3 ஆண்டுகளில் ரூ.1 லட்சம் முதலீட்டை ரூ.52 லட்சமாக மாற்றிய மல்டி பேக்கர் பங்கு - Advait infra

மும்பை: ஸ்மால் கேப் எனப்படும் சிறு நிறுவனங்கள் குறுகிய காலங்களில் பல மடங்கு லாபத்தை அள்ளித் தருபவையாக இருக்கின்றன. குறிப்பாக கடந்த சில ஆண்டுகளாக இந்திய பங்குச் சந்தையில் சிறு நிறுவனங்களின் மதிப்பு பல மடங்கு அதிகரித்துள்ளது.

அந்த வகையில் அத்வைத் இன்ஃப்ராடெக் லிமிடெட் நிறுவனத்தின் பங்கு கடந்த மூன்று ஆண்டுகளில் முதலீட்டாளர்களுக்கு 5000 % லாபத்தை பெற்று தந்துள்ளது.

அத்வைத் இன்ஃப்ராடெக் லிமிடெட் (Advait infrastructure ltd): மின்சார உபகரணங்கள் தயாரிப்பு, மின் பரிமாற்றம், துணை மின் நிலையம் மற்றும் தகவல் தொடர்பு உள்கட்டமைப்புகள் ஆகியவற்றை நிறுவி வருகிறது. இந்த நிறுவனத்தின் ஒரு பங்கின் மதிப்பானது கடந்த 2021 மார்ச் மாதம் ரூ.25 என்ற அளவில் வர்த்தகமானது. அதுவே தற்போது 5000 % அதிகரித்துள்ளது.

அதாவது தற்போது இந்த நிறுவனத்தின் ஒரு பங்கின் மதிப்பு ரூ.1,374 என்ற அளவில் வர்த்தகமாகி வருகிறது. உதாரணத்திற்கு மூன்று ஆண்டுகளுக்கு முன்பு இந்த நிறுவனத்தில் ரூ.1 லட்சம் முதலீடு செய்தவர்கள், தற்போது ரூ.52.14 லட்சம் என லாபம் பெற்றுள்ளனர்.

இந்த நிறுவனத்தின் நிதி அறிக்கைகளை ஆய்வு செய்யும் போது, நிகர வருவாயானது கடந்த நிதியாண்டில் செப்டம்பர் உடனான காலாண்டில் ரூ. 48.95 கோடியாக இருந்தது. இதுவே டிசம்பர் மாதத்துடன் முடிந்த காலாண்டில் ரூ. 72.61 கோடி என உயர்ந்தது.

அதேபோல இந்த நிறுவனத்தின் நிகர லாபம் என்பது செப்டம்பர் உடன் முடிந்த காலாண்டில் ரூ.5.5 கோடிகளாக இருந்து டிசம்பர் உடன் முடிந்த காலாண்டில் ரூ.7.70 கோடியாக உயர்ந்துள்ளது. இயன் ஆன் இயர் எனப்படும் ஓராண்டுக்கு இடையிலான வளர்ச்சி என பார்க்கும்போது இந்த நிறுவனத்தின் வருவாய் என்பது 186 % அதிகரித்துள்ளது, அதேபோல நிறுவனத்தின் லாபமும் 134 % உயர்வு கண்டிருப்பது தெரிய வந்துள்ளது.

அண்மையில் இந்த நிறுவனம் அண்டர் கிரவுண்ட் கேபிள் பணிகளுக்கான ஒப்பந்தத்தை பெற்றுள்ளது. மேலும் இந்த நிறுவனம் கார்பன் டெக்னாலஜி எனர்ஜி என்று நிறுவனத்துடன் புரிந்துணர்வு ஒப்பந்தத்தையும் மேற்கொண்டுள்ளது. அதுதவிர மென்பொருள் சார்ந்த சேவைகளையும் வழங்கும் வகையில் நிறுவனம் விரிவடைந்து வருகிறது.

தற்போது பங்குச்சந்தையில் இந்த நிறுவனத்தின் புக் வேல்யூ 51.71 ஆகவும் பேஸ் வேல்யூ 10 ஆகவும் இருக்கிறது. இந்த நிறுவனத்தின் பங்குகளில் 73.5 3% ப்ரொமோட்டர் வசமும் 26.47 % சில்லறை முதலீட்டாளர்கள் வசமும் இருக்கிறது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.

Story written by: Devika