கடந்த சில வாரங்களாகவே அவ்வப்போது சற்று சரிவினைக் கண்டாலும், தொடர்ந்து ஏற்றத்தினையே கண்டு வருகின்றது.
இன்று சந்தை ப்ரீ ஒபனிங்கிலேயே சற்று ஏற்றத்தில் காணப்பட்டது. குறிப்பாக மும்பை பங்கு சந்தையின் சென்செக்ஸ் 10.32 புள்ளிகள் அதிகரித்து, 51,339.40 புள்ளிகளாகவும், இதே தேசிய பங்கு சந்தை நிஃப்டி 7 புள்ளிகள் அதிகரித்து 15,116.30 ஆகவும் இருந்தது.
இதனையடுத்து தொடக்கத்திலும் சற்று ஏற்றத்திலே தான் தொடங்கியது. குறிப்பாக சென்செக்ஸ் 108.54 புள்ளிகள் அதிகரித்து, 51,437.62 ஆகவும், இதே நிஃப்டி 43.90 புள்ளிகள் அதிகரித்து, 15,153.20 புள்ளிகளாகவும் காணப்பட்டது. இதற்கிடையில் 824 பங்குகள் ஏற்றத்திலும், 349 பங்குகள் சரிவிலும், 65 பங்குகள் மாற்றமில்லாமலும் காணப்பட்டது.
சரிவுக்கு என்ன காரணம்
சர்வதேச சந்தையின் எதிரொலி, சர்வதேச காரணிகள் பல, கொரோனா வைரஸ் தாக்கம், தடுப்பூசி பற்றிய அறிவிப்புகள், எல்லாவற்றுக்கும் மேலாக முதலீட்டாளர்கள் புராபிட் செய்யும் காரணத்தினாலும் சந்தை சரிவினைக் காணத் தொடங்கியுள்ளது. மேலும் சர்வதேச முதலீட்டாளர்கள் அமெரிக்காவின் ஊக்கத்தொகை பற்றிய எதிர்ப்பார்ப்புகளுக்கு மத்தியில், ஏற்ற இறக்கத்தில் காணப்படுகிறது.
நிஃப்டி குறியீட்டில் உள்ள பங்குகள்
இதற்கிடையில் நிஃப்டி குறியீட்டில் உள்ள பேங்க் நிஃப்டி, சென்செக்ஸ் குறியீடுகளில் உள்ள கேப்பிட்டல் கூட்ஸ், கன்சியூமர் டியூரபிள், பிஎஸ்இ டெக் உள்ளிட்ட குறியீடுகள் சிவப்பு நிறத்திலும், மற்றவை அனைத்தும் பச்சை நிறத்திலும் காணப்படுகிறது.
குறிப்பாக நிஃப்டி குறியீட்டில் உள்ள எஸ்பிஐ லைஃப் இன்சூரன்ஸ், ஹெச்டிஎஃப்சி லைஃப், பஜாஜ் பின்செர்வ், அல்ட்ராடெக் சிமெண்ட், கெயில் உள்ளிட்ட பங்குகள் டாப் கெயினராகவும், இதே அதானி போர்ட்ஸ், மாருதி சுசூகி, ஆக்ஸிஸ் வங்கி, பார்தி ஏர்டெல், டெக் மகேந்திரா உள்ளிட்ட பங்குகள் டாப் லூசர்களாகவும் உள்ளன
சென்செக்ஸ் குறியீட்டில் உள்ள பங்குகள்
இதே சென்செக்ஸ் குறியீட்டில் பஜாஜ் பின்செர்வ், அல்ட்ராடெக் சிமெண்ட், ஹெச்சிஎல் டெக், பஜாஜ் பைனான்ஸ், ஓஎன்ஜிசி உள்ளிட்ட பங்குகள் டாப் கெயினராகவும், இதே மாருதி சுசூகி, ஆக்ஸிஸ் வங்கி, பார்தி ஏர்டெல், டெக் மகேந்திரா, இன்போசிஸ் உள்ளிட்ட பங்குகள் டாப் லூசர்களாகவும் உள்ளன.
தற்போதைய நிலவரம்
இதற்கிடையில் தொடக்கத்தில் ஏற்றத்தில் தொடங்கினாலும், தற்போது சென்செக்ஸ் 79.23 புள்ளிகள் குறைந்து, 51,249.85 புள்ளிகளாகவும், இதே நிஃப்டி 16.15 புள்ளிகள் குறைந்து, 15,093.15 புள்ளிகளாகவும் வர்த்தகமாகி வருகின்றது. இது ஈக்விட்டி சந்தையில் செல்லிங் பிரசர் அதிகம் இருப்பதால் சற்று வீழ்ச்சி கண்டிருக்கலாம் என்றும் கருதப்படுகிறது.