2018-ம் ஆண்டுச் சர்வதேச அளவில் உள்ள பில்லியனர்கள் யார் என்ற பட்டியலை ஹுருன் வெளியிட்டுள்ளது. இந்தப் பட்டியலில் புதிதாக 437 பில்லியனர்கள் இடம்பெற்று இருந்தாலும் இளம் பில்லியனர்கள் யார் என்று இந்தக் கட்டுரையில் பார்ப்போம்.
அலெக்ஸாண்ட்ரா ஆண்ட்ரெஸ்சன்
உலகின் இளமையான கோடிஸ்வரர் என்ற பெருமையினை நார்வேயைச் சேர்ந்த அலெக்ஸாண்ட்ரா ஆண்ட்ரெஸ்சன் பெற்றுள்ளார். 21 வயதான அலெக்ஸாண்ட்ரா ஆண்ட்ரெஸ்சனுக்கு 2007-ம் ஆண்டு அவரது தந்தையின் முதலீட்டு நிறுவனத்தில் இருந்து 42 சதவீத பங்குகள் கிடைத்துள்ளது. அதனை வைத்து இவர் தொழில் செய்து பில்லியனர் பட்டியலில் இடம்பெற்றுள்ளார்.
முதல் தலைமுறை கோடிஸ்வரர்
அதே நேரம் முதல் தலைமுறையாகப் பில்லியனர்கள் பட்டியலில் இடம்பெற்றுள்ள ஸ்டிரைப்ஸ் பேமெண்ட்ஸ் ஸ்டார்ட் அப் நிறுவனத்தின் தலைவரான ஜான் காலிசன் தன்னுடைய சொந்த உழைப்பில் 1.2 பில்லியன் டாலர்களுடன் இணைந்துள்ளது முக்கியமானதாகும்.
சென்ற வருட பட்டியல்
சென்ற வருடன் ஹுருன் வெளியிட்ட பில்லியனர்கள் பட்டியலில் இடம்பெற்றதில் 27 நபர்கள் இறந்துள்ளனர். இறந்ததில் இளமையானவர் என்றால் கோன் கார்ப்ரேஷன் நிறுவனத்தின் தலைவரான 53 வயது நிக்கலாஸ் ஹெரால்ன் ஆவார்.
சராசரி
பில்லியனர்கள் அனைவரின் சராசரி வயது 63 என்றும், இது சென்ற வருடத்துடன் ஒப்பிடும் போது பட்டியல் ஒரு வயது இளமை அடைந்துள்ளது என்று கூறலாம்.