முதல் நாளே குழப்பம் தான்.. சரிவில் வர்த்தகமாகும் சென்செக்ஸ், நிஃப்டி..!

பணவீக்கம் பற்றிய கவலை

பல நாடுகளின் மத்திய வங்கிகள் வட்டி விகிதத்தில் மாற்றம் செய்யப்படாத நிலையில், இது பணவீக்கத்திற்கு வழிவகுக்கலாம் என்று எதிர்பார்க்கப்படுகிறது. அதன் எதிரொலியும் சந்தையில் இருக்கலாம் என்ற கவலையும் இருந்து வருகிறது. எப்படியிருப்பினும் இந்திய சந்தையினை பொறுத்தவரையில் நவம்பர் 1 - 18 வரையிலான காலகட்டத்தில் இந்திய சந்தையில் 19,712 கோடி ரூபாய் நிகர முதலீடுகள் வந்துள்ளது. அதே போல 12,437 கோடி ரூபாய் மதிப்பிலான முதலீடுகள் வெளியேறியுள்ளது.

இந்திய சந்தைகள் தொடக்கம்

இன்று ப்ரீ ஓபனிங் 131.30 புள்ளிகள் குறைந்து, 59,504.71 புள்ளிகளாகவும், இதே நிஃப்டி 30.50 புள்ளிகள் குறைந்து, 17,734.30 புள்ளிகளாகவும் காணப்பட்டது. இதையடுத்து தொடக்கத்திலும் சென்செக்ஸ் 202.56 புள்ளிகள் குறைந்து, 59,433.45 புள்ளிகளாகவும், இதே நிஃப்டி 56.30 புள்ளிகள் குறைந்து, 17,708.50 புள்ளிகளாகவும் காணப்பட்டது. இதற்கிடையில் 1,226 பங்குகள் ஏற்றத்திலும், 790 பங்குகள் சரிவிலும், 161 பங்குகள் மாற்றமில்லாமலும் காணப்பட்டது.

இன்டெக்ஸ் நிலவரம்

இதற்கிடையில் சென்செக்ஸ் மற்றும் நிஃப்டி குறியீட்டில் உள்ள அனைத்து குறியீடுகளும் சரிவிலேயே காணப்படுகின்றன. குறிப்பாக பிஎஸ்இ ஸ்மால் கேப், பிஎஸ்இ மிட் கேப், நிஃப்டி ஆட்டோ, பிஎஸ்இ கன்சியூமர் டியூரபிள், பிஎஸ்இ மெட்டல்ஸ், பிஎஸ்இ ஆயில் & கேஸ் உள்ளிட்ட குறியீடுகள் 1% மேலாக சரிவில் காணப்படுகின்றது. மற்ற குறியீடுகள் 1% கீழாக சரிவில் காணப்படுகின்றன.

நிஃப்டி குறியீடு

குறிப்பாக நிஃப்டி குறியீட்டில் உள்ள பார்தி ஏர்டெல், விப்ரோ, இந்தஸ் இந்த் வங்கி, பிரிட்டானியா, சிப்லா உள்ளிட்ட பங்குகள் டாப் கெயினர்களாகவும், இதே ரிலையன்ஸ், ஓ.என்.ஜி.சி, கோல் இந்தியா, பஜாஜ் பைனான்ஸ், மாருதி சுசூகி உள்ளிட்ட பங்குகள் டாப் லூசர்களாகவும் உள்ளன.

சென்செக்ஸ் குறியீடு

இதே சென்செக்ஸ் குறியீட்டில் உள்ள பார்தி ஏர்டெல், இந்தஸ் இந்த் வங்கி, ஏசியன் பெயிண்ட்ஸ், ஹெச்.டி.எஃப்.சி வங்கி, டிசிஎஸ் உள்ளிட்ட பங்குகள் டாப் கெயினர்களாகவும், இதே ரிலையன்ஸ், பஜாஜ் பைனான்ஸ், மாருதி சுசுகி, ஹெச்.சி.எல் டெக், டாடா ஸ்டீல் உள்ளிட்ட பங்குகள் டாப் லூசராகவும் உள்ளன.

தற்போதைய நிலவரம்

இதற்கிடையில் தற்போது சென்செக்ஸ் 409.55 புள்ளிகள் குறைந்து, 59,226.46 புள்ளிகளாகவும், இதே நிஃப்டி 110.50 புள்ளிகள் குறைந்து, 17,654.30 புள்ளிகளாகவும் காணப்படுகிறது.

ரிலையன்ஸ், பார்தி ஏர்டெல் பங்குகள் இன்று கவனிக்க வேண்டிய பங்குகளாக உள்ளன.