நடப்பு வாரத்தின் மூன்றாவது வர்த்தக நாளான இன்று பல்வேறு சர்வதேச காரணிகளுக்கு மத்தியில், இந்திய சந்தைகள் சற்று ஏற்றத்தில் காணப்படுகின்றன.
கடந்த அமர்வில் அமெரிக்க சந்தைகள் சற்று சரிவில் முடிவடைந்திருந்தாலும், ஆசிய சந்தைகள் பலவும் ஏற்ற இறக்கத்தில் காணப்படுகின்றன. இதன் எதிரொலி இந்திய சந்தையிலும் காணப்படுகின்றது.
இந்திய சந்தையில் நாளை எஃப் & ஓ எக்ஸ்பெய்ரி என்பதால் சந்தையில், ஏற்ற இறக்கத்தில் இருக்கலாம். இதனால் சந்தையில் இன்றும் நாளையும் ஏற்ற இறக்கம் அதிகரிக்கலாம்.
முதலீடுகள் வெளியேற்றம்
நவம்பர் 23 நிலவரப்படி, கடந்த அமர்வில் 4,477.06 கோடி ரூபாய் மதிப்பிலான பங்குகளை அன்னிய முதலீட்டாளார்கள் விற்றும், உள்நாட்டு முதலீட்டாளார்கள் 1,412.05 கோடி ரூபாய் மதிப்பிலான பங்கினை விற்றும் வெளியேறியுள்ளனர்.
இந்திய சந்தைகள் தொடக்கம்
இன்று ப்ரீ ஓபனிங் சந்தையிலேயே சென்செக்ஸ் 126.99 புள்ளிகள் ஏற்றம் கண்டு, 58,791.32 புள்ளிகளாகவும், நிஃப்டி 3.20 புள்ளிகள் அதிகரித்து, 17,506.50 புள்ளிகளாகவும் ஏற்றம் கண்டு காணப்படுகிறது. இதனையடுத்து சென்செக்ஸ் 63.10 புள்ளிகள் அதிகரித்து, 58,727.43 புள்ளிகளாகவும், இதே நிஃப்டி 31.50 புள்ளிகள் அதிகரித்து, 17,534.80 புள்ளிகளாகவும் காணப்பட்டது. இதற்கிடையில் 1480 பங்குகள் ஏற்றத்திலும், 312 பங்குகள் சரிவிலும், 81 பங்குகள் மாற்றமில்லாமலும் காணப்பட்டது.
இன்டெக்ஸ் நிலவரம்
இதற்கிடையில் சென்செக்ஸ் மற்றும் நிஃப்டி குறியீட்டில் உள்ள பெரும்பாலான குறியீடுகளும் சரிவில் காணப்படுகின்றன. குறிப்பாக பிஎஸ்இ டெக், பிஎஸ்இ மெட்டல்ஸ், பிஎஸ்இ ஹெல்த்கேர், பிஎஸ்இ எஃப்.எம்.சி.ஜி, பிஎஸ்இ கன்சியூமர் டியூரபிள், நிஃப்டி ஆட்டோ, நிஃப்டி ஐடி உள்ளிட்ட குறியீடுகள் சரிவில் காணப்படுகின்றன. பிஎஸ்இ ஆயில் & கேஸ், நிஃப்டி பி.எஸ்.இ 1% மேலாக ஏற்றம் கண்டு காணப்படுகின்றது.
நிஃப்டி குறியீடு
நிஃப்டி குறியீட்டில் உள்ள அதானி போர்ட்ஸ், ஓ.என்.ஜி.சி, பார்தி ஏர்டெல், கோல் இந்தியா, எஸ்பிஐ லைஃப் இன்சூரன்ஸ் உள்ளிட்ட பங்குகள் டாப் கெயினர்களாகவும், இதே மாருதி சுசுகி, இன்ஃபோசிஸ், டிவிஸ் லேப்ஸ், பஜாஜ் பின்செர்வ், டெக் மகேந்திரா உள்ளிட்ட பங்குகள் டாப் லூசர்களாகவும் உள்ளன.
சென்செக்ஸ் குறியீடு
இதே சென்செக்ஸ் குறியீட்டில் உள்ள பார்தி ஏர்டெல், பவர் கிரிட் கார்ப், என்.டி.பி.சி, ஐ.சி.ஐ.சி.ஐ வங்கி, ஹெச்.சி.எல் டெக் உள்ளிட்ட பங்குகள் டாப் கெயினர்களாகவும், இதே மாருதி சுசுகி, டெக் மகேந்திரா, பஜாஜ் பின்செர்வ், இன்ஃபோசிஸ், டைட்டன் நிறுவனம் உள்ளிட்ட பங்குகள் டாப் லூசர்களாகவும் உள்ளன.
சந்தையில் தற்போதைய நிலவரம்
அமெரிக்க டாலருக்கு எதிரான இந்திய ரூபாயின் மதிப்பானது, 11 பைசா குறைந்து, 74.53 ரூபாயாக காணப்படுகின்றது.
இதற்கிடையில் தற்போது சென்செக்ஸ் 208.50 புள்ளிகள் அதிகரித்து, 58,872.83 புள்ளிகளாகவும், இதே நிஃப்டி 70.25 புள்ளிகள் அதிகரித்து, 17,573.60 புள்ளிகளாகவும் காணப்படுகிறது.