மூன்றே மாதத்தில் 310% லாபம் கொடுத்த ஃபேப்டெக் டெக்னாலஜிஸ்.. உங்ககிட்ட இருக்கா?.

ஃபேப்டெக் டெக்னாலஜிஸ் கிளீன்ரூம்ஸ் நாட்டின் முன்னணி மருந்து ஆலோசனை மற்றும் கிளீன்ரூம் தயாரிப்பு நிறுவனங்களில் ஒன்றாகும். பங்குச் சந்தையில் இந்நிறுவனம் ஒரு மூன்று மாத குழந்தைதான். இந்த ஆண்டு ஜனவரியில்தான் இந்நிறுவனம் புதிய பங்கு வெளியீட்டை மேற்கொண்டு, அதனை தொடர்ந்து பங்குச் சந்தைகளில் அதன் பங்குகள் பட்டியலிடப்பட்டது. ஃபேப்டெக் டெக்னாலஜிஸ் கிளீன்ரூம்ஸ் நிறுவனத்தின் ஐபிஓ கடந்த ஜனவரி 3ம் தேதி தொடங்கி 7ம் தேதி நிறைவடைந்தது. ஐபிஓவில் ஒரு பங்கின் வெளியீட்டு விலை ரூ.85ஆக நிர்ணயிக்கப்பட்டு இருந்தது.

ஐபிஓவின் வெளியீட்டு அளவை காட்டிலும் அதிகளவில் பங்குகள் வேண்டி விண்ணப்பங்கள் குவிந்ததால் ஃபேப்டெக் டெக்னாலஜிஸ் கிளீன்ரூம்ஸ் நிறுவனத்தின் ஐபிஓ வெற்றியடைந்தது. இதனையடுத்து கடந்த ஜனவரி 10ம் தேதியன்று BSE SME தளத்தில் இந்நிறுவன பங்குகள் ரூ.161.50க்கு பட்டியலிடப்பட்டது. ஐபிஓ வெளியீட்டு விலையை காட்டிலும் 90 சதவீதம் கூடுதல் விலையில் பங்குகள் பட்டியலிடப்பட்டதால் முதலீட்டாளர்களுக்கு நல்ல ஆதாயம் கிடைத்தது. அமெரிக்க அதிபர் டொனால்ட் டிரம்பின் வரி மிரட்டல்களால் இந்திய பங்குச் சந்தைகள் அடி மேல் அடி வாங்கி கொண்டிருந்த கால கட்டத்தில், இந்நிறுவன பங்கு தொடர்ந்து ஏற்றத்தை சந்தித்த வந்தது.

அமெரிக்க அதிபர் டொனால்ட் டிரம்ப், அமெரிக்காவுக்கு ஏற்றுமதி செய்யும் அனைத்து நாடுகளும் குறைந்தபட்சம் 10 சதவீதம் விதித்தார் மேலும், அமெரிக்காவுடன் மிகப்பெரிய வர்த்தக ஏற்றத்தாழ்வுகளை கொண்ட சுமார் 60 நாடு்கள் மீது கூடுதல் வரிகளை டிரம்ப் விதித்தார். குறிப்பாக இந்திய பொருட்கள் மீது 26 சதவீதம் வரி விதித்தார். இதனால் கடந்த 3ம் தேதியன்று இந்திய பங்குச் சந்தைகள் கடும் வீழ்ச்சியை சந்தித்தன. ஆனால் அன்றைய தினம் ஃபேப்டெக் டெக்னாலஜிஸ் கிளீன்ரூம்ஸ் பங்கு விலை புதிய உச்ச்தை தொட்டது. அன்றைய தினம் மும்பை பங்குச் சந்தையில் வர்த்தகத்தின் இடையே இந்நிறுவன பங்கின் விலை புதிய உச்சமான ரூ.350.80ஐ எட்டியது.

கடந்த வெள்ளிக்கிழமையன்று மும்பை பங்கச் சந்தையில் வர்த்தகத்தின் முடிவில் ஃபேப்டெக் டெக்னாலஜிஸ் கிளீன்ரூம்ஸ் பங்கு விலை ரூ.346.40ல் முடிவுற்றது. இந்த விலை, அதன் ஐபிஓ விலையை காட்டிலும் சுமார் 310 சதவீதம் அதிகமாகும். ஆக, மூன்றே மாதத்தில் இப்பங்கு முதலீட்டாளர்களுக்கு 310 சதவீதம் மல்டி பேக்கர் ஆதாயத்தை கொடுத்துள்ளது. இந்நிறுவனம் கெல்வின் ஏர்கண்டிஷனிங் சிஸ்டம்ஸ் பிரைவேட் லிமிடெட் தனது உரிமை பங்குகளை 51 சதவீதமாக உயர்த்தியுள்ளதாக தற்போது அறிவித்துள்ளது.

ஃபேப்டெக் டெக்னாலஜிஸ் கிளீன்ரூம்ஸ் நிறுவனம் தனது போர்ட்ஃபோலியாவில் எச்விஏசி நிபுணத்துவதை ஒருங்கிணைப்பதற்கான ஒரு மூலோபாய கூட்டணியின் ஒரு பகுதியாக, கடந்த ஆண்டில் கெல்வினில் மூன்றில் ஒரு பங்கு பங்குகளை வாங்கியது. தற்போது கெல்வின் நிறுவனத்தில் தனது பங்குகளை 51 சதவீதமாக உயர்த்தியுள்ளது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.