Click it and Unblock the Notifications
இந்தியாவின் முன்னணி நிறுவனங்கள் நடப்பு நிதியாண்டின் மூன்றாவது காலாண்டின் நிதி முடிவுகளை வெளியிடத் தயாராகி வருகின்றன. டிசிஎஸ், இன்ஃபோசிஸ், ஹெச்சிஎல் டெக், டெக் மஹிந்திரா, விப்ரோ போன்ற முன்னணி ஐடி சேவை நிறுவனங்களும், ஆக்சிஸ் வங்கி, ரிலையன்ஸ் போன்ற பெரும் நிறுவனங்களும் தங்களது முடிவுகளை கடந்த வாரம் வெளியிட்டது.
இந்த நிலையில் இந்த வாரம் ஹெச்டிஎப்சி வங்கி, ஐசிஐசிஐ வங்கி உள்ளிட்ட முக்கிய வங்கி நிறுவனங்களின் முடிவுகளை முதலீட்டாளர்கள் ஆவலுடன் எதிர்பார்த்து வருகின்றனர். இதோடு வாரத்தில் மட்டும் சுமார் 250 நிறுவனங்கள் தங்களது மூன்றாவது காலாண்டின் நிதி முடிவுகளை வெளியிட உள்ளன.
இந்தியப் பங்குச்சந்தையில் கடந்த வார வர்த்தகத்தில் மட்டும் சந்தை மதிப்பீட்டளவில் டாப் 10 நிறுவனங்கள் சுமார் 1,71,680 கோடி ரூபாய் அளவிலான சந்தை மதிப்பீட்டை இழந்துள்ளது. டாப் 10ல் ரிலையன்ஸ், ஏர்டெல், எஸ்பிஐ, எல்ஐசி ஆகியவற்றின் சந்தை மதிப்பு மட்டும் உயர்ந்துள்ளது. இந்த நிலையில் இந்த வாரம் காலாண்டு முடிவுகளை வெளியிடும் 250 நிறுவனங்களில் முக்கியமான நிறுவனங்கள் என்னென்ன என்பதை இப்போது பார்ப்போம்.
ஜனவரி 20, திங்கள்: பேடிஎம், சோமாட்டோ, ஏ.பி.எல். அப்பல்லோ டியூப்ஸ், சென்ட்ரல் வங்கி ஆப் இந்தியா, டிக்ஸன் டெக்னாலஜிஸ், ஐ.டி.பி.ஐ வங்கி, இந்தோஸ்டார் கேபிடல் பைனான்ஸ், இந்தியன் ஒவர்சீஸ் வங்கி, ஐ.ஆர்.எஃப்.சி., ஜம்மு காஷ்மீர் வங்கி, எம்.சி.எக்ஸ்., எம்.ஆர்.பி.எல். உள்ளிட்ட 37 நிறுவனங்கள் தங்களது டிசம்பர் காலாண்டு முடிவுகளை வெளியிட உள்ளன.
ஜனவரி 21, செவ்வாய்: அதித்யா பிர்லா ரியல் எஸ்டேட், டால்மியா பாரத், ஐ.சி.ஐ.சி.ஐ. பிருடென்ஷியல் லைஃப் இன்சூரன்ஸ் நிறுவனம், இந்த் வங்கி ஹவுசிங், இந்தியா சிமெண்ட்ஸ், இந்தோகோ ரெமிடிஸ், பி.என்.பி. ஹவுசிங் பைனான்ஸ், தென் இந்திய வங்கி, டாடா டெக்னாலஜிஸ், யு.சி.ஓ வங்கி உள்ளிட்ட 32 நிறுவனங்கள் தங்களது டிசம்பர் காலாண்டு முடிவுகளை வெளியிட உள்ளன.
ஜனவரி 22, புதன்: ஹெச்.டி.எப்.சி வங்கி, ஹிந்துஸ்தான் யுனிவர்சல் (எச்.யூ.எல்.), பி.பி.சி.எல்., கோஃபோர்ஜ், பெர்சிஸ்டண்ட் சிஸ்டம்ஸ், ஹெரிடேஜ் ஃபுட்ஸ், ஹட் கோ, இந்தோசோலார், பிடிலைட் இண்டஸ்ட்ரீஸ், டாடா கம்யூனிகேஷன்ஸ் உள்ளிட்ட 47 நிறுவனங்கள் தங்களது டிசம்பர் காலாண்டு முடிவுகளை வெளியிட உள்ளன.
ஜனவரி 23, வியாழன்: அடானி கிரீன் எனர்ஜி, அல்ட்ராடெக் சிமெண்ட், சையன்ட், டாக்டர் ரெட்டிஸ் லேபரட்டரீஸ், இந்தஸ் டவர்கள், கே.எஃப்.ஐ.என். டெக்னாலஜிஸ், மான்கைண்ட் பார்மா, எம்ஃபேசிஸ் உள்ளிட்ட 51 நிறுவனங்கள் தங்களது டிசம்பர் காலாண்டு முடிவுகளை வெளியிட உள்ளன.
ஜனவரி 24, வெள்ளி: இண்டர் குளோப் ஏவியேஷன் (இண்டிகோ), ஜே.எஸ்.டபிள்யூ. ஸ்டீல், ஏ.யு. ஸ்மால் பைனான்ஸ் வங்கி, வங்கி ஆப் இந்தியா, டி.சி.பி. வங்கி, கோதிரெஜ் கன்ஸ்யூமர், டி.எல்.எஃப்., ட்ரைடெண்ட், டோரண்ட் பார்மா உள்ளிட்ட 66 நிறுவனங்கள் தங்களது டிசம்பர் காலாண்டு முடிவுகளை வெளியிட உள்ளன.
ஜனவரி 25, சனிக்கிழமை: ஐ.சி.ஐ.சி.ஐ வங்கி, ஐ.டி.எஃப்.சி. முதல் வங்கி, யெஸ் வங்கி மற்றும் ஜே.கே. சிமெண்ட் உள்ளிட்ட 13 நிறுவனங்கள் தங்களது டிசம்பர் காலாண்டு முடிவுகளை வெளியிட உள்ளன.
இந்த வரும் வாரங்களில் வெளியாகும் நிதி முடிவுகள் இந்தியப் பொருளாதாரத்தின் பல்வேறு துறைகளின் நிதி நிலைமையைப் பற்றிய மதிப்புமிக்க தகவல்களை முதலீட்டாளர்களுக்கும் சந்தை பகுப்பாய்வாளர்களுக்கும் வழங்கும்.
Sign in with Google