இன்றும் புதிய உச்சத்தினை தொட்ட சென்செக்ஸ் மற்றும் நிப்டி..!

மும்பை பங்கு சந்தை குறியீடான சென்செக்ஸ் இன்றைய சந்தை நேர முடிவில் 0.65 சதவீதம் என 232.81 புள்ளிகள் உயர்ந்து 36,283.25 புள்ளிகளாக வர்த்தகம் செய்யப்பட்டது. அதே நேரம் தேசிய பங்கு சந்தை குறியீடான நிப்டி 0.55 சதவீதம் என 60.75 புள்ளிகள் உயர்ந்து 11,130.40 புள்ளிகளாக வர்த்தகம் செய்யப்பட்டு வருகிறது.

உலகளாவிய சந்தைகள் மற்றும் உள்நாட்டுப் பொருளாதார வளர்ச்சி மற்றும் பெருநிறுவன வருவாயைப் பற்றிய நம்பிக்கை ஆகியவற்றின் காரணங்களால் இன்று பங்கு சந்தை புதிய உச்சத்தினை அடைந்தது.

பொருளாதாரச் சர்வே

நிதி அமைச்சர் அருண் ஜேட்லி அவர்கள் இன்று வர இருக்கும் 2018-2019 நிதி ஆண்டிற்கான பட்ஜெட்டினை தாக்கல் செய்ய உள்ள நிலையில் இன்று பொருளாதார அறிக்கையினைப் பாராளுமன்றத்தில் வெளியிட்டார்.

துறை சார்ந்த அறிக்கை

ஐடி, மெட்டல் மற்றும் ஆட்டோ மொபைல் துறை பங்குகள் இன்று 2 முதல் 4 சதவீதம் வரை லாபம் அளித்துள்ளன. மேட்டல் துறை பங்குகளைப் பொறுத்தவரையில் வேதாந்த மற்றும் ஹட்கோ பங்குகள் 2 சதவீதம் வரை உயர்ந்தன.

லாபம் அளித்த பங்குகள்

மாருதி (+ 4%), ஐசர் (+ 3.8%), யூபிஎல் (+ 3.2%), ஜீ (+ 3.2%) மற்றும் இந்தியாபுல்ஸ் ஹெச்எஃப் (+ 2.7%)

நட்டம் அளித்த பங்குகள்

டாக்டர் ரெட்டி (-4.4%), கெயில் (-2.9%), லூபின் (-2.3%), ஏர்டெல் (-1.9%) மற்றும் ஐடிசி (-1.8%)