கிரிப்டோ முதலீட்டாளர்களுக்கு இது குட் நியூஸ்.. எலான் மஸ்கினை தொடர்ந்து டிம் குக் ஆதரவு..!

கிரிப்டோகரன்சி முதலீடு பற்றிய விழிப்புணர்வு, இந்தியாவில் இன்று வரையில் பெரியளவில் இருந்தபாடாக இல்லை. ஆனால் அமெரிக்கா போன்ற மேலை நாடுகளில் பெரிய பெரிய கார்ப்பரேட் நிறுவனங்கள் கூட ஏற்றுக் கொள்ள ஆரம்பித்துள்ளன.

முன்னதாக டெஸ்லா நிறுவனத்தின் தலைவர் எலான் மஸ்க் கிரிப்டோகரன்சிகளுக்கு பெரும் ஆதரவு கொடுத்து வந்தார்.

இந்த நிலையில் தற்போது ஆப்பிள் இன்க் நிறுவனத்தின் தலைமை நிர்வாக அதிகாரி டிம் குக், தனிப்பட்ட முறையில் கிரிப்டோகரன்சிகளில் முதலீடு செய்துள்ளதாக தெரிவித்துள்ளார்.

கிரிப்டோவில் ஆர்வம்

மேலும் தனது பன்முகப்படுத்தப்பட்ட ஒரு முதலீட்டு போர்ட்போலியோவில், கிரிப்டோவினை வைத்திருப்பது நியாயமானது என நினைக்கிறேன். எனினும் நான் யாருக்கும் முதலீட்டு ஆலோசனையை வழங்கவில்லை என நியூயார்க் டைம்ஸ்-ஸ் டீல்புக் மாநாட்டில் கூறியுள்ளார். கிரிப்டோகரன்சி முதலீட்டில் ஆர்வமாக இருப்பதாகவும், சிறிது காலமாக இது குறித்து ஆராய்ச்சி செய்து வருவதாகவும் குக் தெரிவித்துள்ளார். எனினும் டிம் குக் எந்த கிரிப்டோவில் முதலீடு செய்தார் என்பது போன்ற மற்ற விவரங்களை தெரிவிக்கவில்லை.

ஆப்பிளின் திட்டம் என்ன?

மேலும் ஆப்பிள் பேவில் கிரிப்டோவை ஏற்றுக் கொள்வது பற்றியான திட்டங்கள் உடனடியாக இல்லை. எனினும் நாங்கள் அதனை பார்த்துக் கொண்டிருக்கிறோம். எனினும் ஆப்பிளின் சொத்தினை கிரிப்டோவில் முதலீடு செய்ய ஆர்வமில்லை என்றும் டிம் குக் கூறியுள்ளார்.
அதெல்லாம் சரி, இன்றைய கிரிப்டோக்களின் நிலவரம் என்ன? வாருங்கள் பார்க்கலாம்.

பிட்காயின் நிலவரம்

பிட்காயின் மதிப்பானது 2% குறைந்து, 66,737.88 டாலர்களாக காணப்படுகிறது. கடந்த 24 மணி நேரத்தில் இதன் அதிகபட்ச விலை 68,262.32 டாலர்களாகும். இதே இதன் குறைந்தபட்ச விலை 66,273.14 டாலர்களாகும். நடப்பு நிதியாண்டின் தொடக்கத்தில் இருந்து 130.22% ஏற்றத்தில் தான் காணப்படுகிறது.

எத்திரியம் மதிப்பு

இதே எத்தரியத்தின் மதிப்பானது தற்போது 2% குறைந்து, 4,719.44 டாலர்களாக காணப்படுகிறது. கடந்த 24 மணி நேரத்தில் இதன் அதிகபட்ச விலை 4,833.17 டாலர்களாகும். இதே குறைந்தபட்ச விலை 4,679.70 டாலர்களாகும். நடப்பு நிதியாண்டின் தொடக்கத்தில் இருந்து 540.63% ஏற்றத்தில் தான் காணப்படுகிறது.

