ரூ.56.65 டூ ரூ.7,435.. லட்சாதிபதிகளை கோடீஸ்வரர்களாக்கிய ஃபோர்ஸ் மோட்டார்ஸ்..

வாகன துறையை சேர்ந்த நிறுவனம் ஃபோர்ஸ் மோட்டார்ஸ் லிமிடெட். இந்நிறுவனம் வர்த்தக வாகனங்கள்,பயணிகள் வாகனங்கள் மற்றும் டிராக்டர் உள்ளிட்ட வாகனங்களில் தயாரிப்பு மற்றும் விற்பனையில் ஈடுபட்டு வருகிறது. பங்குகளில் நீண்ட கால அடிப்படையில் முதலீடு செய்தால் அது முதலீட்டாளர்களுக்கு செல்வத்தை உருவாக்கும் இயந்திரமாக இருக்கும் என்று பலரும் சொல்ல கேட்டு இருப்போம். அதற்கு உதாரணமாக ஃபோர்ஸ் மோட்டார்ஸ் பங்கினை தைரியமாக சொல்லலாம். இந்நிறுவன பங்கின் வரலாற்றை பார்த்தாலே நமக்கு அந்த உண்மை புரியும்.

கடந்த 16 ஆண்டுகளில் ஃபோர்ஸ் மோட்டார்ஸ் பங்கு முதலீட்டாளர்களுக்கு 13,024 சதவீதம் மல்டிபேக்கர் வருமானத்தை கொடுத்துள்ளது. 16 ஆண்டுகளுக்கு முன் ரூ.56.65 என்ற அளவில் இருந்த இப்பங்கின் விலை தற்போது ரூ.7,435ஆக உயர்ந்துள்ளது. 16 ஆண்டுகளுக்கு முன் இந்நிறுவன பங்கில் ரூ.1 லட்சம் முதலீடு செய்து இருந்தால் அது இன்று ரூ.1.31 கோடியாக பெருகியிருக்கும். கடந்த 5 ஆண்டுகளில் இந்நிறுவன பங்கின் விலை 641 சதவீதம் உயர்ந்துள்ளது. கடந்த ஓராண்டில் இப்பங்கு முதலீட்டாளர்களுக்கு 26.24 சதவீதம் லாபம் கொடுத்துள்ளது.

அதேசமயம், கடந்த 6 மாத காலத்தில் ஃபோர்ஸ் மோட்டார்ஸ் பங்கின் விலை 3.78 சதவீதம் சரிவு கண்டுள்ளது. 2025ம் ஆண்டில் இதுவரையிலான காலத்தில் இப்பங்கு முதலீட்டாளர்களுக்கு 11.84 சதவீதம் ஆதாயம் கொடுத்துள்ளது. மும்பை பங்குச் சந்தையில் இன்று வர்த்தகத்தின் இடையே இப்பங்கின் விலை 2.52 சதவீதம் அதிகரித்து 7,586.60ஆக இருந்தது. ஃபோர்ஸ் மோட்டார்ஸ் நிறுவனத்தின் கடந்த டிசம்பர் காலாண்டு நிதி நிலை முடிவுகள் மிகவும் சிறப்பாக இருந்தது.

2024 டிசம்பர் காலாண்டில் ஃபோர்ஸ் மோட்டார்ஸ் நிறுவனம் ஒட்டு மொத்த அளவில் நிகர லாபமாக ரூ.115.3 கோடி ஈட்டியுள்ளது. இது முந்தைய ஆண்டின் இதே காலாண்டைக் காட்டிலும் 11.7 சதவீதம் அதிகமாகும். கடந்த டிசம்பர் காலாண்டில் இந்நிறுவனத்தின் வருவாய் 11.7 சதவீதம் வளர்ச்சி கண்டு ரூ.1,889.5 கோடியாக உயர்ந்துள்ளது. 2023 டிசம்பர் காலாண்டில் ஃபோர்ஸ் மோட்டார்ஸ் நிறுவனம் நிகர லாபமாக ரூ.85.4 கோடியும், வருவாயாக ரூ.1,691.70 கோடியும் ஈட்டியிருந்தது.

Story written by: Subramanian

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.