்த இளவரசர்? பல்லாயிரம் கோடிகள் சொத்து இருந்தும் ஏன் அப்படி? அரச பரம்பரியை சார்ந்த ஒருவர் எப்படி பொது போக்குவரத்தில் பயணம்? வாருங்கள் பார்க்கலாம்?
இளவரசர் ஷேக் ஹம்தன் பின் முகமத் அல் மக்தும்
துபாயின் இளவரசரான ஷேக் ஹம்தன் பின் முகமத் அல் மக்தும் லண்டன் தெருக்களிலும், பொதுப்போக்குவரத்தினையும் பயன்படுத்தி பயணிப்பதை சமூக வலைதளங்கள் மூலம் காண முடிகிறது.
இளவரசரான ஷேக் ஹம்தன் பின் முகமத் அல் மக்தும் அவ்வப்போது தனது அரசு குடும்பம் தொடர்பான சில கட்டுப்பாடுகளை உடைத்துக் கொண்டு அவ்வப்போது வெளிவருவது வழக்கமான ஒன்று.
லண்டனுக்கு சுற்றுப்பயணம்
தற்போது தனது குடும்பத்தினர் மற்றும் நண்பர்களுடன் இணைந்து லண்டனுக்கு சுற்று பயணம் மேற்கொண்டுள்ளனர். இவர் பொதுவெளியில் மக்களோடு மக்களாக கலந்து, பொதுவெளியில் செல்லும் புகைப்படங்களையும் பார்க்க முடிகிறது. இதனை அவரே தனது இன்ஸ்டாகிராம் பக்கத்திலும் பதிவிட்டிருக்கின்றார்.
எளிமையாய் மெட்ரோவில் பயணம்
இளவரசர் தனது நண்பருடன் மெட்ரோ ரயில் பயணித்துக் கொண்டு இருப்பதும், இதில் சாதாரண மக்களோடு கலந்து சாதாரணமாக பயணிப்பதும் பார்ப்பரோரை வியப்பில் ஆழ்த்தியுள்ளது. இது அவருடன் பயணிக்கும் அவர் ஒரு இளவரசர் என்பதும் தெரியாமல் ரயிலில் நின்று கொண்டு பயணித்து வருவதையும் காண முடிகிறது.
செல்வ செழிப்புள்ள நாடு
இன்றும் உலகில் செல்வ செழிப்பு மிக்க நாடான ஐக்கிய அமீரகத்தில், தனி நபர் வருமானமும் அதிகம். இப்படி ஒரு சூழலில் அரச குடும்பம் எனும் போது சொல்லவே வேண்டாம். ஆனாலும் அரச குடும்பமாக இருந்தாலும் இளவரசரின் எளிமை மக்கள் மத்தியில் பெரும் கவனம் ஈர்த்த ஒன்றாக உள்ளது.
சொத்து மதிப்பு
இவரின் சொத்து மதிப்பு சுமார் நிலவரப்படி 6 பில்லியன் டாலராக உள்ளது. இவரின் மாத வருமான, 40 மில்லியன் டாலருக்கும் மேல் என கூறப்படுகிறது. இவரின் சம்பளம் 500 மில்லியன் டாலருக்கு மேல் என்றும் கூறப்படுகிறது.
கடந்த 2008ம் ஆண்டு முதல் துபாயின் பட்டத்து இளவரசராக இருந்து வருகின்றார். இவர் எப்போதும் தனது இன்ஸ்டாகிராம் பக்கத்தில் ஆக்டிவாக இருந்து வருபவர் என்பது குறிப்பிடத்தக்கது.