உற்சாகத்தில் முதலீட்டாளர்கள்.. சென்செக்ஸ் 100 புள்ளிகளுக்கு மேல் ஏற்றம்.. !

நடப்பு வாரத்தின் முதல் வர்த்தக நாளான இன்று, இந்திய சந்தைகள் பெரியளவில் மாற்றமின்றி சற்று ஏற்றத்தில் காணப்படுகின்றன.

நடப்பு வாரத்தில் இந்திய சந்தையில் எஃப் & ஓ எக்ஸ்பெய்ரி என்பதால், சந்தையில் அதிகளவிலான ஏற்ற இறக்கம் இருக்கலாம் என்று எதிர்பார்க்கப்படுகிறது.

அதோடு கொரோனா குறித்தான அறிவிப்புகள் சற்று குறைந்ததாக காணப்பட்டாலும், சில மாநிலங்களில் உச்சம் தொட்டு வருகின்றது.

முதலீட்டாளர்கள் மத்தியில் அச்சம்

ஆக இது இன்னும் பொருளாதாரத்தில் எந்த மாதிரியான தாக்கத்தினை ஏற்படுத்த உள்ளதோ என்ற அச்சத்தினையும், சர்வதேச முதலீட்டாளர்கள் மத்தியில் எழுந்துள்ளது. இதனையடுத்து வரும் வாரத்தில் அமெரிக்காவின் பணவீக்கம் குறித்தான தரவுகள் வெளியிடப்படவுள்ள நிலையில், ஆசிய சந்தைகளும் சற்று சரிவில் காணப்படுகிறது. இதனால் இந்திய சந்தையிலும் ஏற்ற இறக்கம் தொடரலாம் என்று எதிர்பார்க்கப்படுகிறது.

இந்திய சந்தைகள் தொடக்கம்

இன்று ப்ரீ ஓபனிங் சந்தையில் சற்று ஏற்றத்தில் தான் காணப்பட்டது. அப்போது சென்செக்ஸ் 147.44 புள்ளிகள் அதிகரித்து, 50,687.92 புள்ளிகளாகவும், இதே நிஃப்டி 21.40 புள்ளிகள் அதிகரித்து, 15196.70 புள்ளிகளாகவும் காணப்பட்டது. இதையடுத்து தொடக்கத்திலும் சென்செக்ஸ் 232.01 புள்ளிகள் அதிகரித்து, 50,772.49 புள்ளிகளாகவும், இதே நிஃப்டி 43.40 புள்ளிகள் அதிகரித்து, 15,218.70 புள்ளிகளாகவும் காணப்பட்டது. இதனையடுத்து 1453 பங்குகள் ஏற்றத்திலும், 357 பங்குகள் சரிவிலும், 88 பங்குகள் மாற்றமில்லாமலும் காணப்பட்டது.

இன்டெக்ஸ் நிலவரம்

இதற்கிடையில் சென்செக்ஸ் மற்றும் நிஃப்டி குறியீட்டில் உள்ள பெரும்பாலான குறியீடுகள் சிவப்பு நிறத்தில் காணப்படுகின்றன. குறிப்பாக நிஃப்டி குறியீட்டில் உள்ள ஹீரோ மோட்டோகார்ப், பவர் கிரிட் கார்ப், ஐஓசி, எஸ்பிஐ, டிவிஸ் லேப் உள்ளிட்ட பங்குகள் டாப் கெயினர்களாகவும், இதே கிரசிம், ஹிண்டால்கோ, அதானி போர்ட்ஸ், டாடா ஸ்டீல், எம்&எம் உள்ளிட்ட பங்குகள் டாப் லூசர்களாகவும் உள்ளன.

சென்செக்ஸ் குறியீடு

இதே சென்செக்ஸ் குறியீட்டில் உள்ள பவர் கிரிட் கார்ப், எஸ்பிஐ, லார்சன், மாருதி சுசூகி, டாக்டர் ரெட்டீஸ் லேபரட்டீஸ் உள்ளிட்ட பங்குகள் டாப் கெயினராகவும், இதே, டைட்டன் நிறுவனம், இந்தஸிந்த் வங்கி, பஜாஜ் பின்செர்வ், எம்&எம், அல்ட்ராடெக் சிமெண்ட் உள்ளிட்ட பங்குகள் டாப் லூசராகவும் உள்ளன.

ரூபாய் மதிப்பு

இதற்கிடையில் அமெரிக்க டாலருக்கு எதிரான இந்திய ரூபாயின் மதிப்பு 72.86 ரூபாயாக தொடங்கியுள்ளது. இது முந்தைய அமர்வின் முடிவு விலையானது 72.83 ரூபாயாக இருந்தது.

இதற்கிடையில் தற்போது சென்செக்ஸ் 101 புள்ளிகள் அதிகரித்து, 50,700.80 புள்ளிகளாகவும், இதே நிஃப்டி 18.45 புள்ளிகள் அதிகரித்து, 15,193.75 புள்ளிகளாகவும் காணப்படுகிறது.