சென்செக்ஸ் கிட்டதட்ட 100 புள்ளிகள் வீழ்ச்சி..! நிஃப்டி 11,900 கீழ் சரிவு..!

வாரத்தின் முதல் நாளான இன்று இந்திய சந்தைகள் சற்று சரிவிலேயே தொடங்கியது. இந்த நிலையில் தற்போது மும்பை பங்கு சந்தையின் சென்செக்ஸ் 95 புள்ளிகள் வீழ்ச்சி கண்டு, 40,590 ஆகவும், இதே தேசிய பங்கு சந்தை நிஃப்டி 30 புள்ளிகள் வீழ்ச்சி கண்டு, 11,899 ஆகவும் வர்த்தகமாகி வருகின்றது.

இதே அமெரிக்கா டாலருக்கு எதிரான இந்திய ரூபாயின் மதிப்பு 73.69 ரூபாயாகவும் வீழ்ச்சி கண்டும் காணப்படுகின்றது. இது தொடக்கத்தில் 17 பைசா வீழ்ச்சி கண்டு 73.77 ரூபாயாக காணப்பட்டது.

அமெரிக்கா மற்றும் ஐரோப்பிய நாடுகளில் கொரோனாவின் தாக்கம் மீண்டும் அதிகரிக்க தொடங்கியுள்ள நிலையில் இது இரண்டாம் கட்ட பரவலாக இருக்குமோ என்ற பய உணர்வு ஏற்பட்டுள்ளது. இதன் காரணமாக பொருளாதாரம் என்னவாகுமோ என்ற நிலையில், சர்வதேச சந்தைகள் சில சரிவில் காணப்படுகின்றது. இதற்கிடையில் இந்தியாவில் கொரோனாவின் வேகம் குறைந்தபாடில்லை.

இதன் காரணமாக இந்திய பங்கு சந்தைகள் மற்றும் சர்வதேச பங்கு சந்தைகள் சிலவும் சரிவில் காணப்படுகின்றது.

கடந்த வாரத்தில் சரிவிலேயே முடிவடைந்திருந்த எண்ணெய் விலைகள், மீண்டும் இன்றும் சரிவில் தான் காணப்படுகிறது. இது ரூபாய்க்கு ஆதரவாக இருந்தாலும், அன்னிய முதலீடுகள் வெளியேற்றம், சர்வதேச சந்தைகளின் அழுத்தமும் இந்திய பங்கு சந்தையில் காணப்படுகின்றது,.

இதற்கிடையில் நிஃப்டி குறியீட்டில் உள்ள அனைத்து குறியீடுகளும், சென்செக்ஸ் குறியீட்டில் உள்ள அனைத்து இன்டெக்ஸ்களும் சரிவிலேயே காணப்படுகின்றது.

நிஃப்டி குறியீட்டில் உள்ள நெஸ்டில், இந்தஸிந்த் வங்கி, ஹெச்டிஎஃப்சி லைஃப், அதானி போர்ட்ஸ், லார்சன் உள்ளிட்ட பங்குகள் டாப் கெயினராகவும், ஜேஎஸ்டபள்யூ, ஹீரோ மோட்டோகார்ப், யுபிஎல், ரிலையன்ஸ், கோல் இந்தியா உள்ளிட்ட பங்குகள் பலத்த சரிவிலும் காணப்படுகின்றது.

இதே சென்செக்ஸ் குறியீட்டில் உள்ள நெஸ்டில், இந்தஸிந்த் வங்கி, லார்சன், பவர் கிரிட் கார்ப், ஹெச்சிஎல் கார்ப் உள்ளிட்ட பங்குகள் டாப் கெயினராகவும், ரிலையன்ஸ், டாடா ஸ்டீல், ஏசியன் பெயிண்ட்ஸ், டெக் மகேந்திரா, பஜாஜ் ஆட்டோ உள்ளிட்ட பங்குகள் பலத்த சரிவிலும் காணப்படுகின்றது.

இதுவே ஐசிஐசிஐ லம்பார்டு ஜெனரல் இன்சூரன்ஸ் நிறுவனம் கடந்த வெள்ளிக்கிழமையன்று 35% வளர்ச்சி கண்டதையடுத்து, செப்டம்பர் காலாண்டில் 415.74 கோடி ரூபாய் லாபம் கண்டுள்ளது குறிப்பிடத்தக்கது. இதற்கிடையில் இந்த பங்கின் விலையானது 0.4% வீழ்ச்சி கண்டுள்ளது.

ஜேஎஸ்டபள்யூ நிறுவனத்தின் நிகரலாபம் செப்டம்பர் காலாண்டில் 37% வீழ்ச்சி கண்டு, நிகரலாபம் 1595 கோடி ரூபாயாக குறைந்துள்ளது. இது கடந்த ஆண்டில் 2,536 கோடி ரூபாய் லாபம் கண்டு இருந்தது குறிப்பிடத்தக்கது. இந்த நிலையில் தான் இந்த நிறுவனத்தின் பங்கு விலையானது 3% மேலாக வீழ்ச்சி கண்டுள்ளது.