இந்தியாவில் நாளுக்கு நாள் கொரோனாவின் தாக்கம் அதிகரித்து வரும் நிலையில், தினசரி தொற்றுக்களின் எண்ணிக்கையும் லட்சக்கணக்கில் இருந்து வருகின்றது. இதனால் பல மாநிலங்களிலும் லாக்டவுன் அமல்படுத்தப்பட்டு வருகின்றது.
இதற்கிடையில் இந்திய சந்தைகள் இன்று சர்பிரைஸ் கொடுக்கும் விதமாக ஏற்றத்தில் காணப்படுகின்றன. மாறாக சரிவினைக் காணலாம் என்று எதிர்பார்க்கப்பட்ட நிலையில், இன்று ஏற்றத்தில் காணப்படுகிறது. இது ரிசர்வ் வங்கியின் அறிவிப்புகள் சந்தைக்கு சாதகமாக வந்துள்ளதே இதற்கு காரணம் என்றும் கூறப்படுகிறது.
இதற்கிடையில் அமெரிக்க சந்தைகள் ஏற்றத்தில் முடிவடைந்த நிலையில், இந்திய சந்தைகளும் இன்று கேப் அப் ஆகி தொடங்கியுள்ளன.
இந்திய சந்தைகள் தொடக்கம்
குறிப்பாக இன்று ப்ரீ ஓபனிங் சந்தையிலேயே சற்று ஏற்றத்தில் தான் காணப்பட்டது. அப்போது சென்செக்ஸ் 320.16 புள்ளிகள் அதிகரித்து, 49,526.63 புள்ளிகளாகவும், இதே நிஃப்டி 69.80 புள்ளிகள் அதிகரித்து, 14,893 புள்ளிகளாகவும் காணப்பட்டது. இதையடுத்து தொடக்கத்திலும் சென்செக்ஸ் 289.58 புள்ளிகள் அதிகரித்து, 49,496.05 புள்ளிகளாகவும், இதே நிஃப்டி 105.10 புள்ளிகள் அதிகரித்து, 14,928.25 புள்ளிகளாகவும் காணப்பட்டது.
நிஃப்டி குறியீடு
இதற்கிடையில் சென்செக்ஸ் மற்றும் நிஃப்டி குறியீட்டில் உள்ள நிஃப்டி ஐடி, பிஎஸ்இ டெக் குறியீடுகள் தவிர, மற்ற அனைத்து குறியீடுகளும் பச்சை நிறத்திலேயே காணப்படுகின்றன. குறிப்பாக நிஃப்டி குறியீட்டில் உள்ள டாடா ஸ்டீல், டாக்டர் ரெட்டீஸ் லேபரட்டிஸ், ஜே.எஸ்.டபள்யூ ஸ்டீல், எஸ்பிஐ, ஹிண்டால்கோ உள்ளிட்ட பங்குகள் டாப் கெயினர்களாகவும், இதே அல்ட்ராடெக் சிமெண்ட், ஸ்ரீ சிமெண்ட்ஸ், பிரிட்டாணியா, இன்ஃபோசிஸ், டாடா கன்சியூமர் புராடக்ஸ் உள்ளிட்ட பங்குகள் டாப் லூசர்களாகவும் உள்ளன.
சென்செக்ஸ் குறியீடு
இதே சென்செக்ஸ் குறியீட்டில் உள்ள டாக்டர் ரெட்டீஸ் லேபரட்டிஸ், ஓ.என்.ஜி.சி, ஹெச்.டிஎஃப்.சி, இந்தஸிந்த் வங்கி, எஸ்பிஐ உள்ளிட்ட பங்குகள் டாப் கெயினராகவும், இதே, அல்ட்ராடெக் சிமெண்ட், இன்ஃபோசிஸ், ஹெச்.சி.எல் டெக், நெஸ்டில், டெக் மகேந்திரா உள்ளிட்ட பங்குகள் டாப் லூசராகவும் உள்ளன.
ரூபாய் மதிப்பு
இதற்கிடையில் அமெரிக்க டாலருக்கு எதிரான இந்திய ரூபாயின் மதிப்பு 13 சரிவில், 73.63 ரூபாயாக தொடங்கியுள்ளது. இது முந்தைய அமர்வில் 73.51 ரூபாயாக முடிவடைந்திருந்தது.
இதற்கிடையில் தற்போது சென்செக்ஸ் 336.68 புள்ளிகள் அதிகரித்து, 49,543.15 புள்ளிகளாகவும், இதே நிஃப்டி 112.75 புள்ளிகள் அதிகரித்து, 14,935.90 புள்ளிகளாகவும் காணப்படுகிறது.