இந்தியா-பாகிஸ்தான் போர் பதற்றம்.. இந்த 3 பங்குகளை வாங்கி போடுங்க இதுதாங்க சரியான நேரம்

இந்தியா-பாகிஸ்தான் போர் பதற்றத்தால், கடந்த 2 தினங்களாக இந்திய பங்குச் சந்தைகள் வீழ்ச்சி கண்டன. முதலீட்டாளர்கள் அதிகளவில் பங்குகளை விற்பனை செய்தனர். இருப்பினும், பாதுகாப்பு துறையை சேர்ந்த பங்குகள் மட்டும் நல்ல ஏற்றம் கண்டன. குறிப்பாக இந்திய பாதுகாப்பு துறை நிறுவனங்களான இந்துஸ்தான் ஏரோநாட்டிக்ஸ் லிமிடெட் (எச்ஏஎல்), பாரத் எலக்ட்ரானிக்ஸ் லிமிடெட் (பிஇஎல்), மசகான் டாக் ஷிப் பில்டர்ஸ் (எம்டிஎல்) மற்றும் அப்பல்லோ மைக்ரோ சிஸ்டம்ஸ் போன்றவை பலவீனமான சந்தையில் கணிசமான ஏற்றத்தை கண்டு வருகின்றன.

முதலீட்டாளர்கள்
எச்ஏஎல், பிஇஎல், எம்டிஎல் ஆகிய பாதுகாப்பு துறையை சேர்ந்த நிறுவனங்களில் எந்த பங்குகளில் முதலீடு செய்யலாம் என்ற குழப்பம் முதலீட்டாளர்கள் மத்தியில் நிலவுகிறது. முதலீட்டாளர்களின் குழப்பத்தை நிவர்த்தி செய்யும் வகையில், எந்த பங்குகளில் முதலீடு செய்வது புத்திசாலித்தனமானது என்று பங்குச் சந்தை நிபுணர்கள் புள்ளிவிவரங்களுடன் விளக்கம் அளித்துள்ளனர்.

இந்துஸ்தான் ஏரோநாட்டிக்ஸ் லிமிடெட் (எச்ஏஎல்)
எஸ்எம்சி குளோபல் செக்யூரிட்டீஸ் நிறுவனத்தின் மூத்த ஆராய்ச்சி ஆய்வாளர் சீமா ஸ்ரீவாஸ்தவா கூறுகையில், எச்ஏஎல், பிஇஎல் மற்றும் மசகான் டாக் ஷிப் பில்டர்ஸ் ஆகிய நிறுவனங்களிடையே வருவாய் வாய்ப்புகளை ஒப்பிட்டு பார்க்கும்போது, எச்ஏஎல் வலுவான நிதி செயல் திறனை வெளிப்படுத்தியுள்ளது. கடந்த டிசம்பர் காலாண்டில் ஒட்டு மொத்த அளவில் எச்ஏஎல் நிறுவனத்தின் நிகர லாபம் 14 சதவீதம் வளர்ச்சி கண்டு ரூ.1,440 கோடியாக உயர்ந்துள்ளது. மேலும் அந்த காலாண்டில் இந்நிறுவனத்தின் செயல்பாட்டு வாயிலான வருவாய் 15 சதவீதம் ஏற்றம் கண்டு ரூ.6,957 கோடியாக அதிகரித்துள்ளது.

2025-26ம் நிதியாண்டில் எச்ஏஎல் நிறுவனத்தின் ஆர்டர் புத்தகம் ரூ.2.5 லட்சம் கோடியை எட்டும் என்று எதிர்பார்க்கப்படுகிறது. இது 97 தேஜாஸ் எம்கே1ஏ விமானங்கள் மற்றும் 156 லைட் காம்பாட் ஹெலிகாப்டர்கள் போன்ற குறிப்பிடத்தக்க ஆர்டர்களால் வலுப்படுத்தப்பட்டது. கூடுதலாக உற்பத்தி மற்றும் பழுதுபார்க்கும் ஒப்பந்தங்கள் உட்பட ரூ.55,800 கோடி மதிப்புள்ள புதிய ஆர்டர்களை எச்ஏஎல் கைவசம் வைத்துள்ளது.

