ரூ.1 லட்சம் ரூ.4.72 கோடியாக மாறிய அதிசயம்.. டைனகான்ஸ் சிஸ்டம்ஸ் பங்கு உங்ககிட்ட இருக்கா..?

ஐடி துறையை சேர்ந்த நிறுவனம் டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட். தொடர்ந்து லாபம் ஈட்டி வரும் நிறுவனங்களில் இதுவும் ஒன்று. ஒரு காலத்தல் பென்னி பங்காக இருந்த டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் பங்கு முதலீட்டாளர்களுக்கு நீண்ட கால அடிப்படையில் மல்டிபேக்கர் ஆதாயத்தை கொடுத்துள்ளது.

டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவனம் 2024 டிசம்பர் காலாண்டில் நிகர லாபமாக ரூ.18.31 கோடி ஈட்டியுள்ளது. இது முந்தைய ஆண்டின் இதே காலாண்டைக் காட்டிலும் 40.19 சதவீதம் அதிகமாகும். 2023 டிசம்பர் காலாண்டில் டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவனம் நிகர லாபமாக ரூ.13.06 கோடி மட்டுமே ஈட்டியிருந்தது.

2024 டிசம்பர் காலாண்டில் டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவனத்தின் நிகர வருவாய் ரூ.308.92 கோடி ஈட்டியுள்ளது. இது முந்தைய ஆண்டின் இதே காலாண்டைக் காட்டிலும் 36.25 சதவீதம் அதிகமாகும். 2023 டிசம்பர் காலாண்டில் டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவனம் நிகர வருவாய் ரூ.226.74 கோடியாக இருந்தது.

கடந்த டிசம்பர் காலாண்டில் டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவனத்தின் ஒரு பங்கு வருமானம் ரூ.14.40ஆக உயர்ந்துள்ளது. இது 2023 டிசம்பர் காலாண்டில் ரூ.10.29ஆக இருந்தது. வலுவான லாபம் மற்றும் பங்குதாரர் மதிப்பு வளர்ச்சி அடைந்துள்ளதை ஒரு பங்கு வருமானம் அதிகரிப்பு வெளிப்படுத்துகிறது.

டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவன பங்கு முதலீட்டாளர்களுக்கு நீண்ட கால அடிப்படையில் மல்டிபேக்கர் ஆதாயத்தை கொடுத்துள்ளது. 2024 மே மாதத்தில் பங்குச் சந்தையில் இப்பங்கின் விலை வெறும் ரூ.2.50ஆக இருந்தது. ஆனால் மும்பை பங்குச் சந்தையில் நேற்று வர்த்தகத்தின் இடையே இப்பங்கின் விலை ரூ.1,181ஆக இருந்தது. ஆக, கடந்த 11 ஆண்டுகளில் இப்பங்கு முதலீட்டாளர்களுக்கு 46,740 சதவீதம் லாபம் கொடுத்துள்ளது.

இதன் அடிப்படையில், ஒருவர் 11 ஆண்டுகளுக்கு முன்பு இப்பங்கில் ரூ.1லட்சம் முதலீடு செய்து இருந்தால் அது இன்று ரூ.4.72 கோடியாக உயர்ந்திருக்கும். கடந்த 5 ஆண்டுகளில் டைனகான்ஸ் சிஸ்டம்ஸ் அண்ட் சொல்யூஷன்ஸ் லிமிடெட் நிறுவன பங்கு விலை 5,861 சதவீதம் அதிகரித்துள்ளது. அதேசமயம் குறுகிய கால அடிப்படையில் இப்பங்கு முதலீட்டாளர்களின் பணத்தை கரைத்துள்ளது.

உதாரணமாக கடந்த ஓராண்டில் இப்பங்கின் விலை 12 சதவீதத்துக்கு மேல் சரிந்தது. கடந்த 6 மாதத்தில் பங்கின் விலை 4 சதவீதம் சரிவு கண்டது. இந்த ஆண்டில் இதுவரை இப்பங்கின் விலை 19.30 சதவீதம் குறைந்துள்ளது. இந்த ஆண்டில் ரூ.1,440 என்ற விலையிலிரு்து தற்போதை விலைக்கு சரிவு கண்டுள்ளது.

தங்கத்தில் முதலீடு: எப்போதும் மனைவிதான் புத்திசாலிங்க.. பாராட்டும் ஹர்ஷ் கோயங்கா
Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.