ஈரான் போர்: நிராயுதபாணி ஆகிறதா அமெரிக்கா? ஏவுகணைகள் அனைத்தும் தீர்ந்ததாக தகவல்..!!

ஈரானுக்கும் அமெரிக்காவுக்கும் இடையே பிப்ரவரி 28ஆம் தேதி தொடங்கிய போர் 5 மாதங்களுக்கும் மேலாக நீடிக்கிறது. இந்த போர் எப்போது முழுமையாக முடிவுக்கு வரும் என்பது தான் கோடிக்கணக்கான மக்களின் எதிர்பார்ப்பு. ஈரான் போர் பெட்ரோல், டீசலுக்காக வளைகுடா நாடுகளை சார்ந்திருக்கும் இந்தியா உள்பட பெரும்பாலான நாடுகளில் தாக்கத்தை ஏற்படுத்தியுள்ளது.

ஈரானும் அமெரிக்காவும் சமாதானம் ஆவதை போல சென்று மீண்டும் சண்டையில் நுழைந்துவிடுகின்றன. இந்த சூழலில் தான் ஈரான் போரில் அமெரிக்க ராணுவம் தனது உலகளாவிய இருப்பில் இருந்த அதிநவீன நீண்ட தூர துல்லிய தாக்குதல்கள் நடத்தும் ஏவுகணைகளில் பெரும்பகுதியை பயன்படுத்திவிட்டதாக தகவல்கள் வெளியாகியுள்ளன. ராய்ட்டர்ஸ் நிறுவனம் வெளியிட்டுள்ள செய்தியில் இந்த தகவல் வெளிவந்துள்ளது.

அமெரிக்க ராணுவம் பெரிதும் நம்பியிருக்கும் தரையில் இருந்து தரைக்கு பாயும் ஏவுகணைகளான Army Tactical Missile Systems மற்றும் Precision Strike Missiles ஆகியவற்றில் கிட்டத்தட்ட அனைத்து ஏவுகணைகளும் பயன்படுத்தப்பட்டு தீர்ந்துவிட்டதாக தகவல் வெளியாகியுள்ளது. பாதுகாப்பான தூரத்தில் இருந்தபடியே எதிரிகளின் இலக்குகளை துல்லியமாகத் தாக்க இந்த நீண்ட தூர ஆயுதங்கள் அமெரிக்க ராணுவத்தின் மிக முக்கியமான அங்கமாக விளங்குகின்றன. தற்போதை இவை தீர்ந்துவிட்டதாக தகவல் வெளியாகி இருப்பதால் அமெரிக்கா மீண்டும் ஒரு போருக்கு தயாராக இல்லை என சொல்லப்படுகிறது.

அமெரிக்க அதிபர் டொனால்ட் டிரம்ப், இஸ்ரேலுடன் இணைந்து கடந்த பிப்ரவரி மாதம் ஈரானுக்கு எதிரான போரை தொடங்கினார். இந்த போர் குறுகிய காலத்திற்கு மட்டுமே நீடிக்கும் என அவர் கணித்திருந்தார். ஆனால், போர் முடிவில்லாமல் தொடர்வதால் ஏவுகணை இருப்பு வேகமாக குறைந்துவிட்டது.

Also Read

ஐடி நிறுவனங்களுக்கே ஆப்பு வைத்த AI: வருமானத்தை இழந்து தவிக்கும் இந்திய டெக் நிறுவனங்கள்..!!

நீண்ட தூர ஏவுகணைகளின் இருப்பு குறைந்திருப்பதால் ஈரான் மீது எதிர்காலத்தில் பெரிய அளவிலான தாக்குதல்களை டிரம்ப் மீண்டும் தொடங்கினால், ஆபத்து நிறைந்த பைலட் இயக்கும் குண்டுவீச்சு விமானங்களை மட்டுமே கூடுதலாக நம்பியிருக்க வேண்டிய கட்டாயம் ஏற்படலாம் என நிபுணர்கள் கருதுகின்றனர்.

மத்திய கிழக்குப் பகுதி அமெரிக்க படைகளை கண்காணிக்கும் Central Command தங்களிடம் போருக்கு முன்பு இருந்த தரைவழி ஏவுகணைகளான hampir முழுமையாக தீர்ந்துவிட்டது, மற்ற பகுதிகளில் உள்ள அமெரிக்க ராணுவ தளவாட இருப்புகளில் இருந்து கொண்டு வரப்படுகிறது என தெரிவித்துள்ளது.

Recommended For You

Bench விதிகளை மாற்றும் ஐடி நிறுவனங்கள்…!! டிசிஎஸ், இன்போசிஸ் ஊழியர்களே உஷார்..!!

ஏவுகணைகள் குறைந்துவிட்டதாக வெளியான செய்திக்கு பதில் அளித்துள்ள வெள்ளை மாளிகை, உலகிலேயே யாரிடமும் இல்லாத அளவுக்கு அமெரிக்காவிடம் அதிகமான ஆயுத இருப்புகள் இருப்பதாகவும், ஆயுதங்கள் குறைந்துவிட்டதாக கவலை கொள்ள வேண்டாம் என்றும் தெரிவித்துள்ளது. மேலும் அமெரிக்கா தனது ஆயுத உற்பத்தியை தொடர்ந்து விரிவாக்கம் செய்து வருகிறது என்றும் குறிப்பிட்டுள்ளது.