பாரத் எலக்ட்ரானிக்ஸ் லிமிடெட் (பிஇஎல்)
பாதுகாப்பு மின்னணு சாதனங்களில் முன்னணியில் உள்ள பிஇஎல் நிறுவனம், ரேடார்கள், தகவல் தொழில்நுட்ப அமைப்புகள் மற்றும் மின்னணு போர் உபகரணங்கள் உள்ளடக்கிய பன்முகப்படுத்தப்பட்ட போர்ட்ஃபோலியாவைக் கொண்டுள்ளது. கடந்த 2024-25ம் நிதியாண்டில் நிறுவனத்தின் மொத்த ஆர்டர் வரவு ரூ.18,715 கோடி என பிஇஎல் நிறுவனம் தெரிவித்தது. இது இந்நிறுவனம் நிர்ணயித்த இலக்கை (ரூ.25,000 கோடி) காட்டிலும் குறைவாகும். பிஇஎல் நிறுவனத்தின் மொத்த ஆர்டர் புத்தகம் சுமார் ரூ.71,650 கோடியாகும்.

தற்காலிக மற்றும் தணிக்கை செய்யப்படாத அறிக்கையின்படி, 2024-25ம் நிதியாண்டில் பிஇஎல் நிறுவனத்தின் வருவாய் 16 சதவீதம் வளர்ச்சி ரூ.23,000 கோடியாக உயர்ந்துள்ளது. நிறுவனத்தின் வலுவான ஆர்டர் புத்தகம் மற்றும் நிலையான செயல்திறன் அதை பாதுகாப்பு துறையில் நிலையான முதலீட்டு தேர்வாக ஆக்குகிறது.

மசகான் டாக் ஷிப் பில்டர்ஸ் (எம்டிஎல்)
2024 டிசம்பர் 31ம் தேதி நிலவரப்படி, மசகான் டாக் ஷிப் பில்டர்ஸ் நிறுவனத்தின் ஆர்டர் புத்தகம் ரூ.34,787 கோடியாக இருந்தது. இது அடுத்த 4-5 ஆண்டுகளுக்கு செயல்பாடுகளை தக்கவைக்கும் எதிர்பார்க்கப்படுகிறது. பி-75 நீர்மூழ்கிக் கப்பல்கள் மற்றும் பி-17ஏ போர்க்கப்பல்கள் போன்ற உயர் மட்ட திட்டங்களில் எம்டிஎல் நிறுவனத்தின் ஈடுபாடு இந்தியாவின் கடற்படை பாதுகாப்பு துறையில் அதை மூலோபாய ரீதியாக நிலைநிறுத்துகிறது. மேலும், 25,000 கோடி கடல்சார் மேம்பாட்டு நிதியை அரசாங்கம் அறிவித்திருப்பது கப்பல் கட்டும் துறையை வலுப்படுத்தும் என்று எதிர்பார்க்கப்படுகிறது, இது எம்டிஎல்க்கு பயனளிக்கும்.

மூன்றும் மூன்று முத்துக்கள்
ஃபினோகிராட் டெக்னாலஜிஸின் கவுரவ் கோயல் கூறுகையில், நீண்ட கால, நிலையான கூட்டு நிறுவனத்தை நீங்கள் விரும்பினால், விமான போக்குவரத்து துறையில் அதன் தலைமை, லாபத்தை மேம்படுத்தும் மற்றும் வலுவான ஏற்றுமதி திறன் ஆகியவற்றால் எச்ஏஎல் தனித்து நிற்கிறது
டிவிடெண்டுடன் பாதுகாப்பான மற்றும் நிலையான வளர்ச்சி வாய்ப்புள்ள நிறுவனத்தை நீங்கள் தேடுகிறீர்கள் என்றால், நிலையான ஆர்டர்கள் மற்றும் தொழில்நுட்ப நிபுணத்துவத்துடன் பிஇஎல் ஒரு நல்ல தேர்வாகும்.
குறுகிய காலத்தில் லாபம் சம்பாதிப்பதற்கு, குறிப்பாக போர் தொடர்பான செய்தி சுழற்சிகளின் போது, மசகான் டாக் ஷிப் பில்டர்ஸ் நிறுவனம் விரைவான லாபத்தை வழங்கக்கூடும் என்று தெரிவித்தார்.

அதிகரித்து வரும் போர் பதற்றம்... அறியாமல் தாக்குதலுக்கு உள்ளான 3 துறைகள்.. தொடரும் சோகம்
Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.