லாபத்தினை புக் செய்யும் முதலீட்டாளர்கள்.. சரிவில் சென்செக்ஸ், நிஃப்டி..!

நடப்பு வாரத்தின் இரண்டாவது வர்த்தக நாளான இன்று, இந்திய சந்தைகள் சரிவில் காணப்படுகின்றது.

இது கடந்த அமர்வில் ஏற்றத்தினை கண்ட நிலையில், இன்று மீண்டும் சரிவினைக் காணத் தொடங்கியுள்ளது.

கடந்த அமர்வில் அமெரிக்க பத்திர சந்தையானது மீண்டும் ஏற்றம் கண்ட நிலையில், அமெரிக்க பங்கு சந்தைகள் பெரியளவில் மாற்றம் காணவில்லை. எனினும் சற்று குறைந்து முடிவடைந்துள்ளது. இதனை தொடர்ந்து இன்று காலை தொடக்கத்தில் ஆசிய சந்தைகள் பலவும் ஏற்றத்தில் தான் தொடங்கின. எனினும் இன்றும் சந்தைகள் சரிவில் காணப்படுகின்றன.

முதலீடுகள் வரத்து

தொடர்ந்து சந்தையில் உள்நாட்டு முதலீடுகள் என்பது அதிகரித்து வந்தாலும், சமீபத்திய நாட்களாக அன்னிய முதலீடுகள் வெளியேறி வந்தன. எனினும் கடந்த அமர்வில் அன்னிய முதலீட்டாளர்கள் 424.74 கோடி ரூபாய் மதிப்பிலான பங்குகளை வாங்கியுள்ளனர். உள்நாட்டு முதலீட்டாளர்கள் 1,524.67 கோடி ரூபாய் மதிப்பிலான பங்குகளை வாங்கியுள்ளனர்.

இந்திய சந்தைகள் தொடக்கம்

குறிப்பாக இன்று ப்ரீ ஓபனிங் சந்தையில் சற்று ஏற்றத்தில் தான் காணப்பட்டது. சென்செக்ஸ் 184.70 புள்ளிகள் அதிகரித்து, 60,903.41 புள்ளிகளாகவும், இதே நிஃப்டி 158.60 புள்ளிகள் அதிகரித்து, 17,950.90 புள்ளிகளாகவும் காணப்பட்டது.
எனினும் தொடக்கத்தில் சற்று சரிவில் காணப்பட்டன. சென்செக்ஸ் 122.97 புள்ளிகள் குறைந்து, 60,595.74 புள்ளிகளாகவும், இதே நிஃப்டி 34.80 புள்ளிகள் குறைந்து, 18,074.70 புள்ளிகளாகவும் காணப்பட்டது. இதனையடுத்து 1,104 பங்குகள் ஏற்றத்திலும், 763 பங்குகள் சரிவிலும், 96 பங்குகள் மாற்றமில்லாமலும் காணப்பட்டது.

நிஃப்டி குறியீடு

இதற்கிடையில் சென்செக்ஸ் மற்றும் நிஃப்டி குறியீட்டில் உள்ள பெரும்பாலான குறியீடுகளும் சிவப்பு நிறத்திலேயே காணப்படுகின்றன. குறிப்பாக நிஃப்டி குறியீட்டில் உள்ள மாருதி சுசுகி, டாடா மோட்டார்ஸ், ஹீரோ மோட்டோகார்ப், ஜே.எஸ்.டபள்யூ ஸ்டீல், ஏசியன் பெயிண்ட்ஸ் உள்ளிட்ட பங்குகள் டாப் கெயினர்களாகவும், இதே ரிலையன்ஸ், ஏசியன் பெயிண்ட்ஸ், ஹெச்.டி.எஃப்.சி, கோடக் மகேந்திரா வங்கி, சிப்லா உள்ளிட்ட பங்குகள் டாப் லூசர்களாகவும் உள்ளன.

சென்செக்ஸ் குறியீடு

இதே சென்செக்ஸ் குறியீட்டில் உள்ள மாருதி சுசுகி, டாடா ஸ்டீல், இன்ஃபோசிஸ், எம் & எம், லார்சன் உள்ளிட்ட பங்குகள் டாப் கெயினர்களாகவும், இதே ரிலையன்ஸ், ஹெச்.டி.எஃப்.சி, ஏசியன் பெயிண்ட்ஸ், கோடக் மகேந்திரா வங்கி, ஹெச்.டி.எஃப்.சி வங்கி உள்ளிட்ட பங்குகள் டாப் லூசர்களாகவும் உள்ளன.

தற்போதைய நிலவரம்

தற்போது சென்செக்ஸ் 114.73 புள்ளிகள் குறைந்து, 60,603.98 புள்ளிகளாகவும், நிஃப்டி 24.80 புள்ளிகள் குறைந்து, 18,084.65 புள்ளிகளாகவும் வர்த்தகமாகி வருகின்றது.

இது இன்னும் சற்று சரியும் விதமாகவே காணப்படுகின்றது. இதற்கிடையில் ஆட்டோ மொபைல் துறை பங்குகள், ஐடி துறை பங்குகள் கவனிக்க வேண்டியவையாக உள்ளன.

opening bell: sensex, nifty struggling amid profit booking/ லாபத்தினை புக் செய்யும் முதலீட்டாளர்கள்.. சரிவில் சென்செக்ஸ், நிஃப்டி.