பங்கு பிரிப்பில் களமிறங்கும் 4 நிறுவனங்கள்.. மலிவு விலைக்கு வரும் ஷாலிமார் ஏஜென்சீஸ்

ஒரு நிறுவனம் தனது பங்குகளின் எண்ணிக்கையை அதிகரித்து, அதே விகிதத்தில் ஒரு பங்கின் விலையை குறைப்பதே பங்கு பிரிப்பாகும். இது முதலீட்டின் மொத்த மதிப்பை மாற்றாது ஆனால் முதலீட்டாளர்கள் முன்பை விட அதிகமான பங்குகளை பெறுவார்கள். சிறு முதலீட்டாளர்களுக்கு பங்குகளை மிகவும் மலிவு விலையில் வழங்கவும், சந்தை பணப்புழக்கத்தை அதிகரிக்கவும், அதிக வர்த்தக நடவடிக்கைகளை ஈர்க்கவும் நிறுவனங்கள் தங்கள் பங்குகளை பிரிக்கின்றன. இந்த வாரம் ஐஓஎல் உள்பட 4 நிறுவனங்கள் பங்கு பிரிப்பு நடவடிக்கையை மேற்கொள்ள உள்ளன.

மேலும் அந்த நிறுவனங்கள், புதிய சரிசெய்யப்பட்ட பங்கு பிரிப்பு விலையில் பங்கு வர்த்தகம் தொடங்கும் தேதியான எக்ஸ்-பிரிப்பு தேதி மற்றும் பங்கு பிரிப்புக்கு உரிமையுள்ள பங்குதாரர்களின் தகுதியை உறுதி செய்வதற்கான பதிவு தேதி ஆகியவற்றையும் அறிவித்துள்ளன.

ஐஓஎல் கெமிக்கல்ஸ் அண்ட் பார்மாசூட்டிக்கல்ஸ் பங்கு பிரிப்புக்கான பதிவு தேதியை மார்ச் 11ம் தேதியாக நிர்ணயம் செய்து இருந்தது. இந்நிறுவனம் ரூ.10 முகமதிப்பு கொண்ட ஒரு பங்கினை ரூ.2 முகமதிப்பு கொண்ட ஐந்து பங்குகளாக பிரித்தது. இன்று மும்பை பங்குச் சந்தையில் வர்த்தகத்தின் முடிவில் இப்பங்கின் விலை ரூ.64.45ஆக இருந்தது.

மெஹாய் டெக்னாலஜி லிமிடெட் நிறுவனம் ரூ.10 முகமதிப்பு கொண்ட ஒரு பங்கினை ரூ.1 முகமதிப்பு கொண்ட பத்து பங்குகளாக பிரிக்க உள்ளது. இந்நிறுவனம் எக்ஸ்-பிரிப்பு தேதியை மார்ச் 13ம் தேதியாகவும், பங்கு பிரிப்புக்கான பதிவு தேதியை மார்ச் 14ம் தேதியாக நிர்ணயம் செய்துள்ளதாக இந்நிறுவனம் தெரிவித்துள்ளது. இன்று மும்பை பங்குச் சந்தையில் வர்த்தகத்தின் முடிவில் இப்பங்கின் விலை ரூ.137.90ஆக இருந்தது.

ஷாலிமார் ஏஜென்சீஸ் நிறுவனம் ரூ.10 முகமதிப்பு கொண்ட ஒரு பங்கினை ரூ.1 முகமதிப்பு கொண்ட பத்து பங்குகளாக பிரிக்க உள்ளது. இந்நிறுவனம் எக்ஸ்-பிரிப்பு தேதியை மார்ச் 13ம் தேதியாகவும், பங்கு பிரிப்புக்கான பதிவு தேதியை மார்ச் 14ம் தேதியாக நிர்ணயம் செய்துள்ளதாக தெரிவித்துள்ளது. இன்று மும்பை பங்குச் சந்தையில் வர்த்தகத்தின் முடிவில் இந்நிறுவன பங்கின் விலை ரூ.89.10ஆக இருந்தது.

ஷங்கா டெகோர் நிறுவனம் ரூ.5 முகமதிப்பு கொண்ட ஒரு பங்கினை ரூ.1 முகமதிப்பு கொண்ட ஐந்து பங்குகளாக பிரிக்க உள்ளது. இந்நிறுவனம் எக்ஸ்-பிரிப்பு தேதியை மார்ச் 13ம் தேதியாகவும், பங்கு பிரிப்புக்கான பதிவு தேதியை மார்ச் 14ம் தேதியாக நிர்ணயம் செய்துள்ளதாக தெரிவித்துள்ளது. இன்று மும்பை பங்குச் சந்தையில் வர்த்தகத்தின் முடிவில் இப்பங்கின் விலை ரூ.4.85ஆக இருந்தது.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.