ரூ.1 லட்சம் டூ ரூ.28 லட்சம்.. 3 வருடத்தில் அள்ளிக் கொடுத்த பிக்காடிலி அக்ரோ..!!

இந்திய பங்குச் சந்தையில் பல ஆயிரம் நிறுவன பங்குகள் மீது வர்த்தகம் நடைபெறுகிறது. இதில் சில நிறுவன பங்குகளில் குறுகிய காலத்தில் பல மடங்கு லாபத்தை கொடுத்துள்ளன. அப்படிப்பட்ட ஒரு மல்டிபேக்கர் பங்குதான் பிக்காடிலி அக்ரோ இண்டஸ்ட்ரீஸ் லிமிடெட் பங்கு. பிக்காடிலி அக்ரோ இண்டஸ்ட்ரீஸ் நிறுவனம் விஸ்கி தயாரிப்பில் ஈடுபட்டு வருகிறது. பிக்காடிலி அக்ரோ இண்டஸ்ட்ரீஸ் லிமிடெட் பங்கு கடந்த 3 ஆண்டுகளில் தான் மல்டிபேக்கராக மாறியுள்ளது.

2020 அக்டோபர் 19ம் தேதியன்று மும்பை பங்குச் சந்தையில் பிக்காடிலி அக்ரோ இண்டஸ்ட்ரீஸ் லிமிடெட் பங்கின் விலை ரூ.9.33-ல் முடிவடைந்தது. நேற்று மும்பை பங்குச் சந்தையில் பிக்காடிலி அக்ரோ இண்டஸ்ட்ரீஸ் லிமிடெட் பங்கின் விலை ரூ.267.90-ல் முடிவடைந்தது. இடைப்பட்ட 3 ஆண்டுகளில் இப்பங்கு 2771 சதவீதம் லாபம் கொடுத்துள்ளது. மூன்று ஆண்டுகளுக்கு முன்பு பிக்காடிலி அக்ரோ இண்டஸ்ட்ரீஸ் லிமிடெட் பங்குகளில் ரூ.1 லட்சம் முதலீடு செய்து இருந்தால் இன்று அது ரூ.28.71 லட்சமாக மாறியிருக்கும்.

கடந்த 3 ஆண்டுகளில் சென்செக்ஸ் 61.36 சதவீதம் மட்டுமே உயர்ந்தது ஆனால் அதேகாலத்தில் பிக்காடிலி அக்ரோ இண்டஸ்ட்ரீஸ் லிமிடெட் பங்கு சுமார் 29 மடங்கு அதிகரித்துள்ளது. இந்த ஆண்டு தொடக்கத்தில் பிக்காடிலி அக்ரோ இண்டஸ்ட்ரீஸ் லிமிடெட் பங்கு பெரிய சரிவையையும் சந்தித்தது குறிப்பிடத்தக்கது.

2023 பிப்ரவரி 14ம் தேதியன்று பிக்காடிலி அக்ரோ இண்டஸ்ட்ரீஸ் லிமிடெட் பங்கின் விலை 52 வாரங்களில் இல்லாத அளவுக்கு ரூ.38.70ஆக குறைந்தது. இருப்பினும் கடந்த 18ம் தேதியன்று பிக்காடிலி அக்ரோ இண்டஸ்ட்ரீஸ் லிமிடெட் பங்கின் விலை இதுவரை இல்லாத அளவுக்கு ரூ.328 ஐ எட்டியது.

பிக்காடிலி அக்ரோ இண்டஸ்ட்ரீஸ் லிமிடெட் நிறுவனம் கடந்த ஜூன் காலாண்டில் நிகர லாபமாக ரூ.11 கோடி ஈட்டியுள்ளது. இது 2022 ஜூன் காலாண்டைக் காட்டிலும் 45 சதவீதம் அதிகமாகும்.

2023 ஜூன் காலாண்டில் பிக்காடிலி அக்ரோ இண்டஸ்ட்ரீஸ் லிமிடெட் நிறுவனத்தின் ஒட்டு மொத்த அளவிலான செயல்பாட்டு வாயிலான வருவாய் சுமார் 24 சதவீதம் அதிகரித்து ரூ.229 கோடியாக உயர்ந்துள்ளது.

Disclaimer

Greynium Information Technologies, the author are not liable for any losses caused as a result of decisions based on the article. Tamil.Goodreturns.in advises users to check with experts before taking any investment decisions.