ரூபாய் மதிப்பிறக்கம்

ரூபாயின் மதிப்பு அதிவேகமாக இறங்கி, 2013 ஆம் வருட மே மாதத்தில் சுமார் 5%, ஜூன் மாதத்தில் சுமார் 2% டாலர் மதிப்பில் இறங்கியுள்ளதால், தங்கத்தின் விலை மேலும் அதிகரித்தது. அரசு, ரூபாய் மதிப்பை உயர்த்துவதற்கான முயற்சிகளில் இறங்கியுள்ளதால், தங்க இறக்குமதி நடைமுறைகள் எளிதாக்கப்பட்டுள்ளன. இதனால் தங்கத்தின் விலையும் குறையலாம்.

அந்நிய முதலீட்டு நிறுவனங்கள்

கடந்த சில மாதங்களாக ஹெச்எஸ்பிசி, சிஎல்எஸ்ஏ மற்றும் ஜெர்மானிய வங்கிகள் வெளியிட்டுள்ள விமர்சனங்களில் தங்கத்தின் மீதான அவநம்பிக்கை வெளிப்படுவதைக் காணலாம்.

யு.எஸ்இன் தூண்டுதல்

யு.எஸ்இன் பொருளாதார மீட்சி சூடுபிடித்து வருவதனால், யு.எஸ். ஃபெடரல் ரிசர்வ், குவான்டிட்டேட்டிவ் ஈஸிங் என்றழைக்கப்படும் அதன் செயற்கை தூண்டுதலை கைவிடக்கூடும். இதன் விளைவாக உலகளவில் தங்கத்தின் விலையில் ஒரு சரிவு உண்டாகலாம். குவான்டிட்டேட்டிவ் ஈஸிங் திட்டத்தை வாபஸ் வாங்கினால் தங்கத்தை பணமாக்கக்கூடிய சாத்தியமும் இறுகி விடும். சர்வதேச அளவில் ஏற்படும் தங்கத்தின் விலைச்சரிவு, உள்ளூர் விலைகளையும் சரியச் செய்யும்.

இறக்குமதி வரி

இந்தியா தங்கத்தின் மிகப்பெரும் இறக்குமதியாளராகத் திகழ்கிறது. உண்மையில், இந்தியாவில் தங்கத்துக்கு நிலவும் தேவையானது உலக அளவில் சுமார் மூன்றில் ஒரு பங்காக உள்ளது. சமீபத்தில் அரசு தங்கத்தின் மீதான இறக்குமதி வரியை அதிகரித்துள்ளது; இதனால், தங்கத்தின் விலை மேலும் அதிகரித்துள்ளது. இது சர்வதேச அளவில் தங்கத்தின் கிராக்கியை பாதிக்கக்கூடும்; அவ்வாறாயின், வரும் மாதங்களில் இதன் தாக்கம் தங்கத்தின் விலையிலும் பிரதிபலிக்க்க்கூடும்.