ஆபரேஷன் சிந்தூர் கொடுத்த நம்பிக்கை.. 50% வரை உயர்ந்த டிரோன் பங்குகள்..!

கடந்த மாதம் 22ம் தேதியன்று ஜம்மு காஷ்மீரின் பஹல்காமில் பாகிஸ்தான் தீவிரவாதிகள் நடத்திய கொடூர தாக்குததலில் சுற்றுலா பயணிகள் உட்பட மொத்தம் 26 பேர் பலியாகினர். இதற்கு பதிலடியாக, ஆபரேஷன் சிந்தூர் நடவடிக்கை மூலம் பாகிஸ்தான் மற்றும் பாகிஸ்தான் ஆக்கிரமிப்பு காஷ்மீர் பகுதியில் உள்ள 9 இடங்களில் உள்ள தீவிரவாத முகாம்கள் மீது நமது ராணுவம் துல்லிய தாக்குதலை நடத்தியது.

பஹல்காம்
பஹல்காம் தீவிரவாத தாக்குதல் இந்திய பங்குச் சந்தையில் பெரிய மாற்றத்தை ஏற்படுத்தியது. அதுவரை பங்குச் சந்தையில் கவனிக்கபடாமல் இருந்த டிரோன் மற்றும் பாதுகாப்பு துறையை சேர்ந்த பங்குகள் லைம் லைட்டுக்கு வந்தன. ஆபரேஷன் சிந்தூர் நடவடிக்கை பாதுகாப்பு பங்குகளின் விலை உயர்வுக்கு வழிவகுத்தன. பஹல்காம் தீவிரவாத தாக்குதலுக்கு பிறகு ஐடியாஃபோர்ஜ், ஜென் டெக்னாலஜிஸ், இந்துஸ்தான் ஏரோநாட்டிக்ஸ், பாரத் எலக்ட்ரானிக்ஸ் மற்றும் டிசிஎம் இண்டஸ்ட்ரீஸ் ஆகியவை 8 முதல் 50 சதவீதம் வரை லாபத்தை ஈட்டின.

கடந்த மாதம் நடந்த தீவிராவாத தாக்குதலுக்கு முன்பு ஐடியாஃபோர்ஜ் டெக்னாலஜி பங்கு விலை அதன் 52 வார உச்ச விலையிலிருந்து 58.47 சதவீதம் குறைவாக இருந்தது. ஆனால் பஹல்காம் தாக்குதலுக்கு பிறகு இப்பங்கின் விலை 50.31 சதவீதம் உயர்ந்துள்ளது. பஹல்காம் தீவிரவாத தாக்குதலுக்கு முன்பு பாரஸ் டிஃபென்ஸ் நிறுவன பங்கு விலை அதன் 52 வார உச்ச விலையிலிருந்து 29.57 சதவீதம் குறைவாக இருந்தது. ஆனால் பஹல்காம் தாக்குதலுக்கு பிறகு இப்பங்கின் விலை 16.59 சதவீதம் உயர்ந்துள்ளது.

இந்துஸ்தான் ஏரோநாட்டிக்ஸ்
ஏப்ரல் 22ம் தேதிக்கு முன்பு இந்துஸ்தான் ஏரோநாட்டிக்ஸ் பங்கு விலை அதன் 52 வார உச்ச விலையிலிருந்து 21.24 சதவீதம் குறைவாக இருந்தது. ஆனால் பஹல்காம் தாக்குதலுக்கு பிறகு இப்பங்கின் விலை 8.50 சதவீதம் உயர்ந்துள்ளது. பஹல்காம் தாக்குதலுக்கு முன்பு பாரத் எலக்ட்ரானிக்ஸ் பங்கு விலை அதன் 52 வார உச்ச விலையிலிருந்து 16.99 சதவீதம் குறைவாக இருந்தது. ஆனால் பஹல்காம் தாக்குதலுக்கு பிறகு இப்பங்கின் விலை 17.30 சதவீதம் உயர்ந்துள்ளது.

காஷ்மீர் பஹல்காம் தீவிரவாத தாக்குதலுக்கு முன்பு ஜென் டெக்னாலஜிஸ் பங்கு விலை அதன் 52 வார உச்ச விலையிலிருந்து 47.30 சதவீதம் குறைவாக இருந்தது. ஆனால் பஹல்காம் தாக்குதலுக்கு பிறகு இப்பங்கின் விலை 37.33 சதவீதம் உயர்ந்துள்ளது. டிஎஸ்பி மியூச்சுவல் .பண்டின் ஈக்விட்டிஸ் தலைவர் வினித் சாம்ப்ரே கூறுகையில், வலுவான ஆர்டர்புத்தக எதிர்பார்ப்பு மற்றும் புதிய ஆர்டர் அறிவிப்புகள் போன்றவற்றால் பாதுகாப்பு பங்குகளில் ஏற்றம் கண்டுள்ளது. நிச்சயமற்ற பொருளாதா சூழல் காரணாக நிறுவன விமர்சனங்கள் அமைதியாகவே உள்ளன. பாதுகாப்பு திட்டங்களை செயல்படுத்தல் சுழற்சிகள் பொதுவாக நீண்டதாக இருக்கும் என்று தெரிவித்தார்.

ஈரானின் அணுசக்தி நிலையங்களை குறிவைக்கும் இஸ்ரேல்.. பெட்ரோல், டீசல் விலை உயரும் அபாயம்..!!
Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.