51,600 கீழ் வர்த்தகமாகும் சென்செக்ஸ்.. நிஃப்டியும் 15,500 அருகில் வர்த்தகம்..!

நடப்பு வாரத்தின் மூன்றாவது வர்த்தக நாளான இன்று, பல்வேறு சர்வதேச காரணிகளுக்கு மத்தியில் இந்திய சந்தைகள் சற்று சரிவில் காணப்படுகின்றன.

கடந்த சில வர்த்தக அமர்வுகளாகவே ஏற்றத்தினை கண்டு வந்த இந்திய சந்தைகள், இன்று சற்று சரிவில் தான் உள்ளது.

நாட்டில் கொரோனாவின் தாக்கம் குறைந்து வருவது நல்ல விஷயமாக பார்க்கப்பட்டாலும், பொருளாதாரம் முன்னேற்றம் குறித்தான குறியீடுகள் சரிவில் காணப்படுவதையடுத்து, சந்தைகள் சரிவில் காணப்படுகின்றன. அதோடு சந்தையானது புதிய உச்சத்தினை தொட்ட நிலையில், மீடியம் டெர்ம் முதலீட்டாளர்கள் லாபத்தினை புக் செய்யலாம். இதுவும் சந்தை சரிவுக்கு ஒரு முக்கிய காரணமாக அமைந்துள்ளது.

இந்திய சந்தைகள் தொடக்கம்

குறிப்பாக இன்று ப்ரீ ஓபனிங் சந்தையிலேயே சற்று சரிவில் தான் காணப்பட்டது. குறிப்பாக சென்செக்ஸ் 113.86 புள்ளிகள் குறைந்து, 51,821.02 புள்ளிகளாகவும், இதே நிஃப்டி 37.90 புள்ளிகள் குறைந்து, 15,537.30 புள்ளிகளாகவும் காணப்பட்டது. இதனையடுத்து தொடக்கத்திலும் சற்று சரிவில் தான் தொடங்கியது. சென்செக்ஸ் 135.84 புள்ளிகள் குறைந்து, 51,799.04 புள்ளிகளாகவும், இதே நிஃப்டி 33.60 புள்ளிகள் குறைந்து, 15,541.30 புள்ளிகளாகவும் காணப்பட்டது. இதில் 1006 பங்குகள் ஏற்றத்திலும், 551 பங்குகள் சரிவிலும், 77 பங்குகள் மாற்றமில்லாமலும் காணப்பட்டது.

நிஃப்டி குறியீடு

இதற்கிடையில் சென்செக்ஸ் மற்றும் நிஃப்டி குறியீட்டில் உள்ள பெரும்பாலான குறியீடுகள் சிவப்பு நிறத்திலேயே காணப்படுகின்றன. குறிப்பாக நிஃப்டி குறியீட்டில் உள்ள அதானி போர்ட்ஸ், டாடா ஸ்டீல், ஜே.எஸ்.டபள்யூ ஸ்டீல், எஸ்பிஐ லைஃப் இன்ஃப்ரா, ஸ்ரீ சிமெண்ட்ஸ் உள்ளிட்ட பங்குகள் டாப் கெயினர்களாகவும், இதே டெக் மகேந்திரா, ஐடிசி, விப்ரோ, ஹெச்.டி.எஃப்.சி, ஆக்ஸிஸ் வங்கி உள்ளிட்ட பங்குகள் டாப் லூசர்களாகவும் உள்ளன.

சென்செக்ஸ் குறியீடு

இதே சென்செக்ஸ் குறியீட்டில் உள்ள பவர் கிரிட் கார்ப், மாருதி சுசூகி, சன் பார்மா, அல்ட்ரா டெக் சிமெண்ட், என்.டி.பி.சிஉள்ளிட்ட பங்குகள் டாப் கெயினர்களாகவும், இதே டெக் மகேந்திரா, ஐடிசி, கோடக் மகேந்திரா, ஹெச்.டி.எஃப்.சி, ஆக்ஸிஸ் வங்கி உள்ளிட்ட பங்குகள் டாப் லூசர்களாகவும் உள்ளன.

சந்தையில் தற்போதைய நிலவரம்

அமெரிக்க டாலருக்கு எதிரான இந்திய ரூபாயின் மதிப்பானது 18 பைசா சரிந்து, 73.08 ரூபாயாக தொடங்கியுள்ளது. இதன் முந்தைய அமர்வின் முடிவு விலையானது 72.90 ரூபாயாக முடிவடைந்திருந்தது கவனிக்கதக்கது.

இதற்கிடையில் தற்போது சென்செக்ஸ் 349.03 புள்ளிகள் குறைந்து, 51,585.85 புள்ளிகளாகவும், இதே நிஃப்டி 79.60 புள்ளிகள் குறைந்து, 15,495.25 புள்ளிகளாகவும் காணப்படுகிறது.