100 மில்லியன் பவுண்டுக்கு விற்பனையாகும் 'டாடா ஸ்டீல்' பிரிட்டன் வர்த்தகம்..!

100 மில்லியன் பவுண்டு

டாடா ஸ்டீல் மற்றும் லிபெர்ட்ரி ஹவுஸ் குரூப் மத்தியில் செய்யப்பட்டுள்ள இந்த ஒப்பந்தத்தின் படி 100 மில்லியன் பவுண்டு மதிப்பிலான தொகைக்கு இந்நிறுவனத்தை வாங்க முடிவு செய்யப்பட்டுள்ளது.

தற்போது மேற்படியான பேச்சுவார்த்தைகளில் இரு நிறுவனங்களும் ஈட்டுப்பட்டுள்ளது. இந்த ஒப்பந்தம் முழுமை அடைய இரு நிறுவனங்களின் நிர்வாகக் கூட்டமும் சில ஒப்புதல்களை வழங்க வேண்டும் என்பது குறிப்பிடத்தக்கது.

ரத்தன் டாடா - சைரஸ் மிஸ்திரி

டாடா சன்ஸ் நிறுவனத்தின் தலைவர் பதவியில் இருந்து சைரஸ் மிஸ்திரி வெளியேறிய நிலையில் இடைக்காலத் தலைவர் பதவியில் ரத்தன் டாடா நியமிக்கப்பட்டார்.

ரத்தன் டாடா இடைக்காலத் தலைவர் பதவியில் அமர்ந்த பின் பிரிட்டன் டாடா ஸ்டீல் விற்பனை குறித்து முக்கிய முடிவுகள் எடுக்க உள்ளதாகவும், அடுத்த 4 வாரத்தின் இதன் விற்பனை குறித்து முடிவுகள் அறிவிக்கப்படும் எனத் தெரிவித்தார்.

இதனால் சந்தையில் பிரிட்டன் டாடா ஸ்டீல் வர்த்தக விற்பனை தடைப்படும் என எதிர்பார்க்கப்பட்ட நிலையில் தற்போது விற்பனைக்கான பேச்சுவார்த்தை துவங்கப்பட்டுள்ளது.

 

சொத்துக்கள்

100 மில்லியன் பவுண்டு மதிப்பிலான இந்த ஒப்பந்தத்தின் தென் யோர்க்ஷைர் பகுதியில் இருக்கும், ரோத்தர்ஹோம் எலக்ட்ரிக் ஆர்க் ஸ்டீல்வொர்க்ஸ், ஸ்டாக்ஸபிரிட்ஜ் பகுதியில் இருக்கும் ஸ்டீல் சுத்திகரிப்பு ஆலை, பிரன்ஸ்வொர்த் பகுதியில் இருக்கும் மில், போல்டன் மற்றும் வெட்நஸ்பரி பகுதியில் இருக்கும் சேவை மையங்கள், மற்றும் சீனாவில் சூசோ, ஜியான் பகுதியில் இருக்கும் சேவை மையங்கள் ஆகியவை இதில் அடங்கும்.

ஊழியர்கள் மற்றும் வர்த்தகம்

பிரிட்டன் டாடா ஸ்டீல் நிறுவனத்திற்கு இருக்கும் ஏரோஸ்பேஸ், ஆட்டோமோடிவ் மற்றும் எண்ணெய் மற்றும் எரிவாயு துறை சார்ந்த வர்த்தகம் மற்றும் 1700 ஊழியர்களும் இந்த விற்பனை ஒப்பந்தத்தின் வாயிலாக லிபெர்ட்ரி ஹவுஸ் குரூப் பெறுகிறது.

டாடா ஸ்டீலின் மற்றொரு திட்டம்..

இந்தத் தொழிற்சாலை விற்பனை செய்யப்பட்டாலும் பிரிட்டன் சந்தையில் இருந்து முழுமையாக டாடா ஸ்டீல் வெளியேற விரும்பவில்லை. இந்நிலையில் ஜெர்மன் நிறுவனமான ThyssenKrupp உடன் இணையப் பேச்சுவார்த்தை நடத்தி வருகிறது.

தங்கம் / வெள்ளி

இன்றைய தங்கம் மற்றும் வெள்ளி விலை நிலவரம்