சென்செக்ஸ் 360 புள்ளிகள் சரிவு.. நிஃப்டி 17,500 அருகில் முடிவு..!

நடப்பு வாரத்தின் கடைசி வர்த்தக நாளான இன்று, இந்திய சந்தைகள் மீண்டும் சரிவில் முடிவடைந்துள்ளது.

இது கடந்த சில அமர்வுகளாகவே தொடர்ந்து சரிவினைக் கண்டு வந்த இந்திய சந்தையானது, வார இறுதி வர்த்தக நாளான இன்று மீண்டும் சரிவினைக் கண்டுள்ளது. இது முதலீட்டாளர்கள் தங்களது லாபத்தினை புக் செய்துள்ளதால் சரிவினைக் கண்டிருக்கலாம் என நிபுணர்கள் கருதுகின்றனர்.

மேலும் கடந்த சில வாரங்களாக உள்நாட்டு முதலீட்டாளர்கள் சந்தையில் வெளியேறி வந்தாலும், அன்னிய முதலீடுகளின் வரத்து என்பது மிக அதிகமாகவே இருந்தது. ஆனால் தற்போது சந்தையில் இருந்து அன்னிய முதலீட்டாளர்கள் வெளியேறி வருகின்றன. இதனால் சந்தையானது தொடர்ந்து சரிவினைக் கண்டு வருகின்றன.

இந்திய சந்தைகள் தொடக்கம்

குறிப்பாக இன்று ப்ரீ ஓபனிங் சந்தையில் சற்று சரிவில் தான் காணப்பட்டது. இதையடுத்து தொடக்கத்திலும் சென்செக்ஸ் 394.26 புள்ளிகள் குறைந்து, 58,732.10 புள்ளிகளாகவும், இதே நிஃப்டி 110 புள்ளிகள் குறைந்து, 17,508.20 புள்ளிகளாகவும் காணப்பட்டது. இதனையடுத்து முடிவிலும் சரிவிலேயே காணப்பட்டது.
குறிப்பாக சென்செக்ஸ் 360.78 புள்ளிகள் குறைந்து, 58,765.58 புள்ளிகளாகவும், நிஃப்டி 86.20 புள்ளிகள் குறைந்து, 17,532.00 புள்ளிகளாகவும் முடிவடைந்துள்ளது. இதற்கிடையில் 1716 பங்குகள் ஏற்றத்திலும், 1373 பங்குகள் சரிவிலும், 150 பங்குகள் மாற்றமில்லாமலும் காணப்பட்டது.

இன்டெக்ஸ் நிலவரம்

சென்செக்ஸ் மற்றும் நிஃப்டி குறியீட்டில் உள்ள பெரும்பாலான குறியீடுகள் சிவப்பு நிறத்திலேயே காணப்படுகின்றன. குறிப்பாக நிஃப்டி 50, பிஎஸ்இ சென்செக்ஸ், பேங்க் நிஃப்டி, நிஃப்டி ஐடி, பிஎஸ்இ ஸ்மால் கேப், பிஎஸ்இ மிட் கேப், நிஃப்டி ஆட்டோ, பிஎஸ்இ கேப்பிட்டல் கூட்ஸ், பிஎஸ்இ எஃப்.எம்.சி.ஜி, பிஎஸ்இ டெக் உள்ளிட்ட குறியீடுகள் சரிவில் காணப்படுகின்றன.

நிஃப்டி குறியீடு

குறிப்பாக நிஃப்டி குறியீட்டில் உள்ள எம்&எம், கோல் இந்தியா, ஐஓசி, டாக்டர் ரெட்டீஸ் லேபாரட்டீஸ், ஓ.என்.ஜி.சி., உள்ளிட்ட பங்குகள் டாப் கெயினர்களாகவும், இதே பஜாஜ் பின்செர்வ், மாருதி சுசூகி, ஏசியன் பெயிண்ட்ஸ், பஜாஜ் பைனான்ஸ், பார்தி ஏர்டெல் உள்ளிட்ட பங்குகள் டாப் லூசர்களாகவும் உள்ளன.

சென்செக்ஸ் குறியீடு

இதே சென்செக்ஸ் குறியீட்டில் உள்ள எம் & எம், டாக்டர் ரெட்டீஸ் லேபாரட்டீஸ், அல்ட்ராடெக் சிமெண்ட், பவர் கிரிட் கார்ப், பவர் கிரிட் கார்ப், சன் பார்மா உள்ளிட்ட பங்குகள் டாப் கெயினர்களாகவும், இதே பஜாஜ் பின்செர்வ், மாருதி சுசூகி, பார்தி ஏர்டெல், ஏசியன் பெயிண்ட்ஸ், பஜாஜ் பைனான்ஸ் உள்ளிட்ட பங்குகள் டாப் லூசர்களாகவும் உள்ளன.

சந்தை முடிவு

இதற்கிடையில் அமெரிக்க டாலருக்கு எதிரான இந்திய ரூபாயின் மதிப்பானது 11 பைசா குறைந்து, 74.11 ரூபாயாக காணப்படுகின்றது.
இதற்கிடையில் தற்போது சென்செக்ஸ் 360.78 புள்ளிகள் குறைந்து, 58,765.58 புள்ளிகளாகவும், இதே நிஃப்டி 86.1 புள்ளிகள் குறைந்து, 17,532.05 புள்ளிகளாகவும் முடிவடைந்துள்ளது.