அமெரிக்காவின் புதிய அதிபரான டொனால்டு டிரம்ப் திட்டங்கள் மூலம் அந்நாட்டில் அதிகளவிலான பணவீக்கம் உருவாகும் என எதிர்பார்க்கப்படும் நிலையில் அமெரிக்கப் பெடரல் வங்கி தனது வட்டி விகிதத்தை உயர்த்த திட்டமிட்டுள்ளது.
இதன் மூலம் இந்தியா மற்றும் சர்வதேச சந்தையில் முதலீடு செய்திருந்த முதலீட்டாளர்கள் அதிகளவில் அமெரிக்கச் சந்தையில் முதலீடு செய்யத் துவங்கியுள்ளனர்.
இதனால் நாணய சந்தையில் முதலீட்டு அளவு தொடர்ந்து குறைந்து வருகிறது. இந்நிலையில் தங்கம் விலை கடந்த 4 நாட்களாகத் தொடர் சரிவைச் சந்தித்து வருகிறது.
இன்றைய நாணய சந்தையில் 24 கேரட் 1 கிராம் தங்கம் விலை 45 ரூபாய் குறைந்து 2,976 ரூபாய்க்கு வர்த்த்கம் செய்யப்பட்டு வருகிறது. அதேபோல் 22 கேரட் 1 கிராம் தங்கத்தின் விலை 2,865 ரூபாயில் இருந்து 2,823 ரூபாயாகக் குறைந்துள்ளது.