சரிவில் சென்செக்ஸ், நிஃப்டி.. தடுமாற்றத்தில் இந்திய ரூபாயின் மதிப்பு..என்ன காரணம்..!

ஓமிக்ரான் அச்சம்

ஓமிக்ரான் அச்சம் தொடர்ந்து அதிகரித்து வரும் நிலையில் இது மேலும் வரும் அமர்வுகளில் தாக்கத்தினை ஏற்படுத்தலாம் என எதிர்பார்க்கப்படுகிறது. இதற்கிடையில் விரைவில் அமெரிக்க பெடரல் வங்கியானது வட்டி விகிதத்தினை அதிகரிக்கலாம் என்ற நிலையும் இருந்து வருகின்றது.

முதலீடுகள் வெளியேற்றம்

பலத்த எதிர்பார்ப்புகளுக்கு மத்தியில் தொடர்ந்து அன்னிய முதலீடுகள் வெளியேறி வருகின்றன. குறிப்பாக டிசம்பர் 14, நிலவரப்படி, 763.18 கோடி ரூபாய் அன்னிய முதலீடுகள் வெளியேறியுள்ளது. இதே உள்நாட்டு முதலீட்டாளார்கள் 425.43 கோடி ரூபாய் மதிப்பிலான பங்குகளை வாங்கியுள்ளனர்.

சந்தையில் தொடக்கம்

குறிப்பாக இன்று காலை ப்ரீ ஓபனிங்லேயே சென்செக்ஸ் 222.84 புள்ளிகள் குறைந்து, 57,894.25 ,புள்ளிகளாகவும், நிஃப்டி 86.90 புள்ளிகள் குறைந்து, 17,238 புள்ளிகளாகவும் காணப்பட்டது.

இதற்கிடையில் தொடக்கத்தில் சென்செக்ஸ் 54.52 புள்ளிகள் அதிகரித்து, 58,171.61 புள்ளிகளாகவும், நிஃப்டி 9.60 புள்ளிகள் அதிகரித்து, 17,334 புள்ளிகளாகவும் காணப்பட்டது.இதையடுத்து 1461 பங்குகள் ஏற்றத்திலும், 524 பங்குகள் சரிவிலும், 90 பங்குகள் மாற்றமில்லாமலும் காணப்பட்டது.

நிஃப்டி குறியீடு

சென்செக்ஸ், நிஃப்டி குறியீட்டில் உள்ள பல குறியீடுகளும் சரிவில் காணப்படுகின்றது. குறிப்பாக நிஃப்டி ஐடி, பிஎஸ்இ டெக் உள்ளிட்ட குறியீடுகள் 1% மேலாக சரிவில் காணப்படுகின்றது.

இதற்கிடையில் நிஃப்டி குறியீட்டில் உள்ள என்டிபிசி, கோடக் மகேந்திரா, ஆக்ஸிஸ் வங்கி, லார்சன், பஜாஜ் ஆட்டோ உள்ளிட்ட பங்குகள் டாப் கெயினர்களாகவும், இதே பஜாஜ் பைனான்ஸ், டிவிஸ் லேப், பஜாஜ் பின்செர்வ், அதானி போர்ட்ஸ், டிசிஎஸ் உள்ளிட்ட பங்குகாள் டாப் லூசர்களாகவும் உள்ளன,

சென்செக்ஸ் குறியீடு

இதே சென்செக்ஸ் குறியீட்டில் உள்ள என்டிபிசி, கோடக் மகேந்திரா, ஆக்ஸிஸ் வங்கி, எம் &எம், பஜாஜ் ஆட்டோ உள்ளிட்ட குறியீடுகள் ஏற்றத்திலும், பஜாஜ் பைனான்ஸ், டிவிஸ் லேப், பஜாஜ் பின்செர்வ், இன்போசிஸ், அதானி போர்ட்ஸ் உள்ளிட்ட பங்குகள் டாப் லூசர்களாகவும் உள்ளன

தற்போதைய நிலவரம் என்ன?

தற்போது 11.25 நிலவரப்படி, சென்செக்ஸ் 294.98 புள்ளிகள் குறைந்து, 57,822.31 புள்ளிகளாகவும், நிஃப்டி 87.25 புள்ளிகள் குறைந்து, 17,237 புள்ளிகளாகவும் வர்த்தகமாகி வருகின்றது.