முதல் முறையாக பங்குகளை பிரிக்கும் மருந்து நிறுவனம்.. பதிவு தேதியை அறிவித்த அமி ஆர்கானிக்ஸ்

மருந்து துறையை சேர்ந்த நிறுவனம் அமி ஆர்கானிக்ஸ். பிஎஸ்இ ஸ்மால்கேப் பங்கான இந்நிறுவனம் கடந்த பிப்ரவரியில் பங்கு பிரிப்பு நடவடிக்கையை மேற்கொள்ளதாக அறிவித்தது. 1:2 என்ற விகிதத்தில் பங்குகளை பிரிக்க உள்ளதாக அமி ஆர்கானிக்ஸ் தெரிவித்தது. இந்நிறுவனத்தின் வரலாற்றில் அதன் முதல் பங்கு பிரிப்பு இதுவாகும். 2025 பிப்ரவரி 21ம் தேதியன்று அமி ஆர்கானிக்ஸ், பங்குச் சந்தை அமைப்பிடம் தாக்கல் செய்த அறிக்கையில், ரூ.10 முகமதிப்பு கொண்ட ஈக்விட்டி பங்கினை ரூ.5 முகமதிப்பு கொண்ட 2 ஈக்விட்டி பங்குகளாக பிரிக்கப்படும்.

இது அஞ்சல் வாக்குச் சீட்டு மற்றும் பொருந்தக்கூடிய சட்டங்களின்கீழ தேவைப்படும் எந்தவொரு ஒழுங்குமுறை மற்றும் சட்டரீதியான ஒப்புதல்கள் மூலம் பங்குதாரர்களின் ஒப்புதலுக்கு உட்பட்டது என்று தெரிவித்து இருந்தது. இந்நிலையில் தற்போது பங்கு பிரிப்புக்கான பதிவு தேதியை அமி ஆர்கானிக்ஸ் அறிவித்துள்ளது. இது தொடர்பாக பங்குச் சந்தை அமைப்பிடம் இந்நிறுவனம் தாக்கல் செய்த அறிக்கையில், நிறுவனத்தின் தற்போதைய பங்குகளை பிரித்தல் செய்வதற்காக, பங்குதாரர்களின் உரிமையை நிர்ணயிப்பதற்கான பதிவு தேதியாக ஏப்ரல் 25 வெள்ளிக்கிழமையை நிறுவனம் நிர்ணயித்துள்ளது.

அதாவது ரூ.10 முகமதிப்பு கொண்ட ஒரு பங்கு, முழுமையாக செலுத்தப்பட்டு ரூ.5 முகமதிப்பு கொண்ட 2 பங்குகளாக பிரிக்கப்படும் என்று தெரிவித்துள்ளது. கடந்த 2023-24ம் நிதியாண்டில் அமி ஆர்கானிக்ஸ் நிறுவனம் வருவாயாக ரூ.687.58 கோடியும், நிகர லாபமாக ரூ.43.69 கோடியும் ஈட்டியுள்ளது. மேலும் 2024 டிசம்பர் காலாண்டில் அமி ஆர்கானிக்ஸ் நிறுவனம் வருவாயாக ரூ.270.94 கோடியும், நிகர லாபமாக ரூ.45.31 கோடியும் ஈட்டியுள்ளது.

கடந்த வெள்ளிக்கிழமையன்று மும்பை பங்குச் சந்தையில் வர்த்தகத்தின் முடிவில் அமி ஆர்கானிக்ஸ் பங்கின் விலை முந்தைய வர்த்தக தினத்தை காட்டிலும் 8.86 சதவீதம் குறைந்து ரூ.2,293.90ஆக இருந்தது. இந்நிறுவன பங்குகளின் சந்தை மதிப்பு ரூ.9,389 கோடியாக உள்ளது. 2024 ஜூன் 4ம் தேதியன்று மும்பை பங்குச் சந்தையில் வர்த்தகத்தின் இடையே அமி ஆர்கானிக்ஸ் பங்கின் விலை புதிய 52 வார குறைந்தபட்சமான ரூ.1,014.45க்கு சென்றது. ஆனால் அதன் பிறகு இப்பங்கின் விலை தொடர்ந்து ஏற்றம் கண்டு வந்தது.

கடந்த பிப்ரவரி 5ம் தேதியன்று மும்பை பங்குச் சந்தையில் வர்த்தகத்தின் இடையே அமி ஆர்கானிக்ஸ் பங்கின் விலை புதிய 52 வார உச்சமான ரூ.2,643.50ஐ எட்டியது. தற்போது இந்நிறுவன பங்கின் விலை அதன் உச்ச விலையை காட்டிலும் சுமார் 14 சதவீதம் குறைவாக உள்ளது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.