கார்டானோ நிலவரம்

கார்டானோ மதிப்பானது 2% குறைந்து, 2.23 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 2.38 டாலராகவும், இதே குறைந்தபட்ச விலை என்பது 2.19 டாலராகும். இது நடப்பு ஆண்டின் தொடக்கத்தில் இருந்து பெரியளவில் மாற்றம் காணவில்லை. இதன் புதிய வரலாற்று உச்சம் 3.10 டாலர்களாகும்.

எக்ஸ்ஆர்பி நிலவரம்

எக்ஸ்ஆர்பி-யின் மதிப்பானது 1.86% குறைந்து, 1.24 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 1.27 டாலராகவும், இதே குறைந்தபட்ச விலை என்பது 1.22 டாலராகும். இதன் வரலாற்று உச்ச விலை 3.40 டாலராகும். இது நடப்பு ஆண்டின் தொடக்கத்தில் இருந்து 461.92% ஏற்றம் கண்டுள்ளது.

ஸ்டெல்லர் மதிப்பு

ஸ்டெல்லர் மதிப்பானது 3.40% அதிகரித்து, 0.399778 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 0.42 டாலராகவும், இதே குறைந்தபட்ச விலை என்பது 0.38 டாலராகும். இதன் வரலாற்று உச்ச விலை 0.797482 டாலராகும். இது நடப்பு ஆண்டின் தொடக்கத்தில் இருந்து 214.37% ஏற்றம் கண்டுள்ளது.

டோஜ்காயின் தற்போதைய நிலவரம்

டோஜ்காயின் மதிப்பானது 3.07% குறைந்து, 0.272127 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 0.28 டாலராகவும், இதே குறைந்தபட்ச விலை என்பது 0.27 டாலராகும். இது நடப்பு ஆண்டின் தொடக்கத்தில் இருந்து 5.651.83% சரிவினைக் கண்டுள்ளது. இதன் வரலாற்று உச்ச விலை 0.740796 டாலராகும்.

யுனிஸ்வாப் மதிப்பு

யுனிஸ்வாப் மதிப்பானது 0.26% குறைந்து, 26.62 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 27.81 டாலராகவும், இதே குறைந்தபட்ச விலை என்பது 25.98 டாலராகும். இந்த ஆண்டின் தொடக்கத்தில் இருந்து 541.15% லாபத்தில் தான் உள்ளது. இதன் வரலாற்று உச்ச விலை 45.01 டாலராகும்.

போல்கடோட் நிலவரம்

போல்கடோட் மதிப்பானது தற்போது 2.63% குறைந்து, 51.39 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 53.01 டாலராகவும், இதே குறைந்தபட்ச விலை என்பது 50.09 டாலராகும். இந்த ஆண்டின் தொடக்கத்தில் இருந்து 605.19% லாபத்தில் தான் உள்ளது. இதன் வரலாற்று உச்ச விலை 55.11 டாலராகும்.

லைட்காயின் நிலவரம்

லைட்காயின் மதிப்பானது தற்போது 7.35% அதிகரித்து, 265.57 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 274.40 டாலராகவும், இதே குறைந்தபட்ச விலை என்பது 246.55 டாலராகும். இந்த ஆண்டின் தொடக்கத்தில் இருந்து 115.37% லாபத்தில் தான் உள்ளது. இதன் வரலாற்று உச்ச விலை 413.47 டாலராகும்.

ஷிபா இனு நிலவரம்

ஷிபா இனு மதிப்பானது தற்போது 5.65% சரிந்து, 0.000054 டாலராக காணப்படுகிறது. இந்த ஆண்டின் தொடக்கத்தில் இருந்து 69.78% சரிவில் தான் உள்ளது. இதன் வரலாற்று உச்ச விலை 0.000089 டாலராகும்.