பங்கு விலையோ ரூ.25க்கும் குறைவு: 5 ஆண்டுகளில் 450% லாபம் கொடுத்த ஸ்மால் கேப் பங்கு NECC..

நார்த் ஈஸ்டர்ன் கேரியிங் கார்ப்பரேஷன் லிமிடெட் (என்இசிசி) லாஜிஸ்டிக்ஸ் தீர்வு வழங்கும் நிறுவனமாகும். இந்நிறுவனம் உள்நாட்டு சரக்கு போக்குவரத்து, சர்வதேச சரக்கு போக்குவரத்து, வணிக பொருட்கள் போக்குவரத்து சேவைகள், தொழில்துறை சரக்குகள் போக்குவரத்து மற்றும் கிடங்கு சேவைகளில் ஈடுபட்டுள்ளது. தொடர்ந்து லாபம் ஈட்டி வரும் நிறுவனங்களில் இதுவும் ஒன்றாகும்.

லாபம்
என்இசிசி நிறுவனம் கடந்த 2024-25ம் நிதியாண்டின் மார்ச் காலாண்டில் நிகர லாபமாக ரூ.1.76 கோடி ஈட்டியுள்ளது. இது முந்தைய நிதியாண்டின் இதே காலாண்டைக் காட்டிலும் 38.4 சதவீதம் குறைவாகும். 2023-24ம் நிதியாண்டின் மார்ச் காலாண்டில் இந்நிறுவனம் நிகர லாபமாக ரூ.2.8 கோடி ஈட்டியிருந்தது. 2025 மார்ச் காலாண்டில் இந்நிறுவனத்தின் செயல்பாட்டு வாயிலான வருவாயும் குறைந்துள்ளது.

2025 மார்ச் காலாண்டில் என்இசிசி நிறுவனம் செயல்பாட்டு வாயிலான வருவாயாக ரூ.88.09 கோடி ஈட்டியுள்ளது. இது 2024 மார்ச் காலாண்டைக் காட்டிலும் 4 சதவீதம் குறைவாகும். அந்த காலாண்டில் என்இசிசி நிறுவனம் செயல்பாட்டு வாயிலான வருவாயாக ரூ.91.8 கோடி ஈட்டியிருந்தது. மும்பை பங்குச் சந்தையில் இன்று வர்த்தகத்தின் முடிவில் என்இசிசி நிறுவன பங்கின் விலை முந்தைய வர்த்தக தினத்தை காட்டிலும் 2.20 சதவீதம் குறைந்து ரூ.24.50ஆக இருந்தது.

மல்டிபேக்கர்
என்இசிசி பங்கு விலை ரூ.25க்கும் குறைவாக இருந்தாலும், நீண்ட கால அடிப்படையில் இந்நிறுவன பங்கு முதலீட்டாளர்களுக்கு மல்டிபேக்கர் லாபத்தை கொடுத்துள்ளது. கடந்த 5 ஆண்டுகளில் இந்நிறுவன பங்கு முதலீட்டாளர்களுக்கு 450 சதவீதம் மல்டிபேக்கர் லாபத்தை கொடுத்துள்ளது. கடந்த 5 தினங்களில் இப்பங்கின் விலை 4.05 சதவீதம் உயர்ந்துள்ளது.கடந்த ஒரு மாதத்தில் இப்பங்கின் விலை 8 சதவீதம் உயர்ந்துள்ளது.

இருப்பினும், 2025ம் ஆண்டில் இதுவரையிலான காலத்தில் ஸ்மால்கேப் நிறுவனமான இப்பங்கின் விலை 30 சதவீதம் குறைந்துள்ளது. 2024 ஜூலை 23ம் தேதியன்று மும்பை பங்குச் சந்தையில் வர்த்தகத்தின் இடையே என்இசிசி நிறுவன பங்கின் விலை 52 வார புதிய உச்சமான ரூ.44.40ஐ எட்டியது. ஆனால் அதன் பிறகு இப்பங்கின் விலை தொடர்ந்து சரிவு கண்டு வருகிறது. கடந்த மார்ச் 4ம் தேதியன்று இந்நிறுவன பங்கின் விலை புதிய 52 வார குறைந்தபட்சமான ரூ.18.10க்கு சென்றது. தற்போது இப்பங்கின் விலை அதன் 55 வார உச்சவிலையிலிருந்து சுமார் 45 சதவீதம் குறைவாக உள்ளது.

கிளைகள்
என்இசிசி நிறுவனம் இந்தியா மற்றும் நேபாளம் முழுவதும் சுமார் 300 கிளைகளையும், பூட்டான் மற்றும் வங்கதேசத்தில் செயல்பாட்டு அமைப்புகளையும் கொண்டுள்ளது. நிறுவனத்தின் ஆன்லைன் சரக்கு கண்காணிப்பு அமைப்பு வாடிக்கையாளர்கள் தங்கள் எங்கிருந்து வருகின்றன என்பதை எந்த நேரத்திலும், எந்த இடத்திலும் ஆன்லைனில் கண்காணிக்க அனுமதிக்கிறது.

ரிசர்வ் வங்கி எப்படி வருமானம் ஈட்டுக்கிறது தெரியுமா..? அரசுக்கு அள்ளி கொடுக்க இதுதான் காரணம்..!
Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.