கடந்த சில மாதங்களாக உச்சநிலையை எட்டிய தங்கம் கடந்த வாரத்தில் இருந்து சரியத் தொடங்கியுள்ளது.

நேற்று காலை விலையுடன் ஒப்பிடுகையில் 24 காரட் சுத்தத் தங்கத்தின் விலை இன்று காலையில் 69 ரூபாய் குறைந்து 2 ஆயிரத்து 915 ரூபாய்க்கு விற்பனையாகிறது.

22 ,000 ரூபாய்க்கு குறைவு

ஆபரணத் தங்கம் ஒரு கிராமுக்கு 65 ரூபாய் விலை சரிந்து 2 ஆயிரத்து 726 ஆக உள்ளது. ஒரு சவரன் 21,808 ஆக விற்பனை செய்யப்படுகிறது.

வெள்ளியைப் பொருத்தவரை, ஒரு கிலோ பார் வெள்ளி விலை 2 ஆயிரத்து 545 ரூபாய் சரிந்து, 53 ஆயிரத்து 440க்கு விற்கப்படுகிறது. சில்லரை விற்பனையில் ஒரு கிராம் வெள்ளியின் விலை ஒரு ரூபாய் 90 காசுகள் வீழ்ச்சியடைந்து 57 ரூபாய் 20 காசுக்கு விற்பனையாகிறது.

ஏன் இந்த வீழ்ச்சி?

சர்வதேச அளவில் தங்கத்தின் தேவை சரிவால், விலை குறைந்ததே இந்தியாவில் தங்கத்தின் விலை வீழ்ச்சியடைய காரணமாக கூறப்படுகிறது.

மொத்த வணிகர்கள் ஒரே நேரத்தில் அதிக அளவில் தங்கம் மற்றும் வெள்ளியை விற்பனை செய்ததும், அவற்றின் விலை கடந்த 7 மாதங்களில் இல்லாத சரிவை சந்தித்ததாக தெரிகிறது.
கடந்த 5 மாதங்களில் தங்கம் விலை சவரனுக்கு 2 ஆயிரத்து 616 ரூபாய் சரிந்துள்ளது. வெள்ளியின் விலை ஒரு கிலோவுக்கு 2 ஆயிரத்து 545 ரூபாய் வீழ்ச்சி கண்டுள்ளது என்பது குறிப்பிடத்தக்கது.